Dokʉ̈ Körɛ̂nte 11:32 - Mbëtï Ndjapä: TÄFO MADƗ̈

³² Praâbalë Gbölö Gbïɛ̈ wä ngbanga ndə̂ azə̂, kə̈ gbɨ̂tɨ tu azə̂ ânyë kə̈ wâbô ngbanga wâ lə̂ küma azə̂ la adɨ̂ azü tchêbêche âtə-ê.

Dokʉ̈ Körɛ̂nte 11:32 Iomraidhean Croise

Rômo 3:19

Azə̈ wûnsə̂ nə̈ nə̂ pä rə gbɛ̂ ndə̂ ndïɛ̈ tô pö ndə̂nə̈, tche tö rə̂ bëte azü ndə̂ andjë wâ tchâtchâ ndïɛ̈ nə̈. Ânyë akrə balë wabô tee la ngâ pö balë ndə̂kə̂ to rə̂ ndə̂nə̈-a, ânyë azü gbɛ̂ wunsə̂ nə̈ pä lə̂ la Ndjapä pö kä lə̂ küma anyê.

Rômo 5:16

Rə ndə̂ Ndjapä zâ rə̂ sə̈ azü ämbänə̈ wä ndjë ngbî tə̂ rə ndə̂ âwutu la tchêngbâ kə̂ mbo ngbongbo rə ndə̂ akrə balë. La tchêngbâ kə̂ mbo ngbongbo rə ndə̂ akrə balë, Ndjapä wä ngbanga ânyë ngbanga nə̈ tê lə̂ küma azü gbɛ̂. Praâbalë la tchêngbâ kə̂ mbo angbongbo rə tə̂ gbölösə̂nə̈ ndə̂ azü, Ndjapä mbô tchôtchô su ânyë kə̈ zâ köbo sə̈ azü ndə̂kə̂ wa djîrə̂ lə̂ la yê.

Dokʉ̈ Körɛ̂nte 1:20

Akrə ndə̂ küma yê wâ lanə̈ sə̈ bhâ tchêbâ? Earə̂ kə̂ nyisə̂ ndïɛ̈ sə̈ bhâ tchêbâ? Earə̂ kə̂ to pö la köbo nə̈ ndə̂ tchô angêta sə̈ bhâ tchêbâ? Ndjapä mbôâbo rə̂ pä küma azü ndə̂ âwâ lanə̈ pâ cho âtə watə̂ nyî?

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 11:30

Bëte rə̂ kä ndə̂ a-earə̂ tə̂kömbô la azü ndə̂ andjë ngêwele sɨ̂sɨ̈ lə̂ gbâtə̂ nyê. Angbängbä angânə̈ tchû nə̂.

Dokʉ̈ Körɛ̂nte 11:31

Âdə azə̂ ârɨ tchə̂lə̂ azə̂ dokʉ̈tchê pâ kə̂ mbo rə ndə̂ azə̂, dëkë azə̈ têâbo tchâtchâ ngbanga ndə̂ Gbölö Gbïɛ̈-a.

Dokʉ̈ Körɛ̂nte 11:33

Käko arə̂mâ ndə̂ mê, âdə nyê âpalatə̂ nyê ndə̂kə̂ zɨ kɨ̈zɨ̂ ndə̂ Gbölö Gbïɛ̈, äwäpä nyë krʉ̈ bëte angâ nyê.

Dokʉ̈ Timotë 1:20

Lə̂ gûtə̂ azü nə̈ lâme, a gbö Imenë la Alegezândere. Më gbötə̂ andjê tchânə̂ Satäa, ndə̂kə̂ pa andjë ka tôâbô angbongbo pö tô tə̂ Ndjapä-ê.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Apökälîbïchi 3:19

Mëmê, azü gbɛ̂ ndə̂ më nyîndə̂ andjê, më gbɨ̈tɨ tü andjê, kə̂ ka la andjê ëpâ tchôtchô köbo. Amö za su zə̈ gbɛ̂ lakə̂ mbo kua, kə̂ gbotə̂ bəndɨ kə̂ mbo rə ndə̂ zə̈-ê.