Dokʉ̈ Körɛ̂nte 11:29 - Mbëtï Ndjapä: TÄFO MADƗ̈

²⁹ Bëte akrə ndə̂ tche zɨ̂ mâpa, ndjë lakə̂ ndjo kangûchi vɛ̂n-ɛn, ânyë kə̈ wûn-âbô rə̂ wûn batə̂ tə̂ Gbölö Gbïɛ̈-ê, dëkë tche kä lakə̂ wa ngbanga pâ yê la tə̂ yê, ndə̂ tche sə̂ lakə̂ zɨ rə̂ ndjë lakə̂ ndjo rə̂ lâme.

Dokʉ̈ Körɛ̂nte 11:29 Iomraidhean Croise

Lûke 7:34

Modô ndə̂ Akrə nə̈, kə̈ zɨ̂ rə, kə̈ ndjô rə, nyë tô rə̂ päkëdə̂: ‹Wunsa köchë âtə ndə̂ kua ndə̂ yê wâ kütû ndə̂kə̂ zɨ rə, lakə̂ ndjo vɛ̂n-ɛn, tche mbö agü la a-earə̂ kə̂ pala makətche-lapöo, la a-earə̂ ngbongbo rə!›

Rômo 13:2

Käko akrə ndə̂ tche kôsə̂ kə̂ dje ma agbölö azü gö, dëkë tche kôsə̂ rə ndə̂ Ndjapä nyîkrə rə̂ nə̂. Azü ndə̂ andjë kôsə̂ kə̂ dje ma agbölö azü gö, andjë la tə̂ andjê âmbo rə̂ ânyë ngbanga te lə̂ küma andjê.

Dokʉ̈ Körɛ̂nte 11:24

kə̈ zâ ayîabâ sə̈ Ndjapä, kə̈ tchô tchə̂lə̂ nə̈ ânyë kə̈ tô rə̂ päkëdə̂: «Rə âtə də̈ tə̂ mê, ndə̂ âwâ bëte nyê. Nyë mbö rə lâme ndə̂kə̂ pa sə̂ mê te lə̂ nyê.»

Dokʉ̈ Körɛ̂nte 11:27

Bëte rə̂ kä ndə̂ akrə ndə̂ tchê zɨadje mâpa, ndjë lakə̂ ndjoadje kangûchi vɛ̂n-ɛn ndə̂ Gbölö Gbïɛ̈, ânyë kə̈ lûâbô sə̂nə̈ lû-î, dëkë pö kä lə̂ küma yê tə̂ pö ndə̂ tə̂ la jï Gbölö Gbïɛ̈.

Dokʉ̈ Körɛ̂nte 11:28

Äwäpä akrə balë balë rɨ tchə̂lə̂ yê pâ yê la tə̂ yê dokʉ̈tchê ânyë kə̂ zɨ mâpa, ndjë lakə̂ ndjo kangûchi vɛ̂n-ɛn âtə.

Dokʉ̈ Körɛ̂nte 11:30

Bëte rə̂ kä ndə̂ a-earə̂ tə̂kömbô la azü ndə̂ andjë ngêwele sɨ̂sɨ̈ lə̂ gbâtə̂ nyê. Angbängbä angânə̈ tchû nə̂.

Aheborö 5:14

Kɨ̈zɨ̂ ndə̂ âkpôkpö wä bëte anênegbe azü, bëte lə̂ köbosə̂ kə̂ mbo arə ndə̂ andjê, tchə̂lə̂ la andjê krä ndə̂kə̂ wunsə̂ kə̂ krʉ tchə̂lə̂ tchôtchô rə la ngbongbo rə.

Jâke 3:1

Arə̂mâ ndə̂ mê, âwâbo pä angbängbä azü watə̂ a-earə̂ kə̂ nyisə̂ rə-a. Bëte nyë wûnsə̂ nə̈ nə̂ pä azəzə̂ ndə̂ a-earə̂ kə̂ nyisə̂ rə, ngbanga ndə̂ Ndjapä wadje rə̂ pâ azə̂ ârə̂ âwatə̂ ngbongbo nə̈ kə̂ ro masə̂nə̈.

Jâke 5:12

Praâbalë arə̂mâ ndə̂ mê, tə̂ dokʉ̈ nə̈, âwâbo pä nyë deba la rə̈ tchêlafô, âdəndjë tchêbêche, âdəndjë la ngâ känyï ngbî-a. Âdə nyë âto rə̂ pä: «Ɛn-ɛn» kə̂ krʉ kütû pâ ɛn-ɛn. Ânyë nyë âto rə̂ pä: «Ɛ̂n-ɛ̈n» kə̂ krʉ kütû pâ ɛ̂n-ɛ̈n, käko ânyë nyê teabô tê tchâtchâ ngbanga ndə̂ Ndjapä-ê.