Dokʉ̈ Körɛ̂nte 11:26 - Mbëtï Ndjapä: TÄFO MADƗ̈

²⁶ Bëte logbɛ̂ ndə̂ nyê sə lakə̂ zɨ mâpa lâme, ânyë kə̂ ndjo kangûchi vɛ̂n-ɛn lâme, nyë mü pö ndə̂ kuzü Gbölö Gbïɛ̈ zoo ëtə̂ lo nə̈ ndə̂ tche ka.

Dokʉ̈ Körɛ̂nte 11:26 Iomraidhean Croise

Jâan 14:3

Âdə më âe kə̂ nyikrə tchô bëte nyê, mê kadje ngbâ mê ndə̂kə̂ kʉ nyê potə̂ mê, ânyë sə̂ tchô ndə̂ mê sə tâ, nyënyê ndjë gbɛ̂, nyê sə ndjë tâ.

Jâan 21:22

Jezü tô rə̂ sə̈ tchë päkëdə̂: «Âdə mê ânyində̂ nə̈ pä tche sə la tʉ̈rʉ̂ la yê ndjoa tə̂ lo kə̂ ka ndə̂ mê, äwün mö? Momö, amö za tchêngbâ mê.»

Jâan 21:23

Kütû pâ pö lâme, azü ndə̂ Krîsiti tô rə̂ lə̂ gbâtə̂ andjê pä, djisîpili lâme tchuabô andə̂ ye nə̈ tee-a. Praâbalë Jezü tôâbo rə̂ sə̈ Pîêre pä tchê tchuabô tee-a, tche tö rə̂ päkëdə̂: «Âdə mê ânyində̂ nə̈ pä tche sə la tʉ̈rʉ̂ la yê ndjoa ëtə̂ lo kə̂ ka ndə̂ mê, äwün mö?»

Abadjângele 1:11

Aköchë lâme tô rə̂ sə̈ andjê päkëdə̂: «Nyënyê ndə̂ azü gö ndə̂ Galilë, nyë krʉ̈ tchâtə lakə̂ wun tchô atə̂ lafô bëte giamâ? Jezü ndə̂ a zâ tchë lə̂ gûtə̂ nyê ânyë kə̈ kênga la tchë atə̂ lafô lâme, tchê kadje ndjë ngbâ yê batə̂ rə̂ ndə̂ nyë wûn tchë lakə̂ kenga atə̂ lafô lâme.»

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Dokʉ̈ Tësälönîke 4:16

Bëte Ndjapä zadje ma, a djeadje ndjë tchə̂lə̂ gɨ̈ ngâ makündji ndə̂ aânje la tätälîtä ndə̂ Ndjapä. Käko Gbölö Gbïɛ̈ la tə̂ yê toadje bhâ lafô kə̂ jreadje. Azü ndə̂ andjë zâ su andjê sə̈ Krîsiti ânyë kə̈ tchû, andjë kä ndə̂ âjo lə̂ kuzü dokʉ̈tchê.

Bïchuû Tësälönîke 1:10

Lo nə̈ ndə̂ tche kangbâ yê, azü ndə̂ yê âvogadje tchë, azü ndə̂ andjë zâ su andjê sə̈ Krîsiti âwun-adje tchë la mômô. Nyënyê ndjë gbɛ̂ nyë âsə lə̂ gbâtə̂ azü nə̈ lâme bëte nyë gämba pö ndə̂ ârâ mû rə̂ sə̈ nyê.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Bïchuû Pîêre 3:10

Käko lo kə̂ ka ndə̂ Gbölö Gbïɛ̈ wadje batə̂ earə̂ ngbä. Tə̂ lö nə̈ lâme tchêlafô âro me la ngâ gbölö wârə̂, wo âjuadje arə tchêlafô, sə̂nə̈ lâme tchêbêche la arə gbɛ̂ ndə̂ âwâ lə̂nə̈ âyu me yü.

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.

Jûde 1:14

Hënôke, ndə̂ tche də̂ akrə mïndûu manə̈ bïchuû lə̂ gbölö mawo la tchêngbâ Adâme tô ndə̂ma Ndjapä pâ azü lâme dokʉ̈tchê alême päkëdə̂: «Wunsaâ, Gbölö Gbïɛ̈ nəadje la angbängbä aânje ndə̂ andjë wâ ngbî ânyë kə̈ dâka gbɛ̂,

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.

Apökälîbïchi 22:20

Akrə ndə̂ tche tô pö ndə̂ arə lâme, tche tö rə̂ päkëdə̂: «Ɛn-ɛn, më âka angaâtə!» Amin! Nə atâ Gbölö Gbïɛ̈ Jezü!