Dokʉ̈ Körɛ̂nte 13:5 - Mbëtï Ndjapä: TÄFO MADƗ̈

⁵ Akrə ndə̂ tche nyîndə̂ ngâ yê, tche mbôâbo rə ganô-a, tche pûâbo rə tə̂ pö ndə̂ yê-a, kə̈ mbôâbo mêrâ-a, kə̈ zâbo akrə tə̂ su yê-a.

Dokʉ̈ Körɛ̂nte 13:5 Iomraidhean Croise

Matiyə̈ 5:22

Praâbalë mëmê ndə̂ me nə̈, më tö rə̂ sə̈ nyê päkëdə̂: Akrə ndə̂ tche mbô mêrâ tə̂ ngâ yê, tche kʉ̈sə̂ nə̈ pä a e la tchë atə̂ tchâtchu gbölö kpûlû ndə̂ earə̂ kə̂ wa ngbanga. Akrə ndə̂ tche tô rə̂ sə̈ ngâ yê päkëdə̂: ‹Mo ndɨ̂ nə̂›, a â-eadje la tchë atə̂ tchâtchu a-earə̂ kə̂ wa ngbanga. Akrə ndə̂ tche tô rə̂ sə̈ ngâ yê päkëdə̂: ‹Momö ndə̂ earə̂ nyî âtə›, tche kʉ̈sə̂ nə̈ pä a yi tchë lə̂ wo ndə̂ âju pïï etə̂.

Matiyə̈ 9:4

Jezü wûnsə̂ pö bhâlə̂ su andjê, kə̈ tô rə̂ sə̈ andjê päkëdə̂: «Nyë rɨ̈ tchə̂lə̂ nyê tə̂ ngbongbo nə̈ käko bëte giamâ?

Mâreke 3:5

Jezü wûn tchə̂lə̂ la andjê balë balë la mêrâ, kə̈ wâ la nyonyo bëte gbôgbô su andjê. Tche tô rə̂ sə̈ köchë lâme päkëdə̂: «Yorʉa tchə̂lə̂ könô zə̈.» Tche yôrʉa tchə̂lə̂ nə̈, ânyë könô yê nə̈ dâka-ê.

Lûke 7:39

Farizïɛ̈n ndə̂ tche ê Jezü lâme âsə̈ wun rə̂ käko, kə̈ tô rə̂ bhâtə̂ su yê päkëdə̂: «Âdə köchë âtə âwatə̂ lëge earə̂ ndə̂ma Ndjapä, dëkë tche wûnsə̂ pö pâ ɛ̈chë ndə̂ tche sə̂ lakə̂ grʉ tchë lâme nə̂. Ɛ̈chë lâme wätə̂ earə̂ ngbongbo rə.»

Dokʉ̈ Körɛ̂nte 10:24

Âwâbo pä akrə pu rə kütû bëte tchë la tə̂ yê-a, praâbalë äwäpä tche pu rə bëte angâ yê.

Dokʉ̈ Körɛ̂nte 10:33

Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Dokʉ̈ Körɛ̂nte 11:18

Tə̂ dokʉ̈ nə̈, a tö rə̂ sə̈ mê pä âdə nyê âpalatə̂ nyê, apö ndə̂kə̂ krʉ tchə̂lə̂ tə̂ kä lə̂ gbâtə̂ nyê, tchâkalâ pö nə̈ wätə̂ lëge pö.

Dokʉ̈ Körɛ̂nte 12:25

Ndjapä mbö tâ käko ndə̂kə̂ pa tchə̂lə̂ gbâtə̂ atchâme-tə̂ krʉabô tchə̂lə̂ tə̂ yê krʉ̂-ê, ânyë atchâme-tə̂ nə̈ balë balë za könô sə̈ angâ andjê lə̂ gbâtə̂ andjê.

Dokʉ̈ Körɛ̂nte 7:36

Âdə ngâ köchë ndə̂ gbô tchë sə̂ lakə̂ e ngbâ ngâ ɛ̈chë, tchë âwun rə̂ pä anyë wä ndə̂kə̂ gitə̂ anyê pu ɛ̈chë nə̈ tə̂ pö ndə̂nə̈ ndə̂ gʉ ɛ̈chë nə̈ rôpâ yê, ânyë tche wûn rə̂ pä ädäka ndə̂kə̂ pa anyë to tchë, käko äwäpä tche mbo rə̂ batə̂ rə̂ ndə̂ su yê nyîndə̂ nə̈. Ngbongbo rə də̂âbo rə̂ ndə̂ tche mbô rə̂ lâme-a: Äwäpä andjê bïchuû gbɛ̂ totə̂ andjê.

Bïchuû Körɛ̂nte 5:19

Bëte lə̂ köbosə̂ Krîsiti kä ndə̂ Ndjapä mbô rə̂ pä tchôtchô kə̂ sə wa lə̂ gbâtə̂ azü la Krîsiti. Tche gbäsə̂ ngbongbo rə ndə̂ azü, ânyë kə̈ zä pö ndə̂ tchôtchô kə̂ sə lə̂ gbâtə̂ azü la tchë ëlə̂ ma ârâ ndə̂kə̂ mu rə̂.

Gälâte 5:13

Arə̂mâ ndə̂ mê, Ndjapä ë nyê ndə̂kə̂ pa nyë wutu tchâtchâ ngbâa. Âwâbo pä kə̂ wutu ndə̂ nyê tchâtchâ ngbâa nə̈ lâme watə̂ ngâ köbo ndə̂kə̂ mbo angbongbo arə ndə̂ gʉ su nyê-a. Praâbalë lə̂ köbosə̂ kə̂ nyïndə̂ ngâ, nyë mbö kua sə̈ angâ nyê lə̂ gbâtə̂ nyê.

Fïlîpe 2:21

Adɨ̂ azü gbɛ̂ dɨ̈ su andjê pâ arə ndə̂ andjê la tə̂ andjê, âdə̂âbo pâ arə ndə̂ Jezü Krîsiti-a.

Fïlîpe 4:8

Ndə̂kə̂ ka pö nə̈, arə̂mä, äwäpä nyë za su nyê pâ rə ndə̂ âdâka, rə ndə̂ a voga rə̂, rə ndə̂ âwâtə̂ lëge nə̈, rə ndə̂ a lusə̂ nə̈, rə ndə̂ âwâ djîrə̂, rə ndə̂ âdâka gbɛ̂, rə ndə̂ âfû lə̂ la azü, rə ndə̂ a to tchôtchô pö ndə̂nə̈ sə̈ azü.

Bïchuû Tësälönîke 3:7

Âdə andə̂ nye nə̈, nyë wûnsə̂ köbo ndə̂kə̂ mbo rə batə̂ ârâ nə̂. Ndə̂ ârâ sə̂ lə̂ gbâtə̂ nyê alême, ârâ mbôâbo dö-a.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.

Bïchuû Timotë 4:16

Tə̂ dokʉ̈ nə̈ ndə̂ më kôsə̂ pö tə̂ mê tchâtchu a-earə̂ kə̂ wa ngbanga, ngâ akrə balë sə̂âbo ndrotə̂ mê-a, azü gbɛ̂ gbôtə̂ mê-ê. Äwäpä Ndjapä mboabô ngâ rə mbô tə̂ andjê tə̂ pö ndə̂nə̈-ê.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.