Dokʉ̈ Körɛ̂nte 13:13 - Mbëtï Ndjapä: TÄFO MADƗ̈

¹³ Ndə̂ tchô angaâtə, arə vötaâ lâme kä tâ: Kə̂ za su sə̈ Krîsiti, kə̂ za su pâ rə ndə̂ akrə krʉ bëte rə̂, la kə̂ nyində̂ ngâ, praâbalë kə̂ nyində̂ ngâ wä gbölö kə̈ rô adɨ̂ nə̈ gbɛ̂.

Dokʉ̈ Körɛ̂nte 13:13 Iomraidhean Croise

Lûke 10:27

Köchë lâme tô rə̂ ndə̂nə̈ päkëdə̂: «Äwäpä mo nyində̂ Gbölö Gbïɛ̈ Ndjapä ndə̂ zə̈ la su zə̈ gbɛ̂, la yingö ndə̂ zə̈ gbɛ̂, la gbôgbô ndə̂ zə̈ gbɛ̂, la kə̂ wunsə̂ rə ndə̂ zə̈ gbɛ̂. Kə̂ nyində̂ ngâ zə̈ batə̂ tə̂ zə̈.»

Lûke 22:32

Praâbalë më yü Ndjapä tə̂ zə̈ ndə̂kə̂ pa mo gboabô gbôtə̂ kə̂ za su zə̈ sə̈ mê-ê. Âdə mo âka pu mê nə̂, äwäpä mo kpokpo arə̂mâ ndə̂ zə̈.»

Rômo 15:13

Ndjapä mbö rə̂ tə̂ su andjê ndə̂kə̂ krʉ bëte rə ndə̂ tche tô pö ndə̂nə̈; äwäpä tche mbo rə̂ ânyë su nyê sɨ̂sɨ̈ la mômô ndjë la zɨtɨ su lə̂ köbosə̂ su nyê ndə̂ nyë zâ rə̂ sə̈ Jezü. Käko lə̂ köbosə̂ gbôgbô ndə̂ Kpɨ̂ki Yingö, nyê ndəpo lakə̂ za su nyê pâ yê logbɛ̂.

Dokʉ̈ Körɛ̂nte 14:1

Nyë pü köbo dokʉ̈tchê ndə̂kə̂ nyində̂ angâ nyê. Nyë wä ndjë la gʉ ndə̂kə̂ gbo arə ndə̂ Kpɨ̂ki Yingö, praâbalë nyë pü köbo tə̂ gbölösə̂nə̈ ndə̂kə̂ to ndə̂ma Ndjapä.

Dokʉ̈ Körɛ̂nte 16:14

Rə gbɛ̂ ndə̂ nyê mbo rə̂, nyë mbö rə̂ lakə̂ nyïndə̂ angâ nyê.

Dokʉ̈ Körɛ̂nte 3:14

Âdə akrə âmbo nda ânyë âjûâbô jû-î, tchê gboadje ngâ tchôtchô rə ngbânə̈.

Dokʉ̈ Körɛ̂nte 8:1

Âdə andə̂ gûsû ndə̂ a wâ rə̂ la ngela sə̈ angakʉ̈lä: Tə̂ lëge nə̈, «azə̂ gbɛ̂ də̈ a-earə̂ kə̂ wunsə̂ rə», batə̂ rə̂ ndə̂ nyê to tchê rə̂. Kə̂ wunsə̂ rə lâme mbö rə̂ pä azü bhi gogo andjê, praâbalë kə̂ nyində̂ ngâ mbö rə̂ ânyë akrə ndə̂ Krîsiti ge lə̂ Yingö.

Dokʉ̈ Körɛ̂nte 8:3

Praâbalë âdə ngâ akrə ânyində̂ Ndjapä, Ndjapä wûnsə̂ yê nə̂.

Bïchuû Körɛ̂nte 5:10

Bëte azə̂ gbɛ̂ wutuadje tchâtchu ngbanga ndə̂ Krîsiti ndə̂kə̂ pa akrə balë balë gbo rə ngbâ rə ndə̂ tche mbô rə̂ sə̂nə̈ ndə̂ tche sə̂ la tʉ̈rʉ̂ la yê pâ cho âtə, atchôtchô nə̈ âdəndjë angbongbo nə̈.

Bïchuû Körɛ̂nte 5:15

Tche tchü bëte azü gbɛ̂ ndə̂kə̂ pa azü ndə̂ andjë wâ la tʉ̂rʉ la andjê wa bata wâ la tʉ̈rʉ̂ la andjê bëte andjê la tə̂ andjê, praâbalë andjë wä la tʉ̈rʉ̂ la andjê bëte tchanə̈ ndə̂ tche tchû ânyë kə̈ jô lə̂ kuzü bëte andjê.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Fïlîpe 1:9

Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Kölôse 1:27

Ndjapä nyïndə̂ nə̈ pä andjë wunsə̂ atchôtchô arə ndə̂ ârô masə̂nə̈ ndə̂ tche nyîkrə rə̂ lə̂ küwû nə̈ bëte azü ndə̂ andjë wâbô wâtə̂ ajuîfu. Rə nə̈ ndə̂ tche nyïkrə rə̂ wä kâkë: Krîsiti kä lə̂ nyê ndə̂kə̂ pa nyë za su nyê ndə̂kə̂ krʉ bëte tchë ânyë kə̂ sə la tchë lə̂kə̂ wa gbölö ndə̂ yê.

Kölôse 1:5

Bëte sə̂nə̈ ndə̂ lëge pö ndə̂ âdə̂ Tchôtchô Pö wûtu tə̂ dokʉ̈ nə̈ lə̂ gbâtə̂ nyê, nyë zä su nyê pâ rə ndə̂ Ndjapä nyîkrə rə̂ bëte nyê bhâ lafô. Rə ndə̂ nyë zâ su nyê pânə̈ lâme mbö rə̂ ânyë nyë zâ su nyê sə̈ Krîsiti ânyë kə̈ nyîndə̂ azü ndə̂ Ndjapä.

Kölôse 3:14

Rə ndə̂ ârô adɨ̂ arə nə̈ də̈ kə̂ nyində̂ ngâ, ndə̂ âdə̂ rə ndə̂ âpala azü ëtâ djîrə̂.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Tësälönîke 5:8

Praâbalë azə̂ ndə̂ azə̈ wâtə̂ azü ndə̂ ngbɛ̂ngbɛ̂ lo, azə̈ zɨ̈äbô rə zɨ̂ âro masə̂nə̈-ê. Äwäpä kə̂ za su sə̈ Ndjapä lakə̂ nyində̂ ngâ lâme, azə̈ yü rə̂ batə̂ lə̂ba kʉ̈ʉ̈ ndə̂ a mbô rə̂ la wɛ̂n ndə̂ akrə yu rə̂ ëtə̂ krʉ yê, kə̂ yu kə̂ tcha lə̂ kuzü ndə̂ azə̈ zâ su azə̂ pânə̈ lâme batə̂ kpoto ndə̂ wɛ̂n ndə̂ akrə yu rə̂ ëtə̂ küma yê.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Bïchuû Timotë 1:7

Bëte âdə̂âbo Yingö ndə̂ wawa kä ndə̂ Ndjapä zâ rə̂ sə̈ azə̂-a, praâbalë Yingö nə̈ lâme wätə̂ Yingö ndə̂ gbôgbô, kə̈ wâtə̂ Yingö ndə̂kə̂ nyində̂ ngâ, la Yingö ndə̂kə̂ kitə̂ gʉ tə̂ akrə.

Aheborö 10:35

Rə ndə̂ su nyê krʉ̂ bëte rə̂ lâme, âwâbo pä nyë gbotə̂ köbo nə̈-a, bëte nyê gbôadje gbölö rə ngbânə̈.

Aheborö 10:39

Azə̈ də̂âbo azü ndə̂ andjë dôtə̂ andjê atə̂ ngbânə̈ ânyë köbo yu tə̂ andjê-a. Praâbalë azə̈ də̈ azü ndə̂ azə̈ zâ su azə̂ sə̈ Jezü ndə̂kə̂ tcha lə̂ kuzü.

Aheborö 6:11

Praâbalë ârâ nyïndə̂ nə̈ pä akrə balë balë gbɛ̂ mbo kütû rə batə̂ anə̈ dokʉ̈tchê lâme ndjoa ëtə̂ manə̈, ânyë nyê gbo arə ndə̂ su nyê krʉ̂ bëte rə̂.

Aheborö 6:19

Âdə andə̂ azə̈ nə̈, äwäpä azə̈ kpokpo tə̂ azə̂ batə̂ wɛ̂n pâ rə ndə̂ su azə̂ wâ pânə̈ lâme lə̂ la Ndjapä. Rə nə̈ ndə̂ su azə̂ wâ pânə̈ lâme wätə̂ rə ndə̂ âkpôkpo tə̂ yê, ânyë kə̈ rô lə̂ lə̂ba ndə̂ a wâ tchə̂lə̂ gbölö nda Ndjapä la rə̂ ndə̂ âwâ bhâ lafô.

Dokʉ̈ Pîêre 1:21

Lə̂ köbosə̂ Krîsiti kä ndə̂ nyë zâ su nyê sə̈ Ndjapä, ndə̂ tche jô Krîsiti lə̂ kuzü ânyë kə̈ lûsə̂ yê. Käko ânyë su nyê ndə̂ nyë zâ rə̂ sə̈ Ndjapä la rə ndə̂ su nyê krʉ̂ bëte rə̂ lâme âwa pâ Ndjapä.

Dokʉ̈ Jâan 2:10

Akrə ndə̂ tche nyîndə̂ ngâ yê, tche kä lə̂ ngbänga, ânyë ngâ rə balë ndə̂ âmbo rə̂ pä tche te lə̂ ngbongbo rə wâbo-a.

Dokʉ̈ Jâan 2:14

Nyënyê ndə̂ abechë ndə̂ mê, më mbö mbëtï âtə sə̈ nyê bëte nyë wûnsə̂ Bha nə̂. Nyënyê ndə̂ arabha, më mbö mbëtï âtə sə̈ nyê bëte nyë wûnsə̂ tchanə̈ ndə̂ tche wâ tâ lə̂ kêsâ nə̈ lâme nə̂. Nyënyê ndə̂ abechë-ɛ̈köchë la abechë-ɛ̈chë, më mbö mbëtï âtə sə̈ nyê bëte nyë kpôkpo tə̂ nyê nə̂, pö Ndjapä kä lə̂ su nyê, ânyë nyë rôpâ Ngbongbo akrə nə̂.

Dokʉ̈ Jâan 2:24

Âdə andə̂ nye nə̈, äwäpä nyë bäta pö ndə̂ nyë djê rə̂ lə̂ kêsâ nə̈ lâme. Âdə nyë âbata pö ndə̂ nyë djê rə̂ lə̂ kêsâ nə̈ lâme, dëkë nyë wâ nə̂ balë la Modô nə̈, ndjë la Bha.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.

Dokʉ̈ Jâan 3:9

Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.