Dokʉ̈ Körɛ̂nte 11:19 - Mbëtï Ndjapä: TÄFO MADƗ̈

¹⁹ Äwäpä tchə̂lə̂ tə̂ nyê krʉ-ê, ânyë a wun andjanə̈ lə̂ gûtə̂ nyê ndə̂ andjë wâtə̂ adjîrə̂ azü.

Dokʉ̈ Körɛ̂nte 11:19 Iomraidhean Croise

Matiyə̈ 18:7

Äwätə̂ rə ndə̂ nyonyo tə̂ azü pâ cho âtə! Arə ndə̂ âmbo rə̂ pä azü te lə̂ ngbongbo rə ngbä tə̂ gbölösə̂nə̈! Tə̂ lëge nə̈, ädäka ndə̂kə̂ pa arə nə̈ lâme wutu. Praâbalë nyonyo kä tə̂ akrə ndə̂ tche mbô rə̂ pä rə nə̈ lâme wutu.

Lûke 17:1

Jezü tô rə̂ sə̈ adjisîpili ndə̂ yê päkëdə̂: «Arə ndə̂ âmbo rə̂ pä azü te lə̂ ngbongbo rə kä tâ logbɛ̂. Praâbalë nyonyo kä tə̂ akrə ndə̂ tche mbô rə̂ pä angâ yê te lə̂ ngbongbo rə.

Lûke 2:35

käko ânyë pö bhâtə̂ su azü wutu gbɛ̂ kraâ ësûwu. Âdə andə̂ zə nə̈ Malê, käkä nə̈ âkadje mö batə̂ besala ndə̂ a sû mö la rə̂.»

Abadjângele 15:5

Praâbalë angâ afarizïɛ̈n ndə̂ andjë zâ su andjê sə̈ Krîsiti zâ pö kə̈ tô rə̂ päkëdə̂: «Äwäpä azü ndə̂ andjë wâbô wâtə̂ ajuîfu ânyë kə̈ zâ su andjê sə̈ Krîsiti, a wa andjê la gasa kə̂ zama sə̈ andjê ndə̂kə̂ bata ndïɛ̈ ndə̂ Möyîze.»

Abadjângele 20:30

Ndjë lə̂ gbâtə̂ nyê la tə̂ nyê, angânə̈ adjelafô la pö yepa ndə̂kə̂ bolo adjisîpili ndə̂kə̂ pa andjë za tchêngbâ andjê.

Abadjângele 24:14

Praâbalë rə ndə̂ më wûnsə̂ nə̈ tchâtchu zə̈ wä kâkë: Më sə̈ lakə̂ voga Ndjapä ndə̂ araâta azə̂, më mbö rə gundə̂sə̂ köbo ndə̂ Gbölö Gbïɛ̈ nyîsə̂ nə̈ sə̈ azə̂, praâbalë andjë tô andə̂ andjë nə̈ pä ngbongbo köbo kä. Më gämba pö gbɛ̂ ndə̂ a mbô rə̂ lə̂ Mbëtï ndə̂ Möyîze, la mbëtï ndə̂ a-earə̂ ndə̂ma Ndjapä.

Abadjângele 24:5

Ârâ wün rə̂ pä köchë âtə wätə̂ ngbongbo akrə tə̂ gbölösə̂nə̈; tche sə̈ lakə̂ yi gbölö pö lə̂ gbâtə̂ ajuîfu pâ cho gbɛ̂. Tche də̈ makündji ndə̂ ngâ ngbongbo kpûlû ndə̂ rə̈ nə̈ wû pä Nazareyɛ̈n.

Abadjângele 26:5

Ajuîfu wünsə̂ mê ndə̂nə̈ gû nə̂. Âdə andjê ânyində̂ nə̈, andjë wä ndə̂kə̂ nyisə̂ nə̈ sə̈ mö pä më də̈ ngâ akrə lə̂ kpûlû ndə̂ afarizïɛ̈n, kpûlû ndə̂ a-earə̂ kə̂ voga Ndjapä, ndə̂kə̂ bata ndïɛ̈ ndə̂ andjê rô adɨ̂ nə̈ gbɛ̂.

Abadjângele 28:22

Praâbalë ârâ nyïndə̂ nə̈ pä momö la tə̂ zə̈, mo to rə̂ sə̈ ârâ rə ndə̂ âwâ bhâlə̂ su zə̈. Bëte ârâ wûnsə̂ nə̈ nə̂ pä kusə̂ tchô gbɛ̂ azü kösə̂ ngbongbo kpûlû ndə̂ zə̈ lâme.»

Abadjângele 5:17

Käko gbölö earə̂ kə̂ wa ngela sə̈ Ndjapä la azü gbɛ̂ ndə̂ andjë sə̂ ndrotə̂ yê, ndə̂ ânyîndə̂ kə̂ to rə̂ pä kpûlû azü ndə̂ asadusïɛ̈n, andjë mbô gbölö su tə̂ abadjângele ânyë kə̈ nyîndə̂ kə̂ mbo ngâ rə.

Dokʉ̈ Körɛ̂nte 11:20

Ndə̂ nyê palatə̂ nyê lâme, âdə̂âbo kɨ̈zɨ̂ ndə̂ Gbölö Gbïɛ̈ kä ndə̂ nyê zɨ rə̂-a.

Bïchuû Körɛ̂nte 12:20

Wawa mbö mê ndə̂kə̂ pa âdə mê âsə̈ wutu bhândə̂ nyê, kə̂ wun kə̂ sə ndə̂ nyê âwa ngbî tə̂ anə̈ ndə̂ su mê nyîndə̂ nə̈, ânyë nyënyê ndjë gbɛ̂, nyê wun kə̂ sə ndə̂ mê âwa ngbî tə̂ anə̈ ndə̂ su nyê nyîndə̂ nə̈. Wawa mbö mê ndə̂kə̂ pa angbongbo arə kâkë wabô wâ lə̂ gbâtə̂ nyê: Kə̂ gama, gbölö su, mêrâ, kə̂ pu köbo ndə̂kə̂ wa batə̂ ngâ yê, kə̂ dro akrə la angbongbo apö, kə̂ to alû, kə̂ bhi gogo, kə̂ mbo angbongbo rə katchôgbɛ̂.

Gälâte 5:20

kə̂ voga angakʉ̈lä, kə̂ mbo yëwä, kə̂ kosə̂ ngâ, kə̂ po, kə̂ mbo gbölö su, kə̂ mbo mêrâ, kə̂ pu köbo ndə̂kə̂ wa batə̂ ngâ yê, kə̂ sə ngbî ngbî tə̂ angâ andjê, kə̂ krʉ tchə̂lə̂ tə̂,

Tîte 3:10

Akrə ndə̂ tche wâ ndə̂kə̂ krʉ tchə̂lə̂ azü lə̂ Egilîze, äwäpä mo gbɨtɨ tü yê sûsunə̈ balë, âdə tche âkä kpa rə̂ tə̂ bïchuû nə̈, mo gro tchë-ê.

Dokʉ̈ Jâan 2:19

Azü nə̈ lâme gbô lə̂ gûtə̂ azə̂ nə̂, praâbalë andjë wâbo alême tə̂ andjandə̂ azə̈ nə̈-a. Âdə andjê âwa alême tə̂ andjandə̂ azə̂, dëkë andjê ândəpo alême lə̂ gûtə̂ azə̂. Praâbalë ndə̂ andjë gbô lə̂ gûtə̂ azə̂ lâme, änyïsə̂ nə̈ pä tə̂ lëge nə̈ ngâ akrə balë lə̂ gûtə̂ andjê wâbo alêe tə̂ tchandə̂ azə̈ nə̈-a.