Dokʉ̈ Körɛ̂nte 12:6 - Mbëtï Ndjapä: TÄFO MADƗ̈

⁶ Akua wä ngbî ngbî, praâbalë kütû Ndjapä balë kä ndə̂ âza gbôgbô sə̈ azü gbɛ̂ ndə̂kə̂ mbo akua nə̈ gbɛ̂.

Dokʉ̈ Körɛ̂nte 12:6 Iomraidhean Croise

Jâan 5:17

Jezü tô rə̂ sə̈ andjê päkëdə̂: «Gbô Bha mê kä lakə̂ mbo kua logbɛ̂, mëmê ndjë gbɛ̂ më kä lakə̂ mbo kua.»

Dokʉ̈ Körɛ̂nte 12:11

Praâbalë kütû Kpɨ̂ki Yingö balë lâme kä ndə̂ âmbo arə lâme gbɛ̂. Tche kʉ̈ arə ndə̂ Yingö sə̈ akrə balë balë batə̂ rə̂ ndə̂ su yê nyîndə̂ nə̈.

Dokʉ̈ Körɛ̂nte 12:5

Aköbo ndə̂kə̂ mbo kua ndə̂ Gbölö Gbïɛ̈ wä ngbî ngbî, praâbalë Gbölö Gbïɛ̈ wä kütû balë.

Dokʉ̈ Körɛ̂nte 15:28

Sə̂nə̈ ndə̂ arə gbɛ̂ âwadje tchâtchâ Krîsiti, Modô nə̈ la tə̂ yê səadje tchâtchâ Ndjapä ndə̂ tche kʉ̂ arə gbɛ̂ ëtchâtchâ yê lâme. Käko kä ndə̂ Ndjapä wadje Gbïɛ̈ pâ arə gbɛ̂.

Dokʉ̈ Körɛ̂nte 3:7

Käko akrə ndə̂ tche chî rə̂ la akrə ndə̂ tche sû ngû tâ, andjë gbɛ̂ wâbo tə̂ ngâ rə-a. Praâbalë gbölö rə nə̈ də̈ akrə ndə̂ tche mbô rə̂ pä äkʉche, tche də̈ Ndjapä balë.

Ëfêze 4:6

Ndjapä wä balë, tche də̈ Bha azü gbɛ̂, tche wä gbïɛ̈ pâ azü gbɛ̂, tche mbö rə lə̂ köbosə̂ azü gbɛ̂, kə̈ sə̂ lə̂ azü gbɛ̂.

Fïlîpe 2:13

Bëte Ndjapä kä âkə̂ za gʉ tə̂ su nyê ndə̂kə̂ mbo rə nə̈, ânyë kə̂ za köbo sə̈ nyê ndə̂kə̂ mbo rə gundə̂sə̂ rə ndə̂ tche nyîkrə rə̂ tə̂ su yê.

Kölôse 1:29

Bëte rə̂ kä ndə̂, më sə̂ lakə̂ mbo kua, ânyë kə̈ sə̂ lakə̂ mbo kʉ̈ʉ̈ la gbôgbô ndə̂ âtô bhândə̂ Krîsiti, ânyë kə̈ mbô kua lə̂ mê la gbôgbô ndə̂ Krîsiti zâ rə̂ sə̈ mê, gbôgbô ndə̂ âmbô rə̂ pä më kpokpo tə̂ mê lə̂ kua nə̈.

Kölôse 3:11

Käko gerêke âdəndjë juîfu wâ bata-a, akrə ndə̂ tche wâ gasa âdəndjë akrə ndə̂ tche wâbô gasa wâ sə̂âbo-a. Akrə ndə̂ mawo ngbî, âdəndjë ngbɨ̈lə̈ akrə wâbo-a, ngbâa âdəndjë akrə ndə̂ tche wâbô wâtə̂ ngbâa kä wâ bata-a, praâbalë gbölö rə nə̈ də̈ rə̂ ndə̂ Krîsiti wâtə̂ rə gbɛ̂ ânyë kə̈ wâ bhâlə̂ su azü ndə̂ yê gbɛ̂.

Aheborö 13:21

Äfü pä Ndjapä nə̈ mbo rə̂ pä nyë watə̂ azü ndə̂ andjë mbo tchôtchô arə gbɛ̂ ndə̂ su yê nyîndə̂ nə̈! Äfü pä lə̂ köbosə̂ Jezü Krîsiti, Ndjapä mbo rə̂ pä azə̈ mbo rə ndə̂ âfû tə̂ su yê! Voga wätə̂ andə̂ yê nə̈ logbɛ̂ logbɛ̂! Amin.