Dokʉ̈ Körɛ̂nte 12:7 - Mbëtï Ndjapä: TÄFO MADƗ̈

⁷ A zä gbôgbô ndə̂ Kpɨ̂ki Yingö sə̈ akrə balë balë tə̂ pö ndə̂ dâkâ ndə̂ azü gbɛ̂.

Dokʉ̈ Körɛ̂nte 12:7 Iomraidhean Croise

Dokʉ̈ Körɛ̂nte 12:12

Käko tə̂ akrə wä balë, praâbalë atchâme-tə̂ akrə ngbângbä. Ndə̂ atchâme-tə̂ akrə gbɛ̂ ngbângbä lâme, ängbö gbɛ̂ kə̈ wâtə̂ tə̂ akrə balë. Rə nə̈ wä ndjë käko tə̂ pö ndə̂ Krîsiti.

Dokʉ̈ Körɛ̂nte 14:12

Nyënyê ndjë gbɛ̂ ndə̂ nyë wâ la gʉ tə̂ gbölösə̂nə̈ ndə̂kə̂ gbo arə ndə̂ Yingö, äwäpä köbo âwa, nyê pu köbo ndə̂kə̂ gbo arə ndə̂ Yingö ndə̂ âmbo rə̂ pä Egilîze kpokpo tə̂ yê.

Dokʉ̈ Körɛ̂nte 14:17

Tə̂ lëge nə̈, pö ndə̂ zə̈ nə̈ ndə̂ mo to rə̂ sə̈ Ndjapä lakə̂ za ayîabâ sə̈ tchë, watə̂ tchôtchô nə̈. Praâbalë âzâbo könô sə̈ ngâ zə̈ ndə̂kə̂ kpokpo tə̂ yê-a.

Dokʉ̈ Körɛ̂nte 14:19

Praâbalë âdə mê âkrʉ tchâtchu kpûlû azü ndə̂ Krîsiti, më nyïndə̂ kə̂ to apö mïndûu ndə̂ azü dje tchə̂lə̂ nə̈, ânyë âkpokpo andjê, ärö anə̈ ndə̂kə̂ pa më to pö sâke lə̂ könô gbɛ̂ (10 000) la ama gö ngbî ngbî.

Dokʉ̈ Körɛ̂nte 14:5

Më nyïndə̂ nə̈ pä nyënyê gbɛ̂ nyê to pö la ama gö ngbî ngbî, praâbalë më nyïndə̂ nə̈ tə̂ gbogbôsə̂nə̈ pä nyë to ndə̂ma Ndjapä. Akrə ndə̂ tche tô ndə̂ma Ndjapä, tche mbö tchôtchô rə kə̈ rô akrə ndə̂ tche to pö la ama gö ngbî ngbî. Ndə̂kə̂ pa akrə ndə̂ tche to pö la ama gö ngbî ngbî mbo tchôtchô rə, äwäpä ngâ akrə to tchêngbâ pö nə̈ la ma gö ndə̂ azü nə̈, ânyë azü ndə̂ Egilîze nə̈ kpokpo tə̂ andjê.