Dokʉ̈ Körɛ̂nte 11:3 - Mbëtï Ndjapä: TÄFO MADƗ̈

³ Më nyïndə̂ nə̈ pä nyë wunsə̂ pö âtə: Krîsiti də̈ akrə tə̂ küma aköchë gbɛ̂, köchë də̈ akrə tə̂ küma ɛ̈chë, Ndjapä wätə̂ akrə tə̂ küma Krîsiti.

Dokʉ̈ Körɛ̂nte 11:3 Iomraidhean Croise

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Jâan 14:28

Nyë djê rə̂ ndə̂ më tô rə̂ alême nə̂ päkëdə̂: ‹Mê âgu, praâbalë mê kadje pu nyê.› Âdə nyê ânyində̂ mê alême, nyê wadje la mômô tə̂ pö ndə̂nə̈ ndə̂ mê gû atə̂ndə̂ Bha mê, bëte Bha mê wä gbölö kə̈ rô mê.

Dokʉ̈ Körɛ̂nte 3:23

Praâbalë nyënyê, nyë wätə̂ azü ndə̂ Krîsiti, ânyë Krîsiti wâtə̂ akrə ndə̂ Ndjapä.

Ëfêze 4:15

Praâbalë âdə azə̂ âto lëge pö lakə̂ nyində̂ ngâ, azə̂ geadje lə̂ rə gbɛ̂ ndə̂kə̂ wa batə̂ Krîsiti ndə̂ tche wâtə̂ küma nə̈.

Kölôse 1:18

Tche də̈ küma Egilîze ndə̂ âdə̂ tə̂ yê, arə gbɛ̂ tö tə̂ yê, tchetchë kä ndə̂ âjô lə̂ kuzü dokʉ̈tchê ndə̂kə̂ pa lə̂ arə gbɛ̂, tche sə lə̂ dokʉ̈ tchô.

Kölôse 2:10

Nyë wâ la tchîsûwu ndə̂ âsɨ̂sɨ̈ gbɛ̂ lə̂ köbosə̂ Krîsiti ndə̂ tche wâtə̂ küma angbongbo atchozö ndə̂ andjë wâ la gbôgbô.

Kölôse 2:19

Azü käko wâbo ndə̂kə̂ pi ëtə̂ Krîsiti-a, ndə̂ tche wâ batə̂ küma akrə. Bëte küma akrə kä ndə̂ tə̂ akrə gbo rə gbɛ̂ ndə̂ tche nyîndə̂ nə̈, bëte tchë kä ndə̂ atâtäkpa sə̂ agbäbï la ambë palatə̂ andjê kə̂ wa balë, kə̂ kʉche batə̂ rə̂ ndə̂ Ndjapä nyîndə̂ nə̈.

Kölôse 3:18

Aɛ̈chë, nyë djë ma aköchë ndə̂ nyê, rə ndə̂ azü ndə̂ Gbölö Gbïɛ̈ wâ ndə̂kə̂ mbo rə̂ kä lâme.

Dokʉ̈ Pîêre 3:1

Nyënyê ndjë, aɛ̈chë, nyë djë ma aköchë ndə̂ nyê, käko ânyë angânə̈ lə̂ gbâtə̂ aköchë nə̈ ndə̂ andjê kôsə̂ pö Ndjapä, andjê ka pu tchë lə̂ köbosə̂ kə̂ mbo rə ndə̂ aɛ̈chë ndə̂ andjê, âdə̂âbo tə̂ pö ndə̂ pö ndə̂ nyê to rə̂ sə̈ andjê-a.