Dokʉ̈ Körɛ̂nte 12:9 - Mbëtï Ndjapä: TÄFO MADƗ̈

⁹ Kütû Yingö balë lâme zä kə̂ za su sə̈ Krîsiti sə̈ ngâ akrə, kə̈ zâ gbôgbô ndə̂kə̂ tcha azü lə̂ tə̂kömbô sə̈ ngânə̈.

Dokʉ̈ Körɛ̂nte 12:9 Iomraidhean Croise

Matiyə̈ 10:8

Nyë tchä a-earə̂ tə̂kömbô, kə̂ jo akuzü, kə̂ tcha a-earə̂ broma, kə̂ gro angbongbo atchozö. Ndjapä kʉ̈ rə̂ sə̈ nyê ämbämbänə̈, nyë kʉ̈ rə̂ sə̈ azü ämbämbänə̈.

Matiyə̈ 21:21

Jezü tô rə̂ ndə̂nə̈ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Tə̂ngâlo, âdə nyë âza su nyê sə̈ Ndjapä ânyë kə̈ dôdoabô su nyê dôdo-ê, nyê âmbo rə batə̂ rə̂ ndə̂ më mbô rə̂ tə̂ yö ndə̂ fîge lâme, kə̂ mbo rə̂ âro anə̈ lâme. Âdə nyë âto rə̂ sə̈ aga âtə päkëdə̂: ‹Alafô tchâme, kə̈ tê bhâlə̂ gbölö ngû ngbro›, rə nə̈ âmbo batə̂ rə̂.

Mâreke 16:18

Andjê kʉadje aɛ̈krʉ̂ la könô andjê, âdə andjê ândjo ngâ rə ndə̂ yö kə̂ won tchô wâ lə̂nə̈, âmboabô ngâ ngbongbo rə tə̂ andjê balë tee-a. Andjê toadje könô andjê pâ a-earə̂ tə̂kömbô ânyë andjê tchadje.»

Mâreke 6:13

Andjë grö angbongbo atchozö tə̂ gbölösə̂nə̈, kə̈ tchâ atə̂kömbô tə̂ gbölösə̂nə̈ lakə̂ mbo kâdâ tə̂ andjê.

Lûke 10:9

Nyë tchä a-earə̂ tə̂kömbô lə̂ gö nə̈, kə̂ to rə̂ sə̈ azü gö nə̈ päkëdə̂: ‹Gbölö gö-gbïɛ̈ ndə̂ Ndjapä ndô la nyê nə̂.›

Lûke 9:2

Pânə̈ tche wân andjê ndə̂kə̂ mu pö ndə̂ Gbölö gö-gbïɛ̈ ndə̂ Ndjapä, lakə̂ tcha a-earə̂ tə̂kömbô.

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Abadjângele 5:15

Azü wütu la a-earə̂ tə̂kömbô ndroma köbo, a kʉ̈ andjê ëpâ kʉ̈ngrʉ âdəndjë pâ gbogbo ndə̂kə̂ pa Pîêre âsə̈ ro, tchâkrʉzrö yê ro pâ angânə̈ lə̂ gbâtə̂ andjê.

Dokʉ̈ Körɛ̂nte 12:28

Ädə̈ käko ânyë azü ndə̂ Ndjapä kʉ̂ andjê lə̂ Egilîze tə̂ dokʉ̈ nə̈ də̈ abadjângele. Abïchuû nə̈ də̈ a-earə̂ ndə̂ma Ndjapä. Avötaâ azü nə̈ də̈ a-earə̂ kə̂ nyisə̂ rə, pânə̈ azü ndə̂ tche zâ gbôgbô sə̈ andjê ndə̂kə̂ mbo akpɨ̈ngbɨ̈ rə, pânə̈ azü ndə̂ tche zâ gbôgbô sə̈ andjê ndə̂kə̂ tcha a-earə̂ tə̂kömbô, azü ndə̂ tche zâ gbôgbô sə̈ andjê ndə̂kə̂ za könô sə̈ angâ andjê, azü ndə̂ tche zâ gbôgbô sə̈ andjê ndə̂kə̂ sə tə̂ küma angâ andjê, azü ndə̂ tche zâ gbôgbô sə̈ andjê ndə̂kə̂ to pö la ama gö ngbî ngbî ndə̂ andjë wûn-âbô sə̂nə̈ wûn-î.

Dokʉ̈ Körɛ̂nte 12:30

Azü gbɛ̂ kä ndə̂ âwâ la gbôgbô ndə̂kə̂ tcha a-earə̂ tə̂kömbô? Azü gbɛ̂ kä ndə̂ âwâ la gbôgbô ndə̂kə̂ to pö la ama gö ngbî ngbî? Azü gbɛ̂ kä ndə̂ âwâ la gbôgbô ndə̂kə̂ to tchêngbâ ama gö ngbî ngbî nə̈?

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Bïchuû Körɛ̂nte 4:13

Batə̂ rə̂ ndə̂ azə̈ zâ su azə̂ sə̈ Ndjapä gundə̂sə̂ pö lə̂ mbëtï ndə̂ yê päkëdə̂: «Më zâ su mê sə̈ Ndjapä nə̂, bëte rə̂ kä ndə̂ mê to pö.» Azəzə̂ ndjë, azə̈ gämba pö nə̈, bëte rə̂ kä ndə̂ azə̈ to pö.

Ëfêze 2:8

Bëte a tchä nyê lə̂ köbosə̂ tchôtchô su, lə̂ köbosə̂ kə̂ za su nyê sə̈ Ndjapä. Kə̂ tcha lə̂ kuzü lâme tôâbo bhândə̂ nyê-a, Ndjapä kä âkə̈ zâ rə̂.

Aheborö 11:33

Bëte lə̂ köbosə̂ kə̂ za su sə̈ Ndjapä, andjë röpâ agbölö gö-gbïɛ̈ la kʉ̈ʉ̈, andjë mbö adjîrə̂ rə, kə̈ gbô arə ndə̂ Ndjapä zâ bâlâ nə̈. Andjë ngbö ma abämalä ëtâ.