Dokʉ̈ Körɛ̂nte 11:20 - Mbëtï Ndjapä: TÄFO MADƗ̈

²⁰ Ndə̂ nyê palatə̂ nyê lâme, âdə̂âbo kɨ̈zɨ̂ ndə̂ Gbölö Gbïɛ̈ kä ndə̂ nyê zɨ rə̂-a.

Dokʉ̈ Körɛ̂nte 11:20 Iomraidhean Croise

Abadjângele 2:42

Andjë zätə̂ andjê gbɛ̂ ndə̂kə̂ dje abadjângele lakə̂ nyisə̂ rə ndə̂ andjê logbɛ̂. Andjë mända rə, kə̂ sə balë, kə̂ zɨ rə balë, kə̂ to pö sə̈ Ndjapä.

Abadjângele 2:46

Logbɛ̂, andjë pälatə̂ andjê batə̂ akrə balë bhâlə̂ gbölö nda Ndjapä, andjë zɨ̈ rə sə̂nə̈ balë kulə̂ anda ndə̂ andjê, andjë zɨ̈ rə nə̈ la mômô ndjë la tchôtchô su.

Dokʉ̈ Körɛ̂nte 11:17

Po ndə̂ më nyîndə̂ kə̂ to rə̂ sə̈ nyê âtə, mê gambabô nyê tee-a. Kə̂ palatə̂ nyê mbö nyê ngbo, kə̈ mbôâbo nyê pä nyë e atə̂ tchâtchu nə̈-a.

Dokʉ̈ Körɛ̂nte 11:19

Äwäpä tchə̂lə̂ tə̂ nyê krʉ-ê, ânyë a wun andjanə̈ lə̂ gûtə̂ nyê ndə̂ andjë wâtə̂ adjîrə̂ azü.

Dokʉ̈ Körɛ̂nte 11:21

Bëte sə̂nə̈ ndə̂ nyê sə lakə̂ zɨ rə, akrə balë balë gbrögbrotə̂ yê ndə̂kə̂ to kɨ̈zɨ̂ ndə̂ yê la tə̂ yê, âmbô rə̂ pä ngânə̈ kä la gʉ, ânyë pî sə lakə̂ mbo ngânə̈.

Aheborö 10:25

Azə̈ gböäbô gbôtə̂ kə̂ palatə̂ azə̂ la angâ azə̂-ê, batə̂ rə̂ ndə̂ angâ azü mbo tchê rə̂, praâbalë azə̈ zä wängö lə̂ gbâtə̂ azə̂ la angâ azə̂ âro anə̈ dokʉ̈tchê, bëte azə̈ wûnsə̂ nə̈ nə̂ pä lö Gbölö Gbïɛ̈ wâ nə̂ tchêtchêtchê.

Bïchuû Pîêre 2:13

A âmboadje andjê ngbo ngbâ ngbongbo rə ndə̂ andjë mbô rə̂. Andjë mbö arə ndə̂ ngbongbo gʉ su andjê la ngbɛ̂ngbɛ̂ lo, kə̂ wa la mômô lə̂ köbosə̂ nə̈. Kə̂ sə ndə̂ andjê lə̂ gbâtə̂ nyê wätə̂ rə ganô la rə ndə̂ âmbo rə̂ pä nyë te. Ndə̂ nyë âsə̈ zɨ kɨ̈zɨ̂ kpülü la andjê, andjë kä la mômô lə̂ köbosə̂ kə̂ bolo tchô ndə̂ andjê.

Jûde 1:12

Andjendjê kä ndə̂ âwâ batə̂ kâkpö lə̂ kɨ̈zɨ̂ ndə̂ nyê ngbotâ nyɛ̂ɛ̂ balë, ânyë kə̂ zɨ rə̂ lə̂ gbâtə̂ nyê. Andjë zɨ̂âbo rə lakə̂ ndjo rə la ganô-a. Andjë wün kütû gʉ tchə̂lə̂ andjê. Andjë wä batə̂ ndrö ndə̂ yi rô la rə̂ ânyë nyïvrö nyîâbô nyî. Andjë wä batə̂ angâ ayö ndə̂ lo kə̂ le ndə̂nə̈ âta nə̂, âlêâbo balë-a, âdə a âsu da nə̈ âtchu tratralë.