Dokʉ̈ Körɛ̂nte 13:12 - Mbëtï Ndjapä: TÄFO MADƗ̈

¹² Ndə̂ azə̈ sə̂ âtə, azə̈ sə̈ lakə̂ wun tchô batə̂ rə̂ ndə̂ akrə wuntə̂ yê la wunla, kə̈ wûn-âbo rə nə̈ djîrə̂-a, praâbalë tə̂ngâlo, azə̂ wun-adje rə nə̈ tchâtchu azə̂. Ndə̂ azə̈ sə̂ âtə, kə̂ wunsə̂ rə ndə̂ mê wätə̂ tchâkalâ nə̈, praâbalë tə̂ngâlo, mê wun-adje sə̂ arə gbɛ̂ batə̂ rə̂ ndə̂ Ndjapä wûnsə̂ mê.

Dokʉ̈ Körɛ̂nte 13:12 Iomraidhean Croise

Matiyə̈ 18:10

«La nyê gbö-ê! Nyë wün-äbô ngâ yɛ̈yɛ̈ bechë wûn lə̂ gûtə̂ ayɛ̈yɛ̈ abechë âtə batə̂ mbämbä akrə-ê. Më tö rə̂ sə̈ nyê, aânje ndə̂ ayɛ̈yɛ̈ abechë âtə kä bhâ tchâtchu Bha mê bhâ lafô. [

Matiyə̈ 5:8

Nyë wä la mômô, nyënyê ndə̂ nyë wâ la grôgrô su, bëte nyê wun-adje Ndjapä!

Jâan 10:15

batə̂ rə̂ ndə̂ Bha mê wûnsə̂ mê, ânyë më wûn ndjë sə̂ Bha mê. Më gbötə̂ tchîsûwu ndə̂ mê bëte aɛ̈bro-ngbaga ndə̂ mê.

Rômo 8:18

Më wünsə̂ nə̈ pä yûkü ndə̂ azə̈ wun rə̂ angêta âtə, äwä batə̂ ngâ kpîɛ̂kpîɛ̂ rə. Âwâbo ndjë batə̂ kə̂ wa gbölö ndə̂ Ndjapä ndə̂ tchê nyiadje sə̂nə̈ sə̈ azə̂ tə̂ngâlo lâme-a.

Dokʉ̈ Körɛ̂nte 13:11

Ndə̂ gbô mê ndə̂po tə̂ bechë, më tö pö batə̂ abechë, kə̂ za küma mê wä batə̂ andə̂ abechë. Praâbalë sə̂nə̈ ndə̂ më âsə̈ kʉche, më gbôtə̂ kə̂ mbo rə batə̂ abechë-ê.

Dokʉ̈ Körɛ̂nte 8:3

Praâbalë âdə ngâ akrə ânyində̂ Ndjapä, Ndjapä wûnsə̂ yê nə̂.

Bïchuû Körɛ̂nte 3:18

Azə̂ gbɛ̂ ndə̂ a jî lə̂ba tə̂ la azə̂, azü âwun golowäre ndə̂ Gbölö Gbïɛ̈ pâ la azə̂ batə̂ rə̂ ndə̂ akrə wun tchâtchu yê lə̂ wunla. Azə̈ wâ nə̂ ngbî ndə̂kə̂ pa azə̈ kʉtə̂ azə̂ la Gbölö Gbïɛ̈, ânyë golowäre ndə̂ azə̂ sə lakə̂ gêgë lə̂ köbosə̂ Gbölö Gbïɛ̈ ndə̂ tche də̂ Yingö.

Bïchuû Körɛ̂nte 5:7

Azə̈ sə̈ lakə̂ nə lə̂ tchîsûwu âtə lə̂ köbosə̂ kə̂ za su azə̂ sə̈ Ndjapä, âdə̂âbo bëte rə ndə̂ azə̈ wun rə̂-a.

Fïlîpe 3:12

Më tôâbo rə̂ pä më wûtu ëtə̂ manə̈ âdəndjë rə̂ ndə̂ më dâka gbɛ̂ nə̂-a. Praâbalë gbô mê kä lə̂ rö, më zätə̂ mê gbɛ̂ la gbôgbô ndə̂kə̂ za rə ndə̂ âwâ bëte mê, bëte Jezü Krîsiti la tə̂ yê zâ mê nə̂.

Jâke 1:23

Âdə ngâ akrə âdje pö nə̈ ânyë kə̈ mbôâbô rə mbô gundə̂sə̂ nə̈, tche wä batə̂ akrə ndə̂ tche wûn tchâtchu yê ndə̂ a zɨ̂ tchë la rə̂ lə̂ wunla.

Dokʉ̈ Jâan 3:2

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.

Apökälîbïchi 22:4

Andjê wun-adje tchâtchu yê ânyë a mboadje rə̈ yê pâ la andjê.