Dokʉ̈ Körɛ̂nte 12:26 - Mbëtï Ndjapä: TÄFO MADƗ̈

²⁶ Âdə ngâ tchâme-tə̂ balë âsə̈ wun yûkü, atchâme-tə̂ nə̈ gbɛ̂ âwun ndjë yûkü la tchë. Âdə a âlusə̂ ngâ tchâme-tə̂ balë, adɨ̂ atchâme-tə̂ nə̈ gbɛ̂ âwa la mômô la tchë.

Dokʉ̈ Körɛ̂nte 12:26 Iomraidhean Croise

Matiyə̈ 3:15

Praâbalë Jezü tô rə̂ ndə̂nə̈ sə̈ tchë päkëdə̂: «Gamba rə̂ ndə̂kə̂ pa rə nə̈ wa käko angêta. Käko kä ndə̂ azə̈ wâ ndə̂kə̂ mbo rə gbɛ̂ ndə̂ âwâtə̂ tchôtchô nə̈ lə̂ la Ndjapä.» Tchâme, Jâan gâmba rə̂.

Matiyə̈ 5:29

Âdə la zə̈ də ndôkö kä âkə̂ mbo rə̂ pä mo te lə̂ ngbongbo rə, amö niɛ rə̂, kə̂ yi rə̂ tʉ̂rʉ tə̂ zə̈. Äfü pä ngâ tchâme-tə̂ zə̈ balë yu, ârô anə̈ ndə̂kə̂ pa a yi ndundu tə̂ zə̈ gbɛ̂ la rə̂ atə̂lə̂ wo ndə̂ âju pïï etə̂.

Rômo 12:15

Nyë wä la mômô la azü ndə̂ andjë wâ la mômô, nyë kɨ̈ la azü ndə̂ andjê kɨ.

Dokʉ̈ Körɛ̂nte 12:25

Ndjapä mbö tâ käko ndə̂kə̂ pa tchə̂lə̂ gbâtə̂ atchâme-tə̂ krʉabô tchə̂lə̂ tə̂ yê krʉ̂-ê, ânyë atchâme-tə̂ nə̈ balë balë za könô sə̈ angâ andjê lə̂ gbâtə̂ andjê.

Dokʉ̈ Körɛ̂nte 12:27

Dëkë nyënyê gbɛ̂ nyë wätə̂ tə̂ Krîsiti, nyënyê balë balë gbɛ̂ nyë wätə̂ atchâme-tə̂ yê.

Gälâte 6:2

Nyë kʉ̈ arə ndə̂ âlû lə̂ su angâ nyê lə̂ gbâtə̂ nyê: Käko ânyë, nyê mboadje rə gundə̂sə̂ ndïɛ̈ ndə̂ Krîsiti.

Aheborö 13:3

Äwäpä sə̂ azü bhâlə̂ nda kânga te lə̂ nyê, âwûntî pä nyënyê ndjë gbɛ̂, nyë kä lə̂ nda kânga. Äwäpä sə̂ azü ndə̂ a mbô andjê la yûkü te lə̂ nyê bëte nyënyê ndjë gbɛ̂, nyë kä ndjë la tə̂ nyê tâ ndə̂ âwâ ndə̂kə̂ wun yûkü.

Dokʉ̈ Pîêre 3:8

Ndə̂kə̂ ka ndə̂ pö nə̈, äwäpä pö tə̂ su nyê gbɛ̂ wa balë, nyë wün nyonyo angâ nyê. Nyë nyïndə̂ angâ nyê lə̂ gbâtə̂ nyê batə̂ arə̂mâ ndə̂ nyê lə̂ Krîsiti, nyë mbö dâkâ, kə̂ mbotə̂ nyê kpîɛ̂kpîɛ̂ rə̂.