Dokʉ̈ Körɛ̂nte 12:28 - Mbëtï Ndjapä: TÄFO MADƗ̈

²⁸ Ädə̈ käko ânyë azü ndə̂ Ndjapä kʉ̂ andjê lə̂ Egilîze tə̂ dokʉ̈ nə̈ də̈ abadjângele. Abïchuû nə̈ də̈ a-earə̂ ndə̂ma Ndjapä. Avötaâ azü nə̈ də̈ a-earə̂ kə̂ nyisə̂ rə, pânə̈ azü ndə̂ tche zâ gbôgbô sə̈ andjê ndə̂kə̂ mbo akpɨ̈ngbɨ̈ rə, pânə̈ azü ndə̂ tche zâ gbôgbô sə̈ andjê ndə̂kə̂ tcha a-earə̂ tə̂kömbô, azü ndə̂ tche zâ gbôgbô sə̈ andjê ndə̂kə̂ za könô sə̈ angâ andjê, azü ndə̂ tche zâ gbôgbô sə̈ andjê ndə̂kə̂ sə tə̂ küma angâ andjê, azü ndə̂ tche zâ gbôgbô sə̈ andjê ndə̂kə̂ to pö la ama gö ngbî ngbî ndə̂ andjë wûn-âbô sə̂nə̈ wûn-î.

Dokʉ̈ Körɛ̂nte 12:28 Iomraidhean Croise

Mâreke 16:17

Asɨ̂nyî rə ndə̂ âzadje tchêngbâ andjanə̈ ndə̂ andjê zadje su andjê sə̈ mê wä kâkë: Andjê groadje angbongbo atchozö la rə̈ mê, kə̂ toadje pö la angâ atäfo ama gö.

Lûke 6:14

Chemön, ndə̂ a ê ndjë rə̂ tə̂ yê pä Pîêre la yîngâ yê Anderë la Jâke la Jâan la Fïlîpe la Bartelemï la

Abadjângele 11:27

Tə̂ngâlo, angâ a-earə̂ ndə̂ma Ndjapä tô bhâ Jerûzalêmo kə̈ nə̂ atə̂ Äntïyôche.

Abadjângele 20:28

La nyê gbö tə̂ kə̂ sə ndə̂ nyê, aɛ̈bro-ngbaga ndə̂ Kpɨ̂ki Yingö gbôtə̂ andjê tchânə̂ nyê lâme, nyë bäta andjê djîrə̂. Nyë bäta azü ndə̂ Egilîze ndə̂ Ndjapä yô andjê lə̂ köbosə̂ jï yê la tə̂ yê lâme.

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 12:18

Praâbalë Ndjapä nyïkrə atchâme-tə̂ akrə balë balë ëtə̂ tə̂ akrə batə̂ rə̂ ndə̂ su yê nyîndə̂ nə̈.

Dokʉ̈ Körɛ̂nte 12:29

Azü gbɛ̂ kä ndə̂ âwâtə̂ abadjângele? Azü gbɛ̂ kä ndə̂ âwâtə̂ a-earə̂ ndə̂ma Ndjapä? Azü gbɛ̂ kä ndə̂ âwâtə̂ a-earə̂ kə̂ nyisə̂ rə? Azü gbɛ̂ kä ndə̂ âwâ la gbôgbô ndə̂kə̂ mbo akpɨ̈ngbɨ̈ rə?

Dokʉ̈ Körɛ̂nte 12:30

Azü gbɛ̂ kä ndə̂ âwâ la gbôgbô ndə̂kə̂ tcha a-earə̂ tə̂kömbô? Azü gbɛ̂ kä ndə̂ âwâ la gbôgbô ndə̂kə̂ to pö la ama gö ngbî ngbî? Azü gbɛ̂ kä ndə̂ âwâ la gbôgbô ndə̂kə̂ to tchêngbâ ama gö ngbî ngbî nə̈?

Dokʉ̈ Körɛ̂nte 14:2

Bëte akrə ndə̂ tche to pö la ama gö ngbî ngbî, tche tôâbo pö nə̈ sə̈ azü-a, praâbalë tche to rə̂ sə̈ Ndjapä. Ngâ akrə balë djêâbo tchə̂lə̂ pö nə̈-a, tche tö pö ndə̂ arə ndə̂ gbô rə̂ wâ lə̂ küwû nə̈ lə̂ köbosə̂ Kpɨ̂ki Yingö.

Dokʉ̈ Körɛ̂nte 14:4

Akrə ndə̂ tche to pö la ama gö ngbî ngbî, tche mbö rə̂ ndə̂kə̂ pä tchetchë la tə̂ yê kpokpo tə̂ yê. Praâbalë akrə ndə̂ tche to ndə̂ma Ndjapä, tche mbö rə̂ pä azü lə̂ Egilîze kpokpo tə̂ andjê.

Dokʉ̈ Körɛ̂nte 14:5

Më nyïndə̂ nə̈ pä nyënyê gbɛ̂ nyê to pö la ama gö ngbî ngbî, praâbalë më nyïndə̂ nə̈ tə̂ gbogbôsə̂nə̈ pä nyë to ndə̂ma Ndjapä. Akrə ndə̂ tche tô ndə̂ma Ndjapä, tche mbö tchôtchô rə kə̈ rô akrə ndə̂ tche to pö la ama gö ngbî ngbî. Ndə̂kə̂ pa akrə ndə̂ tche to pö la ama gö ngbî ngbî mbo tchôtchô rə, äwäpä ngâ akrə to tchêngbâ pö nə̈ la ma gö ndə̂ azü nə̈, ânyë azü ndə̂ Egilîze nə̈ kpokpo tə̂ andjê.

Ëfêze 2:20

Nyë wä batə̂ nda ndə̂ a mbô rə̂, ndə̂ da nda nə̈ də̂ abadjângele la a-earə̂ ndə̂ma Ndjapä. Jezü Krîsiti la tə̂ yê kä ndə̂ âwâtə̂ gbôgbô täme ndə̂ da nda nə̈.

Ëfêze 3:5

Rə ndə̂ âwâ lə̂ küwû nə̈ lâme, Ndjapä nyîâbo sə̂nə̈ alême sə̈ azü ndə̂ tchô dokʉ̈tchê lâme-a, batə̂ rə̂ ndə̂ tche nyîsə̂ nə̈ angaâtə sə̈ abadjângele ndə̂ yê la a-earə̂ ndə̂ma Ndjapä ndə̂ tche kʉ̂ andjê ngbî bëte tchë lə̂ köbosə̂ Yingö.

Dokʉ̈ Timotë 5:17

Akpôkpô azü ndə̂ andjë nyisə̂ köbo sə̈ azü lə̂ Egilîze la köbo nə̈, äwäpä a lusə̂ andjê, sûsunə̈ bïchuû, tə̂ gbogbôsə̂nə̈, andjanə̈ ndə̂ andjë wun yûkü la kua ndə̂kə̂ mu pö lakə̂ nyisə̂ rə.

Aheborö 13:17

Nyë djë ma azü tə̂ küma nyê lə̂ Egilîze, nyë mbö rə ndə̂ andjë yukû nə̈ sə̈ nyê, bëte andjë kä ndə̂ âwun tchô pâ nyê, andjê toadje pö pâ nyê sə̈ Ndjapä. Âdə nyê âsə lakə̂ dje ma azü tə̂ küma nyê lə̂ Egilîze, azü nə̈ səadje lakə̂ mbo kua ndə̂ Ndjapä la mômô, praâbalë âdə̂âbo lakə̂ dɨ tchə̂lə̂ ma-a, praâbalë âdə andjê âdɨ tchə̂lə̂ ma andjê, nyê gboabô ngâ rə ngbânə̈ tee-a.

Aheborö 13:24

Nyë pö ndə̂ azü tə̂ küma Egilîze ndə̂ nyê gbɛ̂ ndjë la azü ndə̂ Ndjapä gbɛ̂. Arə̂mâ ndə̂ azə̂ ndə̂ Krîsiti ndə̂ andjë sə̂ lə̂ gö ndə̂ Italï pô ndə̂ nyê nə̂.