Dokʉ̈ Körɛ̂nte 12:11 - Mbëtï Ndjapä: TÄFO MADƗ̈

¹¹ Praâbalë kütû Kpɨ̂ki Yingö balë lâme kä ndə̂ âmbo arə lâme gbɛ̂. Tche kʉ̈ arə ndə̂ Yingö sə̈ akrə balë balë batə̂ rə̂ ndə̂ su yê nyîndə̂ nə̈.

Dokʉ̈ Körɛ̂nte 12:11 Iomraidhean Croise

Matiyə̈ 11:26

Tə̂ lëge nə̈, mo mbö tâ käko bëte momö kä ndə̂ ânyîndə̂ nə̈.

Matiyə̈ 20:15

Äwätə̂ mê ndə̂kə̂ mbo rə ndə̂ su mê nyîndə̂ nə̈ la makətche ndə̂ mê, âdə̂âbo käko-ë? Su zə̈ kʉ̈ mö bëte rə̂ ndə̂ më wâtə̂ tchôtchô akrə?›

Jâan 3:27

Jâan tô rə̂ sə̈ andjê päkëdə̂: «Âdə Ndjapä âzabô ngâ rə zâ sə̈ ngâ akrə-ê, akrə nə̈ gboabô ndjë rə̂ tee-a.

Jâan 3:8

Yi mbö batə̂ su yê nyîndə̂ nə̈. Mo djë sɨ̈kɨ̈ nə̈ ndə̂ âmbo, praâbalë kə̈ wûn-âbo sə̂ tchô ndə̂ âtô tâ-a, âdəndjë sə̂ tchô ndə̂ âe tâ-a. Äwä ndjë käko tə̂ azü ndə̂ a zɨ̂ andjê lə̂ köbosə̂ Yingö.»

Jâan 5:21

Bëte Bha jö akuzü, kə̈ mbô rə̂ ndə̂kə̂ pa andjë sə la tʉ̈rʉ̂ la andjê. Modô nə̈ ndjë gbɛ̂ zä tchîsûwu sə̈ akrə batə̂ rə̂ ndə̂ su yê nyîndə̂ nə̈.

Rômo 12:6

Ndjapä kʉ̈ arə ndə̂ Yingö ngbî ngbî sə̈ azə̈ lə̂ köbosə̂ tchôtchô su yê. Âdə ngâ akrə âwa la rə ndə̂ Yingö ndə̂kə̂ to pö batə̂ earə̂ ndə̂ma Ndjapä, äwäpä tche tö pö nə̈ gundə̂sə̂ kə̂ za su yê sə̈ Ndjapä.

Rômo 9:18

Käko Ndjapä wün nyonyo akrə ndə̂ tche nyîndə̂ kə̂ wun nyonyo yê, ânyë akrə ndə̂ Ndjapä nyïndə̂ kə̂ mbo rə̂ pä su yê kpo, tche âmbo rə̂ pä su yê kpo.

Dokʉ̈ Körɛ̂nte 12:18

Praâbalë Ndjapä nyïkrə atchâme-tə̂ akrə balë balë ëtə̂ tə̂ akrə batə̂ rə̂ ndə̂ su yê nyîndə̂ nə̈.

Dokʉ̈ Körɛ̂nte 12:4

Arə ndə̂ Kpɨ̂ki Yingö kʉ rə̂ sə̈ azü wä ngbî ngbî, praâbalë kütû Yingö balë lâme kä ndə̂ âkʉ rə̂ sə̈ azü.

Dokʉ̈ Körɛ̂nte 12:6

Akua wä ngbî ngbî, praâbalë kütû Ndjapä balë kä ndə̂ âza gbôgbô sə̈ azü gbɛ̂ ndə̂kə̂ mbo akua nə̈ gbɛ̂.

Dokʉ̈ Körɛ̂nte 7:17

Âdə andə̂ adɨ̂ azü nə̈, apö ndə̂ mê zama tə̂ pö ndə̂nə̈ kulə̂ a-Egilîze gbɛ̂ kä âtə: Äwäpä akrə balë balë ndəpo lə̂ köbo ndə̂ Gbölö Gbïɛ̈ zâ rə̂ sə̈ tchë. Äwäpä tche ndə̂po lə̂kə̂ sə ndə̂ yê dokʉ̈tchê tə̂ lo nə̈ ndə̂ Ndjapä ê tchë.

Dokʉ̈ Körɛ̂nte 7:7

Më nyïndə̂ nə̈ pä azü gbɛ̂ wa batə̂ mê, praâbalë akrə balë balë gbö gbôgbô ndə̂ Yingö ndə̂ Ndjapä za rə̂ sə̈ tchë. Tche zä ngânə̈ sə̈ tchanə̈ âtə, kə̂ za ngânə̈ ngbî sə̈ tchanə̈ təbhâ.

Bïchuû Körɛ̂nte 10:13

Âdə andə̂ ârâ, ârâ bhîâbo gogo ârâ ârô pânə̈-a, ârâ bhï gogo ârâ nə̈ ëtə̂ masə̂nə̈ ndə̂ Ndjapä nyîsə̂ nə̈ ndə̂kə̂ pä ârâ mbo kua ndə̂ yê tâ ndjoa kə̂ wutu la rə̂ bhândə̂ nyê.

Ëfêze 1:11

Ndə̂ azə̈ wâ ndjë balë la Krîsiti, azə̈ gbö andə̂ azə̂ nə̈ arə ndə̂ tche nyîkrə rə̂ dokʉ̈tchê lə̂ köbosə̂ nə̈ ndə̂ tche dɨ̂ azə̂ ndə̂kə̂ gbo rə̂. Tche mbö arə nə̈ gbɛ̂ batə̂ rə̂ ndə̂ su yê nyîndə̂ nə̈.

Ëfêze 4:7

Käko azə̂ gbɛ̂ azə̈ gbö arə ndə̂ Yingö ndə̂ Krîsiti kʉ̂ rə̂ sə̈ akrə balë balë gbɛ̂ gundə̂sə̂ tchôtchô su yê.

Aheborö 2:4

Ndjapä la tə̂ yê nyïsə̂ nə̈ pä apö nə̈ lâme watə̂ lëge nə̈ lə̂ köbosə̂ asɨ̂nyî arə la arə ndə̂ ârô kə̂ za küma azü, akpɨ̈ngbɨ̈ arə ngbî ngbî, ndjë la atchôtchô arə ndə̂ Kpɨ̂ki Yingö krʉ tchə̂lə̂ nə̈ tə̂ azü batə̂ su yê nyîndə̂ nə̈.

Jâke 1:18

Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.