Dokʉ̈ Körɛ̂nte 13:2 - Mbëtï Ndjapä: TÄFO MADƗ̈

² Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Dokʉ̈ Körɛ̂nte 13:2 Iomraidhean Croise

Matiyə̈ 13:11

Tche tô rə̂ ndə̂nə̈ sə̈ andjê päkëdə̂: «Andə̂ nye nə̈, Ndjapä zä rə̂ sə̈ nyê ndə̂kə̂ wunsə̂ alëge pö ndə̂ Gbölö gö-gbïɛ̈ ndə̂ tchêlafô ndə̂ âwâ wü. Andə̂ andjë nə̈, Ndjapä zâbo rə̂ sə̈ andjê ndə̂kə̂ wunsə̂ nə̈-a.

Matiyə̈ 17:20

Jezü tô rə̂ ndə̂nə̈ sə̈ andjê päkëdə̂: «Bëte kə̂ za su nyê sə̈ Ndjapä wä kpîɛ̂kpîɛ̂ rə̂. Ɛn-ɛn, tə̂ lëge nə̈ më tö rə̂ sə̈ nyê: Âdə kə̂ za su nyê sə̈ Ndjapä âwa kpîɛ̂kpîɛ̂ rə̂ batə̂ ndjî mütârede, âdə nyê âto rə̂ sə̈ aga âtə päkëdə̂: ‹Amö alafô kə̂ e təbhâ›, aga lâme âro etə̂. Ngâ rə ndə̂ sə̂nə̈ ka tə̂ nyê wabô tee-a.

Matiyə̈ 21:19

Tche wûn ngâ yö fîge ndroma köbo ânyë kə̈ gîtə̂ yê ndola rə̂, praâbalë tche gbö kütû akʉ̈kʉ̂ nə̈. Tche tô rə̂ sə̈ yö nə̈ päkëdə̂: «Mô kä le bata tee-a.» Po la tchêngbâ nə̈ yö nə̈ hrô-ê.

Matiyə̈ 21:21

Jezü tô rə̂ ndə̂nə̈ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Tə̂ngâlo, âdə nyë âza su nyê sə̈ Ndjapä ânyë kə̈ dôdoabô su nyê dôdo-ê, nyê âmbo rə batə̂ rə̂ ndə̂ më mbô rə̂ tə̂ yö ndə̂ fîge lâme, kə̂ mbo rə̂ âro anə̈ lâme. Âdə nyë âto rə̂ sə̈ aga âtə päkëdə̂: ‹Alafô tchâme, kə̈ tê bhâlə̂ gbölö ngû ngbro›, rə nə̈ âmbo batə̂ rə̂.

Abadjângele 13:1

Lə̂ Egilîze ndə̂ Äntïyôche, a-earə̂ ndə̂ma Ndjapä la aköchë ndə̂ andjë nyisə̂ rə kä tâ: Bärnäbâse, Simeyön ndə̂ a ê rə̂ tə̂ yê pä bübü akrə, Lüsïûse akrə gö ndə̂ Sïrêne, Manayë ndə̂ andjë kʉ̂che la gbölö kömändâ Hërôde, la Sôlo.

Rômo 11:25

Arə̂mä, më nyïndə̂ nə̈ pä nyë wunsə̂ apö ndə̂ Ndjapä ndə̂ âwâ lə̂ küwû nə̈, ânyë kə̂ wun-abô tə̂ nyê wûn batə̂ a-earə̂ kə̂ wunsə̂ rə-ê. Angâ azü ndə̂ Isarayële âkoadje sə̂kə̂ dje tchə̂lə̂ pö zoo lo nə̈ ndə̂ adɨ̂ azü ndə̂ andjë wâbô wâtə̂ ajuîfu ka pu Ndjapä.

Rômo 15:14

Arə̂mâ ndə̂ mê, më wünsə̂ nə̈ tə̂ lëge nə̈ bhâtə̂ su mê pä gʉgʉ kə̂ mbo tchôtchô rə sɨ̂sɨ̈ lə̂ su nyê; më wünsə̂ nə̈ pä nyë wünsə̂ rə lə̂ köbo nə̈ ânyë kə̈ wâ ndjë ndə̂kə̂ za wängö lə̂ gbâtə̂ nyê la angâ nyê.

Rômo 16:25

Äwäpä azə̈ voga Ndjapä! Tche wä la gbôgbô ndə̂kə̂ mbo rə̂ pä nyë kpokpo lə̂ köbosə̂ kə̂ za su nyê sə̈ Ndjapä, gundə̂sə̂ Tchôtchô Pö ndə̂ Jezü Krîsiti ndə̂ më mû rə̂. Tchôtchô Pö nə̈ wätə̂ rə ndə̂ tche nyîkrə rə̂ dokʉ̈tchê bhâlə̂ su yê, ndə̂ ândə̂po lə̂ küwû nə̈ logbɛ̂, ânyë tche nyîsə̂ nə̈ sə̈ azə̂ angêta.

Dokʉ̈ Körɛ̂nte 11:4

Köchë ndə̂ tche sə̂ lakə̂ to pö sə̈ Ndjapä âdəndjë rə̂ ndə̂ tche sə̂ lakə̂ to ndə̂ma Ndjapä, ânyë kə̈ î ngâ rə pâ küma yê, dëkë tche lûâbo sə akrə tə̂ küma yê-a.

Dokʉ̈ Körɛ̂nte 12:28

Ädə̈ käko ânyë azü ndə̂ Ndjapä kʉ̂ andjê lə̂ Egilîze tə̂ dokʉ̈ nə̈ də̈ abadjângele. Abïchuû nə̈ də̈ a-earə̂ ndə̂ma Ndjapä. Avötaâ azü nə̈ də̈ a-earə̂ kə̂ nyisə̂ rə, pânə̈ azü ndə̂ tche zâ gbôgbô sə̈ andjê ndə̂kə̂ mbo akpɨ̈ngbɨ̈ rə, pânə̈ azü ndə̂ tche zâ gbôgbô sə̈ andjê ndə̂kə̂ tcha a-earə̂ tə̂kömbô, azü ndə̂ tche zâ gbôgbô sə̈ andjê ndə̂kə̂ za könô sə̈ angâ andjê, azü ndə̂ tche zâ gbôgbô sə̈ andjê ndə̂kə̂ sə tə̂ küma angâ andjê, azü ndə̂ tche zâ gbôgbô sə̈ andjê ndə̂kə̂ to pö la ama gö ngbî ngbî ndə̂ andjë wûn-âbô sə̂nə̈ wûn-î.

Dokʉ̈ Körɛ̂nte 13:1

Âdə mê âto pö la ama gö ndə̂ azü la andə̂ aânje, ânyë kə̂ nyində̂ ngâ wâbô wâ lə̂ mê-ê, dëkë më wä batə̂ ngâ ajorʉa ndə̂ âkɨ âdəndjë ngâ kâlângbä ndə̂ âkɨ ngbôô.

Dokʉ̈ Körɛ̂nte 13:3

Âdə mê âkrʉ tchə̂lə̂ arə ndə̂ mê gbɛ̂ tə̂ a-earə̂ gʉ, âdə mê âgbo ndjë tə̂ tə̂ mê ndə̂kə̂ pa a cho rə̂ la wo, ânyë kə̂ nyində̂ ngâ wâbô wâ lə̂ mê-ê, mê gboabô ngâ rə ngbânə̈ tee-a.

Dokʉ̈ Körɛ̂nte 13:8

Kə̂ nyîndə̂ ngâ wä pïï etə̂. Kə̂ to ndə̂ma Ndjapä âkrʉadje, gbôgbô ndə̂ Yingö ndə̂kə̂ to pö la ama gö ngbî ngbî âkadje, kə̂ wunsə̂ rə âkrʉadje.

Dokʉ̈ Körɛ̂nte 14:29

Âdə andə̂ azü ndə̂ andjë wâtə̂ a-earə̂ ndə̂ma Ndjapä, äwäpä azü bïchuû âdəndjë vötaâ to rə̂, ânyë adɨ̂ azü nə̈ chi ndə̂ pö nə̈ ndə̂ andjë to rə̂ lâme.

Dokʉ̈ Körɛ̂nte 14:39

Käko arə̂mä, nyë pü köbo ndə̂kə̂ to ndə̂ma Ndjapä. Nyë kïäbô kîtə̂ köbo tə̂ azü ndə̂ andjë nyîndə̂ kə̂ to pö la ama gö ngbî ngbî,

Dokʉ̈ Körɛ̂nte 14:4

Akrə ndə̂ tche to pö la ama gö ngbî ngbî, tche mbö rə̂ ndə̂kə̂ pä tchetchë la tə̂ yê kpokpo tə̂ yê. Praâbalë akrə ndə̂ tche to ndə̂ma Ndjapä, tche mbö rə̂ pä azü lə̂ Egilîze kpokpo tə̂ andjê.

Dokʉ̈ Körɛ̂nte 15:51

Më nyïndə̂ kə̂ nyisə̂ ngâ rə ndə̂ gbô rə̂ wâ lə̂ küwû nə̈ sə̈ nyê: Azə̂ tchuabô gbɛ̂ tee-a, praâbalë tə̂ azə̂ gbɛ̂ âwadje ngbî,

Dokʉ̈ Körɛ̂nte 16:22

Âdə ngâ akrə ânyiabô nyîndə̂ Gbölö Gbïɛ̈, äwäpä ngbongbo pö wa pâ yê. Maranatä! Gbölö Gbïɛ̈ amö nə!

Dokʉ̈ Körɛ̂nte 4:1

Äwäpä nyë wun ârâ batə̂ a-earə̂ kua ndə̂ Krîsiti, ndə̂ andjë wâtə̂ azü ndə̂ andjë bata lëge pö ndə̂ Ndjapä ndə̂ âwâ lə̂ küwû nə̈ ndə̂kə̂ mbo rə̂ la kua gundə̂sə̂ nə̈.

Dokʉ̈ Körɛ̂nte 7:19

Ndə̂kə̂ wa gasa âdəndjë ndə̂kə̂ wabô gasa wâ, äwä ämbänə̈: Gbölö rə nə̈ wä ndə̂kə̂ mbo rə gundə̂sə̂ ndïɛ̈ ndə̂ Ndjapä.

Dokʉ̈ Körɛ̂nte 8:4

Käko äwä ndə̂kə̂ zɨ gûsû ndə̂ a wâ rə̂ la ngela sə̈ angakʉ̈lä ämbänə̈? Azə̈ wûnsə̂ nə̈ nə̂ pä ngâ ngakʉ̈lä balë sə̂âbo pâ cho âtə-a, ânyë ngâ ndjapä ngbî wâbo-a, kütû Ndjapä balë.

Bïchuû Körɛ̂nte 12:11

Më wä batə̂ earə̂ nyî! Nyënyê kä ndə̂ âmbô rə̂ pä më wa käko. Nyënyê âme kä ndə̂ âwâ ndə̂kə̂ to tchôtchô pö pâ mê. Âdə më âwabô wâtə̂ ngâ rə-ê, agbögbölö abadjângele ndə̂ nyê lâme rôâbo mê la ngâ rə balë-a.

Gälâte 5:16

Nyë djë mê: Nyë gbötə̂ köbo sə̈ Yingö tche nyisə̂ köbo sə̈ nyê, käko nyê kä mbo bata rə lə̂ köbosə̂ ngbongbo gʉ su nyê tee-a.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Gälâte 6:3

Âdə ngâ akrə âwatə̂ mbämbä akrə, ânyë kə̈ wûntə̂ yê batə̂ gbölö akrə, dëkë tche bölotə̂ yê la tə̂ yê.

Ëfêze 3:4

Nyë âsə̈ dɨ mbëtï nə̈, kə̂ wun-adje rə̂ pä më wûnsə̂ pö ndə̂ Krîsiti ndə̂ âwâ lə̂ küwû nə̈ lâme nə̂.

Ëfêze 6:19

Nyë tö ndjë pö sə̈ Ndjapä bëte mê ndə̂kə̂ pa tche za pö ndə̂ yê ëlə̂ ma mê ânyë mê muabô Tchôtchô Pö ndə̂ rə ndə̂ âwâ lə̂ küwû nə̈ mû la wa-ê.

Kölôse 1:26

Ndjapä vüsə̂ nə̈ lə̂ angû balë balë tə̂ azü gbɛ̂, ânyë kə̈ vrô lanə̈ angaâtə sə̈ azü ndə̂ yê.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Dokʉ̈ Jâan 4:8

Akrə ndə̂ tche nyîâbô nyîndə̂ ngâ yê, dëkë tche wûn-âbo sə̂ Ndjapä-a, bëte Ndjapä wätə̂ kə̂ nyində̂ ngâ.