Dokʉ̈ Körɛ̂nte 14:1 - Mbëtï Ndjapä: TÄFO MADƗ̈

¹ Nyë pü köbo dokʉ̈tchê ndə̂kə̂ nyində̂ angâ nyê. Nyë wä ndjë la gʉ ndə̂kə̂ gbo arə ndə̂ Kpɨ̂ki Yingö, praâbalë nyë pü köbo tə̂ gbölösə̂nə̈ ndə̂kə̂ to ndə̂ma Ndjapä.

Dokʉ̈ Körɛ̂nte 14:1 Iomraidhean Croise

Rômo 12:6

Ndjapä kʉ̈ arə ndə̂ Yingö ngbî ngbî sə̈ azə̈ lə̂ köbosə̂ tchôtchô su yê. Âdə ngâ akrə âwa la rə ndə̂ Yingö ndə̂kə̂ to pö batə̂ earə̂ ndə̂ma Ndjapä, äwäpä tche tö pö nə̈ gundə̂sə̂ kə̂ za su yê sə̈ Ndjapä.

Rômo 14:19

Käko äwäpä azə̈ pü köbo rə ndə̂ ânə la zɨtɨ su la rə ndə̂ âmbo rə̂ pä azə̈ kpokpo tə̂ azə̂ lə̂ gbâtə̂ azə̂ lə̂ köbosə̂ kə̂ za su azə̂ sə̈ Ndjapä.

Rômo 9:30

Käko azə̈ âto rə̂ atöko? Angaâtə, azü ndə̂ andjë wâbô wâtə̂ ajuîfu wâ djîrə̂ lə̂ la Ndjapä nə̂, bëte rə̂ ndə̂ andjë zâ su andjê sə̈ Ndjapä. Dëkë andjë pûâbo köbo nə̈ alême ndə̂kə̂ wa djîrə̂ lə̂ la Ndjapä-a.

Dokʉ̈ Körɛ̂nte 12:1

Âdə andə̂ arə ndə̂ Kpɨ̂ki Yingö kʉ rə̂ sə̈ azü, arə̂mä më nyïndə̂ nə̈ pä nyë wunsə̂ pö pânə̈ djîrə̂.

Dokʉ̈ Körɛ̂nte 12:31

Nyë pü köbo ndə̂kə̂ gbo gbôgbô ndə̂ Yingö za rə̂ sə̈ akrə ndə̂ âdâka kə̈ rô adɨ̂ nə̈ gbɛ̂. Praâbalë angaâtə, më ânyisə̂ ngâ köbo sə̈ nyê ndə̂ âdâka kə̈ rô adɨ̂ nə̈ gbɛ̂.

Dokʉ̈ Körɛ̂nte 13:13

Ndə̂ tchô angaâtə, arə vötaâ lâme kä tâ: Kə̂ za su sə̈ Krîsiti, kə̂ za su pâ rə ndə̂ akrə krʉ bëte rə̂, la kə̂ nyində̂ ngâ, praâbalë kə̂ nyində̂ ngâ wä gbölö kə̈ rô adɨ̂ nə̈ gbɛ̂.

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Dokʉ̈ Körɛ̂nte 14:22

Käko ndə̂kə̂ to pö la ama gö ngbî ngbî də̈ ngâ nyîsɨ̂ rə tə̂ pö ndə̂ azü ndə̂ andjë zâbô su andjê zâ sə̈ Krîsiti-î, praâbalë âdə̂âbo azü ndə̂ andjë zâ su andjê sə̈ Krîsiti-a. Kə̂ to ndə̂ma Ndjapä wätə̂ ngâ nyîsɨ̂ rə tə̂ pö ndə̂ azü ndə̂ andjë zâ su andjê sə̈ Krîsiti, praâbalë âdə̂âbo azü ndə̂ andjë zâbô su andjê zâ sə̈ Krîsiti lâme-a.

Dokʉ̈ Körɛ̂nte 14:37

Âdə ngâ akrə âwuntî pä anyë də̈ earə̂ ndə̂ma Ndjapä, âdəndjë akrə ndə̂ tche wâ la Kpɨ̂ki Yingö, äwäpä tche wunsə̂ nə̈ lə̂ pö ndə̂ më mbô rə̂ sə̈ nyê âtə pä agbôgbô pö ma Gbölö Gbïɛ̈ kä.

Dokʉ̈ Körɛ̂nte 14:39

Käko arə̂mä, nyë pü köbo ndə̂kə̂ to ndə̂ma Ndjapä. Nyë kïäbô kîtə̂ köbo tə̂ azü ndə̂ andjë nyîndə̂ kə̂ to pö la ama gö ngbî ngbî,

Dokʉ̈ Körɛ̂nte 16:14

Rə gbɛ̂ ndə̂ nyê mbo rə̂, nyë mbö rə̂ lakə̂ nyïndə̂ angâ nyê.

Ëfêze 1:3

Azə̈ voga Ndjapä Bha Gbölö Gbïɛ̈ ndə̂ azə̂ Jezü Krîsiti! Tche kʉ̈ arə ndə̂ Yingö gbɛ̂ ndə̂ âwâ bhâ lafô sə̈ azə̂, lə̂ köbosə̂ nə̈ ndə̂ azə̈ wâ balë la Krîsiti.

Dokʉ̈ Tësälönîke 5:20

nyë wün-äbô apö ndə̂ a-earə̂ ndə̂ma Ndjapä wûn batə̂ mbämbä pö-ê.

Dokʉ̈ Timotë 4:14

Amö taluabô sə̂ rə ndə̂ Yingö ndə̂ Ndjapä zâ rə̂ sə̈ mö lâme tâlu-î. Tche zä rə̂ sə̈ mö lə̂ köbosə̂ tchôtchô su yê, ndjë gundə̂sə̂ pö ndə̂ a-earə̂ ndə̂ma Ndjapä tô rə̂ pâ zə̈, ndjë la rə̂ ndə̂ kpûlû akpôkpô azü tô könô andjê pâ zə̈ lâme.

Dokʉ̈ Timotë 5:10

Äwäpä azü wunsə̂ yê la atchôtchô kua ndə̂ tche mbô rə̂: Tche də̈ akrə ndə̂ tchê bata abechë, kə̂ wunsə̂ kə̂ kʉ ayirə bhândə̂ yê, kə̂ djutu da azü ndə̂ Ndjapä, kə̂ za könô sə̈ azü ndə̂ andjë sə̂ lə̂ nyonyo. Tche də̈ akrə ndə̂ tche mbo tchôtchô rə balë balë gbɛ̂.

Dokʉ̈ Timotë 6:11

Âdə andə̂ zə nə̈, akrə ndə̂ Ndjapä, amö kpe tə̂ arə lâme gbɛ̂. Amö pu köbo djîrə̂ rə, kə̂ zatə̂ zə̈ gbɛ̂ sə̈ Ndjapä, kə̂ za su zə̈ sə̈ Krîsiti, kə̂ nyində̂ ngâ, kə̂ mbo rə nyima-ë.

Bïchuû Timotë 2:22

Amö kpe tə̂ gʉ arə ndə̂ âmbo abechë-ɛ̈köchë la abechë-ɛ̈chë lâme. Pu köbo ndə̂kə̂ mbo djîrə̂ rə, kə̂ za su zə̈ sə̈ Krîsiti, kə̂ nyində̂ ngâ, kə̂ sə la zɨtɨ su la azü ndə̂ nyê e rə̈ Gbölö Gbïɛ̈ la andjê, la grôgrô su.

Aheborö 12:14

Nyë pü köbo ndə̂kə̂ sə la zɨtɨ su la azü gbɛ̂, kə̂ mbo rə̂ pä tchîsûwu ndə̂ nyê daka gbɛ̂. Bëte ârə̂ âdəabô də̂ käko, akrə balë wun-abô Gbölö Gbïɛ̈ tee-a.

Bïchuû Pîêre 1:7

Nyë zä kə̂ mbo la sə̂ angâ nyê ëpâ kə̂ zatə̂ nyê gbɛ̂ sə̈ Ndjapä, nyë zä kə̂ nyïndə̂ ngâ ëpâ kə̂ mbo la sə̂ angâ nyê.

Vötaâ Jâan 1:11

Ngâ mê ndə̂ më nyîndə̂ zə̈ tə̂ gbölösə̂nə̈, amö zabô tchêngbâ ngbongbo rə zâ-ê, praâbalë amö za tchêngbâ tchôtchô rə. Akrə ndə̂ tche mbô tchôtchô rə, dëkë tche də̈ akrə ndə̂ Ndjapä. Akrə ndə̂ tche mbô ngbongbo rə, dëkë tche wûn-âbo sə̂ Ndjapä-a.