Dokʉ̈ Körɛ̂nte 12:13 - Mbëtï Ndjapä: TÄFO MADƗ̈

¹³ Bëte azə̈ gbɛ̂ gbö batɛ̂me lə̂ köbosə̂ Yingö balë, ndə̂kə̂ watə̂ tə̂ akrə balë. Ajuîfu la azü ndə̂ andjë wâbô wâtə̂ ajuîfu, angbâa la azü ndə̂ andjë wâbô wâtə̂ angbâa, azü gbɛ̂ gbö kütû Yingö balë lâme.

Dokʉ̈ Körɛ̂nte 12:13 Iomraidhean Croise

Matiyə̈ 3:11

Më zä kütû batɛ̂me ndə̂ ngû sə̈ nyê ndə̂kə̂ nyisə̂ nə̈ päkëdə̂ nyë gbôtə̂ abəndɨ kə̂ mbo rə ndə̂ nyê nə̂. Ngâ akrə ndə̂ tche wâ la gbôgbô kə̈ rô mê ânəadje la tchêngbâ mê. Më ndôâbo la sə̂ yê ndə̂kə̂ zu dakpo tə̂ da yê-a. Tchê zadje batɛ̂me ndə̂ Kpɨ̂ki Yingö la andə̂ wo sə̈ nyê.

Lûke 3:16

Jâan tô rə̂ sə̈ andjê gbɛ̂ päkëdə̂: «Mëmê, më zä kütû batɛ̂me ndə̂ ngû sə̈ nyê. Ngâ akrə ndə̂ tche wâ la gbôgbô kə̈ rô mê nəadje. Më ndôâbo la sə̂ yê ndə̂kə̂ zu wû dakpo tə̂ da yê-a. Tchê zadje batɛ̂me ndə̂ Kpɨ̂ki Yingö la andə̂ wo sə̈ nyê.

Jâan 1:16

Azə̈ gbɛ̂ gbö arə lə̂ köbosə̂ tchôtchô su yê; azə̈ gbö arə nə̈ ëngbâ ngânə̈ ëngbâ ngânə̈.

Jâan 1:33

Më wûn-âbo sə̂ yê dokʉ̈tchê-a. Akrə ndə̂ tche wân mê ndə̂kə̂ za batɛ̂me ndə̂ ngû sə̈ azü, tche kä ndə̂ âtô rə̂ sə̈ mê päkëdə̂: ‹Ndə̂ mo wûn Yingö ndə̂ âjrê, kə̈ sə̂ pâ yê, tchetchë kä ndə̂ âza batɛ̂me ndə̂ Kpɨ̂ki Yingö sə̈ azü.›

Jâan 3:5

Jezü tô rə̂ ndə̂nə̈ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö: Âdə a âzɨabô ngâ akrə zɨ̂ lə̂ köbosə̂ ngû, la Yingö-ê, tchê liabô lə̂ Gbölö gö-gbïɛ̈ ndə̂ Ndjapä tee-a.

Jâan 4:10

Jezü tô rə̂ ndə̂nə̈ sə̈ tchë päkëdə̂: «Âdə mo âwunsə̂ rə ndə̂ Ndjapä za rə̂ sə̈ azü, ânyë kə̈ wûnsə̂ akrə ndə̂ tche yûkû ngû tchânə̂ zə̈ ndə̂kə̂ ndjo rə̂ âtə, dëkë momö kä ndə̂ âyukû ngû nə̈, ânyë tche za ngû ndə̂ âza tchîsûwu sə̈ mö.»

Jâan 4:14

Praâbalë akrə ndə̂ tche ndjô ngû ndə̂ mê zadje rə̂ sə̈ tchë, gʉ ngû âkä nyu bata tchë tee-a. Ngû ndə̂ mê zadje rə̂ sə̈ tchë wadje lə̂ yê batə̂ küma ngû, ndə̂ tchîsûwu ndə̂ logbɛ̂ logbɛ̂ wutu lə̂nə̈.»

Jâan 6:63

Yingö kä ndə̂ âmbo rə̂ pä akrə wa la tchîsûwu. Mbë akrə wâbo ndə̂kə̂ mbo ngâ rə-a. Apö ndə̂ më tô rə̂ sə̈ nyê lâme wätə̂ apö ndə̂ Yingö la apö ndə̂ âza tchîsûwu.

Abadjângele 1:5

Jâan zä batɛ̂me ndə̂ ngû sə̈ azü, praâbalë lə̂ angâ alö, Ndjapä âzadje batɛ̂me ndə̂ Kpɨ̂ki Yingö sə̈ nyê.»

Rômo 3:22

Ndjapä mbö rə̂ ndə̂kə̂ pa azü wa djîrə̂ lə̂ la yê lə̂ köbosə̂ nə̈ ndə̂ andjë zâ su andjê sə̈ Jezü Krîsiti. Tche mbö rə nə̈ lâme sə̈ azü gbɛ̂ ndə̂ andjë zâ su andjê sə̈ Krîsiti, bëte tche krʉ̂âbo tchə̂lə̂ azü-a.

Rômo 3:29

Âdəndjë rə̂, Ndjapä wä kütû tə̂ Ndjapä ndə̂ ajuîfu? Tche wâbo ndjë tə̂ Ndjapä ndə̂ azü ndə̂ andjë wâbô wâtə̂ ajuîfu? Tə̂ lëge nə̈, tche wä ndjë tə̂ Ndjapä ndə̂ azü ndə̂ andjë wâbô wâtə̂ ajuîfu,

Rômo 4:11

Dokʉ̈tchê ndə̂kə̂ pa tche wa gasa, Abrahâmo wä alême tə̂ djîrə̂ akrə bëte rə̂ ndə̂ tche zâ su yê sə̈ Ndjapä. Pânə̈ tche gbô ngâ nyîsɨ̂ rə ndə̂ âdə̂ gasa. Rə nə̈ lâme nyïsə̂ nə̈ pä Ndjapä wün tchë batə̂ djîrə̂ akrə bëte kə̂ za su yê sə̈ Ndjapä. Käko Abrahâmo wâ nə̂ tə̂ bha azü gbɛ̂ ndə̂ andjë zâ su andjê sə̈ Ndjapä âdəndjë rə̂ ndə̂ andjë wâbô gasa wâ-ê. Andjanə̈ lâme, Ndjapä wün andjê batə̂ adjîrə̂ azü.

Dokʉ̈ Körɛ̂nte 10:2

Andjë gbɛ̂ gbö batɛ̂me lə̂ ndrö, ndjë lə̂ gbölö ngû, bëte andjë wä balë la Möyîze.

Gälâte 3:23

Dokʉ̈tchê ndə̂kə̂ pa kə̂ za su sə̈ Krîsiti wutu, azə̈ wätə̂ angbâa tchâtchâ ndïɛ̈ ndə̂kə̂ sə bëte lo nə̈ ndə̂ Ndjapä mbo rə̂ ânyë azə̈ wunsə̂ kə̂ za su nə̈ lâme.

Gälâte 3:28

Angaâtə, ngâ juîfu wâ bata-a, âdəndjë gerêke-a. Ngâ ngbâa wâ bata-a, âdəndjë akrə ndə̂ tche sə̂âbô sə̂ tchâtchâ ngbâa-a. Ngâ köchë wâ bata-a, âdəndjë ɛ̈chë-a. Bëte nyënyê gbɛ̂, nyë wä balë la Krîsiti Jezü.

Ëfêze 3:6

Pö lə̂ küwû nə̈ wä kâkë: Lə̂ köbosə̂ Tchôtchô Pö, azü ndə̂ andjë wâbô wâtə̂ ajuîfu wä ndjë ndə̂kə̂ gbo tchôtchô rə ndə̂ Ndjapä nyîkrə rə̂ bëte azü ndə̂ yê lâme lə̂ köbo nə̈ balë la ajuîfu. Andjë wä lə̂ tə̂ balë, kə̈ wâ ndjë tə̂ azü ndə̂ Ndjapä zâ bâlâ tə̂ andjê lə̂ köbosə̂ nə̈ ndə̂ andjë wâ balë la Jezü Krîsiti.

Ëfêze 4:5

Gbölö Gbïɛ̈ wä balë, kə̂ za su sə̈ Ndjapä wâ balë, batɛ̂me wâ balë.

Ëfêze 5:26

Ndə̂kə̂ pa Egilîze nə̈ wa ngbî kə̂ daka gbɛ̂, tche djutu rə̂ la ngû lə̂ köbosə̂ pö ndə̂ yê. Rə ndə̂ tche nyîndə̂ nə̈ kä lâme.

Ëfêze 6:8

Nyë wûnsə̂ nə̈ nə̂ päkëdə̂: Akrə ndə̂ tche wâtə̂ ngbâa, âdəndjë rə̂ ndə̂ tche wâbô wâtə̂ ngbâa, ânyë kə̈ mbô tchôtchô rə, tchê gboadje rə ngbânə̈ bhândə̂ Gbölö Gbïɛ̈.

Kölôse 1:27

Ndjapä nyïndə̂ nə̈ pä andjë wunsə̂ atchôtchô arə ndə̂ ârô masə̂nə̈ ndə̂ tche nyîkrə rə̂ lə̂ küwû nə̈ bëte azü ndə̂ andjë wâbô wâtə̂ ajuîfu. Rə nə̈ ndə̂ tche nyïkrə rə̂ wä kâkë: Krîsiti kä lə̂ nyê ndə̂kə̂ pa nyë za su nyê ndə̂kə̂ krʉ bëte tchë ânyë kə̂ sə la tchë lə̂kə̂ wa gbölö ndə̂ yê.

Kölôse 3:11

Käko gerêke âdəndjë juîfu wâ bata-a, akrə ndə̂ tche wâ gasa âdəndjë akrə ndə̂ tche wâbô gasa wâ sə̂âbo-a. Akrə ndə̂ mawo ngbî, âdəndjë ngbɨ̈lə̈ akrə wâbo-a, ngbâa âdəndjë akrə ndə̂ tche wâbô wâtə̂ ngbâa kä wâ bata-a, praâbalë gbölö rə nə̈ də̈ rə̂ ndə̂ Krîsiti wâtə̂ rə gbɛ̂ ânyë kə̈ wâ bhâlə̂ su azü ndə̂ yê gbɛ̂.

Dokʉ̈ Pîêre 3:21

Rə lâme wä batə̂ nyîsɨ̂ batɛ̂me ndə̂ âtcha nyê angaâtə. Batɛ̂me nə̈ lâme djûtuabô kâkpö ndə̂ âwatə̂ kpoto nyê-a, praâbalë äwätə̂ kə̂ zatə̂ akrə sə̈ Ndjapä, ndə̂kə̂ pa kə̂ rɨ tchə̂lə̂ su yê wabô wâ la ngâ ngbongbo rə balë-ê. Ârə̂ kä âkə̂ tcha nyê lə̂ köbosə̂ kə̂ jo ndə̂ Jezü Krîsiti lə̂ kuzü.