Dokʉ̈ Körɛ̂nte 12:27 - Mbëtï Ndjapä: TÄFO MADƗ̈

²⁷ Dëkë nyënyê gbɛ̂ nyë wätə̂ tə̂ Krîsiti, nyënyê balë balë gbɛ̂ nyë wätə̂ atchâme-tə̂ yê.

Dokʉ̈ Körɛ̂nte 12:27 Iomraidhean Croise

Rômo 12:5

Azəzə̂ ndjë gbɛ̂, azə̈ wä ndjë käko. Ndə̂ azə̈ ngbângbä lâme, azə̈ wä batə̂ tə̂ akrə balë lə̂ köbosə̂ nə̈ ndə̂ azə̈ wâ balë la Krîsiti. Azə̈ wä balë la angâ azə̂ lə̂ gbâtə̂ azə̂, ânyë akrə balë balë lə̂ kpâlâ yê, tche wä batə̂ atchâme-tə̂ akrə.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 10:17

Ndə̂ mâpa nə̈ wâ kütû balë lâme, azə̈ gbɛ̂ wätə̂ tə̂ akrə balë, bëte azə̈ gbɛ̂ zɨ̈ kütû mâpa balë lâme.

Dokʉ̈ Körɛ̂nte 12:12

Käko tə̂ akrə wä balë, praâbalë atchâme-tə̂ akrə ngbângbä. Ndə̂ atchâme-tə̂ akrə gbɛ̂ ngbângbä lâme, ängbö gbɛ̂ kə̈ wâtə̂ tə̂ akrə balë. Rə nə̈ wä ndjë käko tə̂ pö ndə̂ Krîsiti.

Dokʉ̈ Körɛ̂nte 12:26

Âdə ngâ tchâme-tə̂ balë âsə̈ wun yûkü, atchâme-tə̂ nə̈ gbɛ̂ âwun ndjë yûkü la tchë. Âdə a âlusə̂ ngâ tchâme-tə̂ balë, adɨ̂ atchâme-tə̂ nə̈ gbɛ̂ âwa la mômô la tchë.

Dokʉ̈ Körɛ̂nte 6:15

Nyë wûn-âbo sə̂nə̈ pä atchâme-tə̂ nyê də̈ tchâkalâ atchâme-tə̂ Krîsiti? Ndə̂ âdə̂ käko, më âza tchâkalâ tə̂ Krîsiti nə̈ ndə̂kə̂ mbo rə̂ pä äwatə̂ tchâkalâ ngâ ɛ̈chë ndə̂ kua ndə̂ yê wâ ndə̂kə̂ pu aköchë katchôgbɛ̂? Âdə̂âbo käko-a!

Ëfêze 1:23

Egilîze nə̈ lâme də̈ tə̂ Krîsiti, Krîsiti nə̈ sɨ̂sɨ̈ lə̂ Egilîze nə̈ gbɛ̂, tchetchë ndə̂ Krîsiti nə̈ lâme, Ndjapä sɨ̂sɨ̈ lə̂ yê gbɛ̂.

Ëfêze 4:12

Tche kʉ̈ arə nə̈ lâme käko ndə̂kə̂ pa azü ndə̂ Ndjapä gbo köbo ndə̂kə̂ mbo kua ndə̂ Ndjapä zâ rə̂ sə̈ andjê ânyë tə̂ Krîsiti ge,

Ëfêze 5:23

Bëte köchë də̈ akrə tə̂ küma ɛ̈chë batə̂ rə̂ ndə̂ Krîsiti də̂ akrə tə̂ küma Egilîze. Krîsiti nə̈ də̈ Earə̂ kə̂ tcha Egilîze ndə̂ âdə̂ tə̂ yê.

Ëfêze 5:30

Bëte azə̈ də̈ atchâme-tə̂ ndə̂ tə̂ yê.

Kölôse 1:18

Tche də̈ küma Egilîze ndə̂ âdə̂ tə̂ yê, arə gbɛ̂ tö tə̂ yê, tchetchë kä ndə̂ âjô lə̂ kuzü dokʉ̈tchê ndə̂kə̂ pa lə̂ arə gbɛ̂, tche sə lə̂ dokʉ̈ tchô.

Kölôse 1:24

Arə̂mä, angaâtə më wä la mômô bëte rə̂ ndə̂ më sə̂ lakə̂ wun yûkü bëte nyê, bëte lə̂ köbosə̂ kə̂ wun yûkü nə̈ lâme, mê wün ndjë yûkü batə̂ rə̂ ndə̂ Krîsiti wûn ndjë rə̂ bëte Egilîze ndə̂ âwâtə̂ tə̂ yê.

Kölôse 2:19

Azü käko wâbo ndə̂kə̂ pi ëtə̂ Krîsiti-a, ndə̂ tche wâ batə̂ küma akrə. Bëte küma akrə kä ndə̂ tə̂ akrə gbo rə gbɛ̂ ndə̂ tche nyîndə̂ nə̈, bëte tchë kä ndə̂ atâtäkpa sə̂ agbäbï la ambë palatə̂ andjê kə̂ wa balë, kə̂ kʉche batə̂ rə̂ ndə̂ Ndjapä nyîndə̂ nə̈.