Dokʉ̈ Körɛ̂nte 13:9 - Mbëtï Ndjapä: TÄFO MADƗ̈

⁹ Bëte kə̂ wunsə̂ rə ndə̂ azə̂ wä kütû tə̂ tchâkalâ nə̈, kə̂ to ndə̂ma Ndjapä ndə̂ azə̂ wä kütû tə̂ tchâkalâ nə̈.

Dokʉ̈ Körɛ̂nte 13:9 Iomraidhean Croise

Matiyə̈ 11:27

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.

Rômo 11:34

Mbëtï Ndjapä tö rə̂ päkëdə̂: «Tchabâ kä ndə̂ âwûnsə̂ pö bhâtə̂ su Gbölö Gbïɛ̈? Tchabâ âwâ ndə̂kə̂ za wängö sə̈ tchë?

Dokʉ̈ Körɛ̂nte 13:10

Praâbalë âdə ndundu rə nə̈ ndə̂ âdâka gbɛ̂ âwutu, tchâkalâ rə nə̈ lâme âroadje.

Dokʉ̈ Körɛ̂nte 13:12

Ndə̂ azə̈ sə̂ âtə, azə̈ sə̈ lakə̂ wun tchô batə̂ rə̂ ndə̂ akrə wuntə̂ yê la wunla, kə̈ wûn-âbo rə nə̈ djîrə̂-a, praâbalë tə̂ngâlo, azə̂ wun-adje rə nə̈ tchâtchu azə̂. Ndə̂ azə̈ sə̂ âtə, kə̂ wunsə̂ rə ndə̂ mê wätə̂ tchâkalâ nə̈, praâbalë tə̂ngâlo, mê wun-adje sə̂ arə gbɛ̂ batə̂ rə̂ ndə̂ Ndjapä wûnsə̂ mê.

Dokʉ̈ Körɛ̂nte 2:9

Praâbalë Mbëtï Ndjapä tö rə̂ päkëdə̂: «Rə ndə̂ la akrə wûn-âbô rə̂ wûn-î, rə ndə̂ tü akrə djêâbô rə̂ djê-ê, rə ndə̂ pö nə̈ wûtuabô wûtu tə̂ su akrə-ê, Ndjapä nyïkrə rə̂ gbɛ̂ bëte azü ndə̂ andjë nyîndə̂ yê.»

Dokʉ̈ Körɛ̂nte 8:2

Âdə ngâ akrə âwun rə̂ pä anyë wûnsə̂ rə nə̂, dëkë tche wûn-âbo sə̂ rə batə̂ rə̂ ndə̂ a wunsə̂ rə-a.

Ëfêze 3:8

Mëmê ndə̂ më wâtə̂ kpîɛ̂kpîɛ̂ akrə lə̂ gbâtə̂ akpîɛ̂kpîɛ̂ azü ndə̂ Ndjapä gbɛ̂, tche mbô tchôtchô su tə̂ mê ndə̂kə̂ mu pö batə̂ ngâ tchôtchô pö ndə̂ atchôtchô arə ndə̂ ârô masə̂nə̈ lə̂ Krîsiti sə̈ azü ndə̂ andjë wâbô wâtə̂ ajuîfu.

Dokʉ̈ Jâan 3:2

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.