Dokʉ̈ Körɛ̂nte 13:3 - Mbëtï Ndjapä: TÄFO MADƗ̈

³ Âdə mê âkrʉ tchə̂lə̂ arə ndə̂ mê gbɛ̂ tə̂ a-earə̂ gʉ, âdə mê âgbo ndjë tə̂ tə̂ mê ndə̂kə̂ pa a cho rə̂ la wo, ânyë kə̂ nyində̂ ngâ wâbô wâ lə̂ mê-ê, mê gboabô ngâ rə ngbânə̈ tee-a.

Dokʉ̈ Körɛ̂nte 13:3 Iomraidhean Croise

Matiyə̈ 23:5

Arə gbɛ̂ ndə̂ andjë mbo rə̂, andjë mbö rə̂ ndə̂kə̂ pa azü wun andjê la rə̂. Andjë mbö rə̂ ndə̂kə̂ pa tchə̂lə̂ ayɛ̈yɛ̈ kədjâ ndə̂ angâ apö lə̂ Mbëtï Ndjapä wa lə̂nə̈ lâme ge tə̂ gbölösə̂nə̈, ndə̂ andjë î rə̂ tə̂ könô andjê âdəndjë tə̂ küma andjê lâme. Andjë mbö rə̂ ndə̂kə̂ pa ndöma lə̂ba ndə̂ a sɨ̂ rə̂ tə̂ ma gbölö lə̂ba ndə̂ andjê wa gɛ̂ɛ̂-ë.

Lûke 18:22

Pânə̈ ndə̂ Jezü djê pö lâme, tche tô rə̂ sə̈ tchë päkëdə̂: «Gbô ngâ rə balë kä po ndə̂kə̂ pa mo mbo rə̂: Äwäpä mo ka arə gbɛ̂ ndə̂ mo wâ la rə̂, kə̂ krʉ tchə̂lə̂ makətche nə̈ tə̂ a-earə̂ yûkü, käko ânyë mô gboadje arə bhâ lafô, la tchêngbâ nə̈, mo nə ngbâ mê.»

Lûke 18:28

Käko Pîêre tô rə̂ päkëdə̂: «Ârâ gbötə̂ arə ndə̂ ârâ gbɛ̂, ânyë kə̈ zâ tchêngbâ zə̈.»

Lûke 19:8

Praâbalë Zachë krʉ̂ lafô tchâtchu Gbölö Gbïɛ̈ kə̈ tô rə̂ sə̈ tchë päkëdə̂: «Amö djë mê Gbölö Gbïɛ̈, më âkʉ ngâ tchâkalâ arə ndə̂ mê gbɛ̂ sə̈ a-earə̂ yûkü. Âdə më âbolo ngâ akrə ânyë kə̈ kʉ̂ makətche ndə̂ yê, më âgi rə̂ ëngbânə̈ sə̈ tchë sûsunə̈ voanə̈.»

Jâan 12:43

Bëte andjë nyïndə̂ kə̂ lusə̂tə̂ andjê, ndə̂ âtô dəndə̂ azü kə̈ rôpâ anə̈ ndə̂ âtô bhândə̂ Ndjapä.

Jâan 13:37

Pîêre yû tchë päkëdə̂: «Gbölö Gbïɛ̈, bëte giamâ mo tô rə̂ pä më wâbo ndə̂kə̂ za tchêngbâ zə̈ angangaâtə? Më kä ësə̂ kə̂ tchu bëte mö.»

Jâan 15:13

Âdə ngâ akrə âza tchîsûwu ndə̂ yê la kuzü bëte araagü nə̈, ndə̂kə̂ nyisə̂ kə̂ nyində̂ ngâ ndə̂ yê, kə̂ nyində̂ ngânə̈ lâme wä gbölö kə̈ rô adɨ̂ nə̈ gbɛ̂.

Jâan 6:63

Yingö kä ndə̂ âmbo rə̂ pä akrə wa la tchîsûwu. Mbë akrə wâbo ndə̂kə̂ mbo ngâ rə-a. Apö ndə̂ më tô rə̂ sə̈ nyê lâme wätə̂ apö ndə̂ Yingö la apö ndə̂ âza tchîsûwu.

Abadjângele 21:13

Käko tche tô rə̂ ndə̂nə̈ päkëdə̂: «Bëte giamâ nyë sə̂ lakə̂ kɨ ânyë kə̈ zâ su mê ngbɨ̂ɨ̂ lafô? Âwâbo kütû ndə̂kə̂ pa a i mê-a, praâbalë më kä ndjë tchêtchêtchê ndə̂kə̂ tchu bhâ Jerûzalêmo bëte rə̈ Gbölö Gbïɛ̈ Jezü.»

Gälâte 5:26

Azə̈ mböäbô rə mbô lakə̂ bhi gogo azə̂-ê, azə̈ püäbô angâ azə̂ pû la pö-ê, kə̂ mboabô gʉ rə ndə̂ angâ azə̂ mbô lə̂ gbâtə̂ azə̂-ê.

Fïlîpe 2:3

Âwâbo pä nyë gbogbro tə̂ nyê ndə̂kə̂ pu gbölö tchô âdəndjë ndə̂kə̂ wa la ngbongbo su ndə̂kə̂ pa azü wun nyê-a, praâbalë äwäpä nyë mbotə̂ nyê kpîɛ̂kpîɛ̂ rə̂, kə̂ wun angâ nyê gbölö âro nyê.

Dokʉ̈ Timotë 4:8

Angɨ̈ gbɛ̂ ndə̂ âmbo rə̂ pä tchə̂lə̂ kpoto akrə kra lâme, ämbö dâkâ tə̂ akrə kpîɛ̂kpîɛ̂ rə̂, praâbalë kə̂ zatə̂ andjê gbɛ̂ sə̈ Ndjapä däka lə̂ arə gbɛ̂. Bëte kə̂ zatə̂ andjê gbɛ̂ sə̈ Ndjapä nə̈ lâme, pö ndə̂ tchîsûwu ndə̂ akrə gbo rə̂ kä lə̂nə̈: Tchîsûwu ndə̂ yê ndə̂ tchô angêta, la tchîsûwu ndə̂ yê ndə̂ tchô lâmbo.

Aheborö 13:9

Âwâbo pä nyë gbotə̂ köbo sə̈ azü, andjë bolo nyê lakə̂ nyisə̂ angâ apö ngbî ngbî sə̈ nyê-a, bëte äwäpä su nyê kpokpo tə̂ yê lə̂ köbosə̂ tchôtchô su ndə̂ Ndjapä, âdə̂âbo tə̂ pö ndə̂ kɨ̈zɨ̂-a. Azü ndə̂ andjë bata ndïɛ̈ ndə̂ kɨ̈zɨ̂ lâme, andjë gbôâbo ngâ rə ngbânə̈ balë-a.