Dokʉ̈ Körɛ̂nte 11:2 - Mbëtï Ndjapä: TÄFO MADƗ̈

² Më gämba nyê bëte logbɛ̂ sə̂ mê kä lakə̂ te lə̂ nyê, ânyë nyë kä lakə̂ mbo rə gundə̂sə̂ apö ndə̂ mê nyisə̂ nə̈ sə̈ nyê.

Dokʉ̈ Körɛ̂nte 11:2 Iomraidhean Croise

Lûke 1:6

Zakarï la Alîsabëte wätə̂ adjîrə̂ azü lə̂ la Ndjapä, andjë mbö rə la köbo nə̈ gundə̂sə̂ andïɛ̈ gbɛ̂ la apö gbɛ̂ ndə̂ Gbölö Gbïɛ̈.

Dokʉ̈ Körɛ̂nte 11:17

Po ndə̂ më nyîndə̂ kə̂ to rə̂ sə̈ nyê âtə, mê gambabô nyê tee-a. Kə̂ palatə̂ nyê mbö nyê ngbo, kə̈ mbôâbo nyê pä nyë e atə̂ tchâtchu nə̈-a.

Dokʉ̈ Körɛ̂nte 11:22

Nyë wâbo la anda ndə̂kə̂ zɨ rə ndjë lakə̂ ndjo rə bhâlə̂ nə̈? Âdəndjë rə̂ nyë sə̈ lakə̂ mo Egilîze ndə̂ Ndjapä mö? Nyë nyïndə̂ kə̂ mbo rə ganô tə̂ azü ndə̂ rə ndə̂ andjê wâbô wâ tâ lâme? Më âto rə̂ sə̈ nyê atöko? Äwäpä më gamba nyê? Ɛ̂n-ɛ̈n, më gâmbabô nyê pâ pö lâme-a.

Dokʉ̈ Körɛ̂nte 15:2

Âdə nyê âbata Tchôtchô Pö nə̈ batə̂ rə̂ ndə̂ më mû rə̂ sə̈ nyê, nyê tchadje lə̂ kuzü lə̂ köbosə̂ nə̈; ârə̂ âdəabô də̂ käko, dëkë kə̂ za su nyê sə̈ Ndjapä wä ämbänə̈.

Dokʉ̈ Körɛ̂nte 4:17

Tə̂ pö ndə̂nə̈ kä ndə̂ më wân Timotë sə̈ nyê, modô ndə̂ mê ndə̂ më nyîndə̂ yê tə̂ gbölösə̂nə̈, ndə̂ gbô tchë sə̂ lə̂ köbo Gbölö Gbïɛ̈. Tche kä ndə̂ ânyiadje sə̂ köbo ndə̂ më sə̂ la rə̂ la tchêngbâ nə̈ ndə̂ më wâ balë la Krîsiti, batə̂ rə̂ ndə̂ më nyîsə̂ nə̈ katchôgbɛ̂, kulə̂ a-Egilîze.

Dokʉ̈ Körɛ̂nte 7:17

Âdə andə̂ adɨ̂ azü nə̈, apö ndə̂ mê zama tə̂ pö ndə̂nə̈ kulə̂ a-Egilîze gbɛ̂ kä âtə: Äwäpä akrə balë balë ndəpo lə̂ köbo ndə̂ Gbölö Gbïɛ̈ zâ rə̂ sə̈ tchë. Äwäpä tche ndə̂po lə̂kə̂ sə ndə̂ yê dokʉ̈tchê tə̂ lo nə̈ ndə̂ Ndjapä ê tchë.

Dokʉ̈ Tësälönîke 1:6

Âdə andə̂ nye nə̈, nyë wûnsə̂ kə̂ mbo rə batə̂ ârâ nə̂ ndjë batə̂ andə̂ Gbölö Gbïɛ̈: Ndə̂ nyë gbô pö Ndjapä lə̂ gbölö yûkü, praâbalë Kpɨ̂ki Yingö zä mômô tə̂ su nyê.

Dokʉ̈ Tësälönîke 3:6

Angaâtə, Timotë tô bhândə̂ nyê kə̈ kâ nə̂. Tche kä la tchôtchô pö pâ su nyê ndə̂ nyë zâ rə̂ sə̈ Ndjapä, la köbo ndə̂ nyê nyində̂ angâ nyê. Tche tö ndjë rə̂ pä gbô nyê kä lakə̂ to tchôtchô pö ndə̂ ârâ, kə̈ wâ la gʉ ndə̂kə̂ kä wun ârâ, batə̂ rə̂ ndə̂ ârâ wâ ndjë la gʉ ndə̂kə̂ kä wun nyê.

Bïchuû Tësälönîke 2:15

Käko arə̂mä, nyë kpökpo tə̂ nyê, kə̂ bata pö ndə̂ ârâ mû rə̂ sə̈ nyê alême, lə̂ ma ârâ âdəndjë lə̂ mbëtï ndə̂ ârâ wân rə̂ sə̈ nyê.

Bïchuû Tësälönîke 3:6

Arə̂mä, ârâ yükû nə̈ sə̈ nyê la rə̈ Gbölö Gbïɛ̈ Jezü Krîsiti, nyë gïäbô tə̂ nyê gî pu a-earə̂ dö-ê, ndə̂kə̂ mbo rə ndə̂ andjê wâ ngbî tə̂ pö ndə̂ ârâ nyîsə̂ nə̈ sə̈ nyê.