Dokʉ̈ Körɛ̂nte 13:1 - Mbëtï Ndjapä: TÄFO MADƗ̈

¹ Âdə mê âto pö la ama gö ndə̂ azü la andə̂ aânje, ânyë kə̂ nyində̂ ngâ wâbô wâ lə̂ mê-ê, dëkë më wä batə̂ ngâ ajorʉa ndə̂ âkɨ âdəndjë ngâ kâlângbä ndə̂ âkɨ ngbôô.

Dokʉ̈ Körɛ̂nte 13:1 Iomraidhean Croise

Matiyə̈ 25:45

Gbïɛ̈ nə̈ toadje rə̂ ndə̂nə̈ sə̈ andjê päkëdə̂: ‹Ɛn-ɛn, tə̂ lëge nə̈ më tö rə̂ sə̈ nyê, logbɛ̂ ndə̂ nyë mbôâbo rə̂ mbô tə̂ ngâ mbämbä akrə lə̂ gbâtə̂ arə̂mâ ndə̂ mê, dëkë nyë mbôâbo ndjë rə̂ tə̂ mê-a.›

Mâreke 16:17

Asɨ̂nyî rə ndə̂ âzadje tchêngbâ andjanə̈ ndə̂ andjê zadje su andjê sə̈ mê wä kâkë: Andjê groadje angbongbo atchozö la rə̈ mê, kə̂ toadje pö la angâ atäfo ama gö.

Rômo 14:15

Âdə ngâ kɨ̈zɨ̂ ndə̂ mo zɨ̂ rə̂ lə̂ la ngâ zə̈ ânyë âzâ nyonyo tə̂ su yê, änyïsə̂ nə̈ pä mo mbôâbo rə lə̂ köbosə̂ kə̂ nyində̂ ngâ-a. Akrə ndə̂ Krîsiti tchû bëte tchë, âwâbo pä mo ndɨ köbo yê bëte pö ndə̂ kɨ̈zɨ̂-a.

Dokʉ̈ Körɛ̂nte 12:10

Tche zä gbôgbô ndə̂kə̂ mbo akpɨ̈ngbɨ̈ rə sə̈ ngâ akrə, kə̈ zâ gbôgbô ndə̂kə̂ to ndə̂ma Ndjapä sə̈ ngânə̈, kə̈ zâ gbôgbô ndə̂kə̂ krʉ tchə̂lə̂ Kpɨ̂ki Yingö la angbongbo yingö sə̈ ngânə̈, kə̈ zâ gbôgbô ndə̂kə̂ to pö la ama gö ngbî ngbî sə̈ ngânə̈, ânyë kə̈ zâ gbôgbô sə̈ ngânə̈ ndə̂kə̂ to ndə̂ma pö ndə̂ ama gö ngbî ngbî lâme sə̈ angâ yê.

Dokʉ̈ Körɛ̂nte 12:16

Âdə tü âto rə̂ päkëdə̂: «Âbatə̂ më də̂âbô la də̂ âtə-ê, më də̂âbo ngâ tchâkalâ tə̂ akrə-a.» Ârə̂ kä ndə̂ âmbo rə̂ pä tche wabô wâtə̂ ngâ tchâkalâ tə̂ akrə nə̈?

Dokʉ̈ Körɛ̂nte 12:8

Yingö zä pö ndə̂ küma ndə̂ âwa lanə̈ sə̈ ngâ akrə, kə̈ zâ gbôgbô sə̈ ngânə̈ ndə̂kə̂ to pö lə̂ köbosə̂ kə̂ wunsə̂ rə.

Dokʉ̈ Körɛ̂nte 13:8

Kə̂ nyîndə̂ ngâ wä pïï etə̂. Kə̂ to ndə̂ma Ndjapä âkrʉadje, gbôgbô ndə̂ Yingö ndə̂kə̂ to pö la ama gö ngbî ngbî âkadje, kə̂ wunsə̂ rə âkrʉadje.

Dokʉ̈ Körɛ̂nte 14:2

Bëte akrə ndə̂ tche to pö la ama gö ngbî ngbî, tche tôâbo pö nə̈ sə̈ azü-a, praâbalë tche to rə̂ sə̈ Ndjapä. Ngâ akrə balë djêâbo tchə̂lə̂ pö nə̈-a, tche tö pö ndə̂ arə ndə̂ gbô rə̂ wâ lə̂ küwû nə̈ lə̂ köbosə̂ Kpɨ̂ki Yingö.

Dokʉ̈ Körɛ̂nte 14:4

Akrə ndə̂ tche to pö la ama gö ngbî ngbî, tche mbö rə̂ ndə̂kə̂ pä tchetchë la tə̂ yê kpokpo tə̂ yê. Praâbalë akrə ndə̂ tche to ndə̂ma Ndjapä, tche mbö rə̂ pä azü lə̂ Egilîze kpokpo tə̂ andjê.

Dokʉ̈ Körɛ̂nte 14:5

Më nyïndə̂ nə̈ pä nyënyê gbɛ̂ nyê to pö la ama gö ngbî ngbî, praâbalë më nyïndə̂ nə̈ tə̂ gbogbôsə̂nə̈ pä nyë to ndə̂ma Ndjapä. Akrə ndə̂ tche tô ndə̂ma Ndjapä, tche mbö tchôtchô rə kə̈ rô akrə ndə̂ tche to pö la ama gö ngbî ngbî. Ndə̂kə̂ pa akrə ndə̂ tche to pö la ama gö ngbî ngbî mbo tchôtchô rə, äwäpä ngâ akrə to tchêngbâ pö nə̈ la ma gö ndə̂ azü nə̈, ânyë azü ndə̂ Egilîze nə̈ kpokpo tə̂ andjê.

Dokʉ̈ Körɛ̂nte 8:1

Âdə andə̂ gûsû ndə̂ a wâ rə̂ la ngela sə̈ angakʉ̈lä: Tə̂ lëge nə̈, «azə̂ gbɛ̂ də̈ a-earə̂ kə̂ wunsə̂ rə», batə̂ rə̂ ndə̂ nyê to tchê rə̂. Kə̂ wunsə̂ rə lâme mbö rə̂ pä azü bhi gogo andjê, praâbalë kə̂ nyində̂ ngâ mbö rə̂ ânyë akrə ndə̂ Krîsiti ge lə̂ Yingö.

Bïchuû Körɛ̂nte 12:4

Ndjapä zä tchë kə̈ kênga la tchë atə̂ paradï. Bhâye, tche djê angâ apö. Apö nə̈ lâme, kə̂ to rə̂ kâkä tə̂ akrə, ânyë a zâbo köbo sə̈ akrə ndə̂kə̂ kä to tchêndə̂ nə̈-a.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Dokʉ̈ Pîêre 4:8

Dokʉ̈ nə̈ wä ndə̂kə̂ pa nyë nyində̂ angâ nyê lə̂ gbâtə̂ nyê la su nyê gbɛ̂, bëte kə̂ nyində̂ ngâ vüsə̂ angbängbä angbongbo rə.

Bïchuû Pîêre 2:18

Apö ndə̂ andjë sə lakə̂ bhi gogo andjê lakə̂ to rə̂ wä kütû tə̂ avôvôo apö. Lə̂ köbosə̂ angbongbo gʉ su andjê la arə ganô ndə̂ andjê, andjë mbö rə̂ pä azü ndə̂ andjë wûtu anganga lə̂ gbâtə̂ a-earə̂ ngbongbo rə, te lə̂ gbânda ndə̂ andjê.

Apökälîbïchi 14:2

Më djê ngâ tchə̂lə̂ gɨ̈ ndə̂ âtô bhâ lafô batə̂ gbölö ngû, batə̂ sɨ̈kɨ̈ gbölö nyïvrö ndə̂ âsoa, ânyë tchə̂lə̂ gɨ̈ ndə̂ më djê rə̂ lâme wä batə̂ a-earə̂ kundi ndə̂ andjë sə̂ lakə̂ na kundi ndə̂ andjê.