Dokʉ̈ Körɛ̂nte 12:10 - Mbëtï Ndjapä: TÄFO MADƗ̈

¹⁰ Tche zä gbôgbô ndə̂kə̂ mbo akpɨ̈ngbɨ̈ rə sə̈ ngâ akrə, kə̈ zâ gbôgbô ndə̂kə̂ to ndə̂ma Ndjapä sə̈ ngânə̈, kə̈ zâ gbôgbô ndə̂kə̂ krʉ tchə̂lə̂ Kpɨ̂ki Yingö la angbongbo yingö sə̈ ngânə̈, kə̈ zâ gbôgbô ndə̂kə̂ to pö la ama gö ngbî ngbî sə̈ ngânə̈, ânyë kə̈ zâ gbôgbô sə̈ ngânə̈ ndə̂kə̂ to ndə̂ma pö ndə̂ ama gö ngbî ngbî lâme sə̈ angâ yê.

Dokʉ̈ Körɛ̂nte 12:10 Iomraidhean Croise

Mâreke 16:17

Asɨ̂nyî rə ndə̂ âzadje tchêngbâ andjanə̈ ndə̂ andjê zadje su andjê sə̈ mê wä kâkë: Andjê groadje angbongbo atchozö la rə̈ mê, kə̂ toadje pö la angâ atäfo ama gö.

Mâreke 16:20

Âdə andə̂ adjisîpili nə̈, andjê âe katchôgbɛ̂ lakə̂ mu Tchôtchô Pö. Gbölö Gbïɛ̈ zâ gbôgbô sə̈ andjê ndə̂kə̂ mbo rə̂ pä pö Ndjapä watə̂ lëge pö, lə̂ köbosə̂ akpɨ̈ngbɨ̈ rə ndə̂ âza tchêngbâ akua ndə̂ andjê.]

Lûke 24:49

Andə̂ me nə̈, më âwan rə ndə̂ Bha mê zâ bâlâ nə̈ tə̂ nyê lâme. Käko äwäpä nyë sə lə̂ gö nə̈ tchâtə zoo ëtə̂ lo nə̈ ndə̂ nyê gbo gbôgbô ndə̂ âtô bhâ lafô.»

Jâan 14:12

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche zâ su yê sə̈ mê, tchê mboadje arə ndə̂ më mbô rə̂ lâme. Tchê âkä mbo rə̂ âro anə̈ âtə, bëte mê âgûgü atə̂ ndrotə̂ Bha mê.

Jâan 16:13

Âdə Yingö ndə̂ lëge pö nə̈ âwutu, tchê nyiadje sə̂ alëge pö gbɛ̂ sə̈ nyê. Bëte tchê nyiabô sə̂ pö ngbâ su yê tee-a, praâbalë tche ânyisə̂ apö gbɛ̂ ndə̂ tche djê rə̂, kə̂ toadje ndjë pö ndə̂ arə gbɛ̂ ndə̂ âwâ ndə̂kə̂ wutu sə̈ nyê.

Abadjângele 1:8

Praâbalë nyê gboadje ngâ gbôgbô, gbôgbô nə̈ lâme də̈ gbôgbô ndə̂ Kpɨ̂ki Yingö ndə̂ âjreadje pâ nyê. Käko nyê toadje apö ndə̂ arə ndə̂ nyë wûnsə̂ nə̈ pâ mê bhâ Jerûzalêmo, lə̂ agö ndə̂ Judë gbɛ̂, la andə̂ Samarï, zoo kupâ cho gbɛ̂.»

Abadjângele 11:27

Tə̂ngâlo, angâ a-earə̂ ndə̂ma Ndjapä tô bhâ Jerûzalêmo kə̈ nə̂ atə̂ Äntïyôche.

Abadjângele 11:28

Ngânə̈ balë lə̂ gûtə̂ andjê ndə̂ rə̈ yê wû pä Ägäbûse, Kpɨ̂ki Yingö nyîsə̂ nə̈ sə̈ tchë, ânyë tche tô rə̂ päkëdə̂: «Ngâ gbölö gʉ âzadje tchêpâ cho gbɛ̂.» Gʉ nə̈ zä tchô alême gbɛ̂ sə̂nə̈ ndə̂ Kölôde wâtə̂ gbölö gbïɛ̈ pâ Rômo.

Abadjângele 19:6

Pôlo tô könô yê pâ küma andjê ânyë Kpɨ̂ki Yingö jrê pâ andjê, andjë jêtə̂ kə̂ to pö la ama gö ndə̂ a wûn-âbô sə̂nə̈ wûn-î, lakə̂ to ndə̂ma Ndjapä.

Abadjângele 5:3

Praâbalë Pîêre yû tchë päkëdə̂: «Änänîâse, bëte giamâ mo gbôtə̂ köbo sə̈ Satäa ânyë tche lî bhâlə̂ su zə̈? Kɨ̈ndɨ̈ ndə̂ mo kâ rə̂ lâme, mo kïtə̂ tchâkalâ makətche nə̈, kə̈ kâ mô yepa sə̈ Kpɨ̂ki Yingö.

Rômo 12:6

Ndjapä kʉ̈ arə ndə̂ Yingö ngbî ngbî sə̈ azə̈ lə̂ köbosə̂ tchôtchô su yê. Âdə ngâ akrə âwa la rə ndə̂ Yingö ndə̂kə̂ to pö batə̂ earə̂ ndə̂ma Ndjapä, äwäpä tche tö pö nə̈ gundə̂sə̂ kə̂ za su yê sə̈ Ndjapä.

Rômo 15:19

ndjë lə̂ köbo gbôgbô ndə̂ akpɨ̈ngbɨ̈ rə la arə ndə̂ âropâ küma azü ndə̂ Yingö ndə̂ Ndjapä mbô rə̂. Käko ndə̂kə̂ to bhâ Jerûzalêmo ndjoa lə̂ gö ndə̂ Ilirï, më rö lakə̂ mu Tchôtchô Pö ndə̂ Krîsiti sə̈ azü.

Dokʉ̈ Körɛ̂nte 11:4

Köchë ndə̂ tche sə̂ lakə̂ to pö sə̈ Ndjapä âdəndjë rə̂ ndə̂ tche sə̂ lakə̂ to ndə̂ma Ndjapä, ânyë kə̈ î ngâ rə pâ küma yê, dëkë tche lûâbo sə akrə tə̂ küma yê-a.

Dokʉ̈ Körɛ̂nte 13:8

Kə̂ nyîndə̂ ngâ wä pïï etə̂. Kə̂ to ndə̂ma Ndjapä âkrʉadje, gbôgbô ndə̂ Yingö ndə̂kə̂ to pö la ama gö ngbî ngbî âkadje, kə̂ wunsə̂ rə âkrʉadje.

Dokʉ̈ Körɛ̂nte 14:13

Bëte rə̂ kä ndə̂ akrə ndə̂ tche to pö la ama gö ngbî ngbî, äwäpä tche yu Ndjapä tche za gbôgbô ndə̂ Yingö ndə̂kə̂ to tchêngbâ pö nə̈ sə̈ tchë.

Dokʉ̈ Körɛ̂nte 14:39

Käko arə̂mä, nyë pü köbo ndə̂kə̂ to ndə̂ma Ndjapä. Nyë kïäbô kîtə̂ köbo tə̂ azü ndə̂ andjë nyîndə̂ kə̂ to pö la ama gö ngbî ngbî,

Gälâte 3:5

Ndjapä zä Yingö sə̈ nyê ânyë kə̈ mbô akpɨ̈ngbɨ̈ rə lə̂ gbâtə̂ nyê. Tche mbö arə nə̈ lâme bëte rə̂ ndə̂ nyë mbô rə gundə̂sə̂ ndïɛ̈ âdəndjë bëte rə̂ ndə̂ nyë djê Tchôtchô Pö ânyë kə̈ zâ su nyê pânə̈?

Dokʉ̈ Tësälönîke 5:20

nyë wün-äbô apö ndə̂ a-earə̂ ndə̂ma Ndjapä wûn batə̂ mbämbä pö-ê.

Aheborö 2:4

Ndjapä la tə̂ yê nyïsə̂ nə̈ pä apö nə̈ lâme watə̂ lëge nə̈ lə̂ köbosə̂ asɨ̂nyî arə la arə ndə̂ ârô kə̂ za küma azü, akpɨ̈ngbɨ̈ arə ngbî ngbî, ndjë la atchôtchô arə ndə̂ Kpɨ̂ki Yingö krʉ tchə̂lə̂ nə̈ tə̂ azü batə̂ su yê nyîndə̂ nə̈.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Apökälîbïchi 2:2

Më wûnsə̂ akua ndə̂ zə̈ nə̂, ndjë la yûkü ndə̂ mo wûn rə̂ lakə̂ mbo kua ndə̂ zə̈. Më wûn ndjë sə̂ köbo ndə̂ mo rʉatə̂ su zə̈ lâme nə̂. Më wûnsə̂ nə̈ nə̂ pä mo wâbo ndə̂kə̂ rʉatə̂ su zə̈ la angbongbo azü-a. Azü ndə̂ andjë tô rə̂ pä anyë də̈ abadjângele lâme, ndə̂ mo pû apö pâ andjê, ânyë kə̈ wûnsə̂ nə̈ pä andjë də̈ a-earə̂ yepa.