Dokʉ̈ Körɛ̂nte 12:4 - Mbëtï Ndjapä: TÄFO MADƗ̈

⁴ Arə ndə̂ Kpɨ̂ki Yingö kʉ rə̂ sə̈ azü wä ngbî ngbî, praâbalë kütû Yingö balë lâme kä ndə̂ âkʉ rə̂ sə̈ azü.

Dokʉ̈ Körɛ̂nte 12:4 Iomraidhean Croise

Dokʉ̈ Körɛ̂nte 12:1

Âdə andə̂ arə ndə̂ Kpɨ̂ki Yingö kʉ rə̂ sə̈ azü, arə̂mä më nyïndə̂ nə̈ pä nyë wunsə̂ pö pânə̈ djîrə̂.

Dokʉ̈ Körɛ̂nte 12:28

Ädə̈ käko ânyë azü ndə̂ Ndjapä kʉ̂ andjê lə̂ Egilîze tə̂ dokʉ̈ nə̈ də̈ abadjângele. Abïchuû nə̈ də̈ a-earə̂ ndə̂ma Ndjapä. Avötaâ azü nə̈ də̈ a-earə̂ kə̂ nyisə̂ rə, pânə̈ azü ndə̂ tche zâ gbôgbô sə̈ andjê ndə̂kə̂ mbo akpɨ̈ngbɨ̈ rə, pânə̈ azü ndə̂ tche zâ gbôgbô sə̈ andjê ndə̂kə̂ tcha a-earə̂ tə̂kömbô, azü ndə̂ tche zâ gbôgbô sə̈ andjê ndə̂kə̂ za könô sə̈ angâ andjê, azü ndə̂ tche zâ gbôgbô sə̈ andjê ndə̂kə̂ sə tə̂ küma angâ andjê, azü ndə̂ tche zâ gbôgbô sə̈ andjê ndə̂kə̂ to pö la ama gö ngbî ngbî ndə̂ andjë wûn-âbô sə̂nə̈ wûn-î.

Dokʉ̈ Körɛ̂nte 12:5

Aköbo ndə̂kə̂ mbo kua ndə̂ Gbölö Gbïɛ̈ wä ngbî ngbî, praâbalë Gbölö Gbïɛ̈ wä kütû balë.

Dokʉ̈ Körɛ̂nte 7:7

Më nyïndə̂ nə̈ pä azü gbɛ̂ wa batə̂ mê, praâbalë akrə balë balë gbö gbôgbô ndə̂ Yingö ndə̂ Ndjapä za rə̂ sə̈ tchë. Tche zä ngânə̈ sə̈ tchanə̈ âtə, kə̂ za ngânə̈ ngbî sə̈ tchanə̈ təbhâ.

Ëfêze 4:11

Arə ndə̂ Yingö ndə̂ Krîsiti kʉ̂ rə̂ wä kâkë: Tche kʉ̈ rə̂ sə̈ angânə̈ ndə̂kə̂ watə̂ abadjângele, âdəndjë a-earə̂ ndə̂ma Ndjapä, âdəndjë a-earə̂ kə̂ mu Tchôtchô Pö, âdəndjë a-earə̂ kə̂ sə tə̂ küma Egilîze, âdəndjë a-earə̂ kə̂ nyisə̂ rə.

Aheborö 2:4

Ndjapä la tə̂ yê nyïsə̂ nə̈ pä apö nə̈ lâme watə̂ lëge nə̈ lə̂ köbosə̂ asɨ̂nyî arə la arə ndə̂ ârô kə̂ za küma azü, akpɨ̈ngbɨ̈ arə ngbî ngbî, ndjë la atchôtchô arə ndə̂ Kpɨ̂ki Yingö krʉ tchə̂lə̂ nə̈ tə̂ azü batə̂ su yê nyîndə̂ nə̈.

Dokʉ̈ Pîêre 4:10

Äwäpä akrə balë balë mbo kua la rə ndə̂ Yingö ndə̂ tche gbô rə̂ lə̂ köbosə̂ tchôtchô su ndə̂ Ndjapä bëte dâkâ ndə̂ angâ yê. Nyê wadje tə̂ atchôtchô a-earə̂ kə̂ bata arə ngbî ngbî ndə̂ Yingö, ndə̂ Ndjapä kʉ rə̂ sə̈ azü lə̂ köbosə̂ tchôtchô su yê.