Dokʉ̈ Körɛ̂nte 12:3 - Mbëtï Ndjapä: TÄFO MADƗ̈

³ Bëte rə̂ kä ndə̂ më nyîndə̂ kə̂ to rə̂ sə̈ nyê päkëdə̂: Akrə ndə̂ Yingö ndə̂ Ndjapä to pö lə̂ yê, tche tôâbo rə̂ päkëdə̂: «Ngbongbo pö kä pâ Jezü-a!» Ndjë akrə ndə̂ Kpɨ̂ki Yingö wâbô wâ lə̂ yê, tche tôâbo rə̂ päkëdə̂: «Jezü də̈ Gbölö Gbïɛ̈-a.»

Dokʉ̈ Körɛ̂nte 12:3 Iomraidhean Croise

Matiyə̈ 22:43

Jezü tô rə̂ sə̈ andjê päkëdə̂: «Tchïtchï sə̂nə̈ atöko, lə̂ köbosə̂ Yingö, Davîdi ê rə̂ tə̂ yê pä ‹Gbölö Gbïɛ̈?› Bëte Davîdi tö rə̂ päkëdə̂:

Mâreke 9:39

Praâbalë Jezü tô rə̂ ndə̂nə̈ päkëdə̂: «Nyë kïäbô kîtə̂ köbo tə̂ yê, bëte ngâ akrə ndə̂ tche mbô kpɨ̈ngbɨ̈ rə la rə̈ mê, ânyë kpro la tchêngbâ nə̈ tche kä tô ngbongbo pö tə̂ mê sə̂âbo-a.

Jâan 13:13

Nyë ë mê pä ‹Earə̂ kə̂ nyisə̂ rə› la ‹Gbölö Gbïɛ̈›, nyë tö rə̂ la köbo nə̈, bëte mëmê kä tə̂ lëge nə̈.

Jâan 13:14

Âdə mëmê ndə̂ më wâtə̂ Gbölö Gbïɛ̈ la Earə̂ kə̂ nyisə̂ rə âdjutu da nyê, nyënyê ndjë gbɛ̂ äwäpä nyë djutu da nyê lə̂ gbâtə̂ nyê la angâ nyê.

Jâan 15:26

«Tchanə̈ ndə̂ tche wâ ndə̂kə̂ za könô sə̈ nyê lâme, tchê nəadje. Tche də̈ Yingö ndə̂ tche to lëge pö ndə̂ tche tô bhândə̂ Bha mê ânyë kə̈ nə̂. Mê wan-adje tchë la rə̈ Bha mê sə̈ nyê, ânyë tchetchë kä ndə̂ âtoadje pö pâ mê sə̈ azü.

Abadjângele 8:37

Fïlîpe tô rə̂ sə̈ tchë päkëdə̂: «Âdə mo âgamba rə̂ la su zə̈ gbɛ̂, mo wä ndə̂kə̂ gbo batɛ̂me ämbänə̈.» Akrə gö ndə̂ Etchiopï ndə̂ a wôn tchâtchâ yê lâme tô rə̂ päkëdə̂: «Më gâmba rə̂ nə̂, Jezü Krîsiti də̈ Modô ndə̂ Ndjapä.»]

Rômo 10:9

Âdə mo âto rə̂ la ma zə̈ päkëdə̂: «Jezü wätə̂ Gbölö Gbïɛ̈», ânyë kə̂ gâmba rə̂ la su zə̈ ndə̂ Ndjapä jô tchë lə̂ kuzü, mô tchadje lə̂ kuzü.

Rômo 9:3

Bhâtə̂ su mê, më nyïndə̂ nə̈ pä Ndjapä dra ndə̂ mê, ânyë tchə̂lə̂ mê la Krîsiti krʉ bëte arə̂mâ ndə̂ mê ndə̂ ârâ wâ la andjê pâ mawo balë.

Dokʉ̈ Körɛ̂nte 16:22

Âdə ngâ akrə ânyiabô nyîndə̂ Gbölö Gbïɛ̈, äwäpä ngbongbo pö wa pâ yê. Maranatä! Gbölö Gbïɛ̈ amö nə!

Dokʉ̈ Körɛ̂nte 8:6

Âdə andə̂ azə̂, Ndjapä wä kütû balë, tche də̈ Bha ndə̂ rə gbɛ̂ tô bhândə̂ yê, ânyë bëte tchë kä ndə̂ azə̈ wâ la tchîsûwu. Azə̈ wä ndjë la Gbölö Gbïɛ̈ kütû balë, tche də̈ Jezü Krîsiti ndə̂ Ndjapä mbô arə gbɛ̂ lə̂ köbosə̂ yê, ânyë azə̈ wâ la tʉ̈rʉ̂ la azə̂ lə̂ köbosə̂ yê.

Bïchuû Körɛ̂nte 11:4

Bëte nyë rʉ̈ätə̂ su nyê la azü ndə̂ andjë nə̂ ndə̂kə̂ mu pö sə̈ nyê pâ ngâ Jezü ngbî tə̂ Jezü ndə̂ ârâ mû pö ndə̂ yê sə̈ nyê lâme. Nyë kä ndjë tchêtchêtchê ndə̂kə̂ nyində̂ ngâ yingö ngbî tə̂ Yingö ndə̂ nyë gbô tchë dokʉ̈tchê lâme. Nyë kä ndjë tchêtchêtchê ndə̂kə̂ gamba ngâ tchôtchô pö ngbî tə̂ Tchôtchô Pö ndə̂ nyë djê rə̂ dokʉ̈tchê!

Bïchuû Körɛ̂nte 3:5

Ârâ wâbo ndə̂kə̂ wuntə̂ ârâ la tə̂ ârâ pä ârâ wä la gbôgbô ndə̂kə̂ mbo ngâ rə-a, praâbalë ârâ mbö kua la gbôgbô ndə̂ âtô bhândə̂ Ndjapä.

Gälâte 3:13

Krîsiti yösə̂ azə̂ ndə̂kə̂ ji azə̂ tchâtchâ ngbongbo pö ndə̂ ndïɛ̈, lə̂ köbosə̂ nə̈ ndə̂ tche zâ ngbongbo pö nə̈ ëpâ yê bëte azə̂. Mbëtï Ndjapä tö rə̂ päkëdə̂: «Ngbongbo pö kä lə̂ küma akrə ndə̂ a î tchë tə̂ yö lafô.»

Apökälîbïchi 1:10

Tə̂ lö Gbölö Gbïɛ̈, Kpɨ̂ki Yingö tchü mê kproô, ânyë më djê tchə̂lə̂ ngâ gɨ̈ dəngbâ mê ndə̂ âôn ngbôô batə̂ tchə̂lə̂ gɨ̈ tätälîtä.