Dokʉ̈ Körɛ̂nte 11:17 - Mbëtï Ndjapä: TÄFO MADƗ̈

¹⁷ Po ndə̂ më nyîndə̂ kə̂ to rə̂ sə̈ nyê âtə, mê gambabô nyê tee-a. Kə̂ palatə̂ nyê mbö nyê ngbo, kə̈ mbôâbo nyê pä nyë e atə̂ tchâtchu nə̈-a.

Dokʉ̈ Körɛ̂nte 11:17 Iomraidhean Croise

Rômo 13:3

Akrə ndə̂ tche mbô tchôtchô rə, wawa azü kümändëmä mboabô tchë tee-a. Praâbalë akrə ndə̂ tche mbô ngbongbo rə, tchetchë kä ndə̂ wawa azü kümändëmä mbo tchë. Âdə mo ânyində̂ nə̈ pä wawa agbölö azü gö mboabô mö mbô-ê, äwäpä mo mbo tchôtchô rə ânyë andjë to tchôtchô pö ndə̂ zə̈.

Dokʉ̈ Körɛ̂nte 11:2

Më gämba nyê bëte logbɛ̂ sə̂ mê kä lakə̂ te lə̂ nyê, ânyë nyë kä lakə̂ mbo rə gundə̂sə̂ apö ndə̂ mê nyisə̂ nə̈ sə̈ nyê.

Dokʉ̈ Körɛ̂nte 11:20

Ndə̂ nyê palatə̂ nyê lâme, âdə̂âbo kɨ̈zɨ̂ ndə̂ Gbölö Gbïɛ̈ kä ndə̂ nyê zɨ rə̂-a.

Dokʉ̈ Körɛ̂nte 11:22

Nyë wâbo la anda ndə̂kə̂ zɨ rə ndjë lakə̂ ndjo rə bhâlə̂ nə̈? Âdəndjë rə̂ nyë sə̈ lakə̂ mo Egilîze ndə̂ Ndjapä mö? Nyë nyïndə̂ kə̂ mbo rə ganô tə̂ azü ndə̂ rə ndə̂ andjê wâbô wâ tâ lâme? Më âto rə̂ sə̈ nyê atöko? Äwäpä më gamba nyê? Ɛ̂n-ɛ̈n, më gâmbabô nyê pâ pö lâme-a.

Dokʉ̈ Körɛ̂nte 11:34

Âdə gʉ ânyu ngâ akrə, äwäpä tche zɨ rə bhândə̂ yê, käko ânyë ngbanga ndə̂ Ndjapä teabô tê pâ nyê sə̂nə̈ ndə̂ nyê palatə̂ nyê-ê. Âdə andə̂ adɨ̂ apö nə̈, më âwutu bhâye ânyë kə̂ nyikrəadje rə̂.

Dokʉ̈ Körɛ̂nte 14:23

Âdə azü ndə̂ Egilîze gbɛ̂ âpalatə̂ andjê, ânyë andjê gbɛ̂ sə̂ lakə̂ to pö la ama gö ngbî ngbî, ânyë angâ ambämbä azü âdəndjë angâ azü ndə̂ andjë zâbô su andjê zâ sə̈ Krîsiti âli lə̂ gbâtə̂ nyê, andjê toabô rə̂ tee pä nyî kä lakə̂ mbo nyê?

Dokʉ̈ Körɛ̂nte 14:26

Käko arə̂mä, azə̂ âmbo atöko? Âdə nyë âpalatə̂ nyê, ngânə̈ balë lə̂ gbâtə̂ nyê pä düwü, ngânə̈ nyisə̂ rə âdəndjë rə̂ ndə̂ tche to pö ndə̂ ngâ rə ndə̂ Ndjapä nyîsə̂ nə̈ sə̈ tchë, ngânə̈ to pö la ama gö ngbî ngbî, ânyë ngânə̈ to tchêngbâ pö nə̈ la ma gö ndə̂ azü nə̈. Rə gbɛ̂ ndə̂ nyê mbo rə̂, äwäpä rə nə̈ lâme kpokpo azü ndə̂ Egilîze.

Aheborö 10:25

Azə̈ gböäbô gbôtə̂ kə̂ palatə̂ azə̂ la angâ azə̂-ê, batə̂ rə̂ ndə̂ angâ azü mbo tchê rə̂, praâbalë azə̈ zä wängö lə̂ gbâtə̂ azə̂ la angâ azə̂ âro anə̈ dokʉ̈tchê, bëte azə̈ wûnsə̂ nə̈ nə̂ pä lö Gbölö Gbïɛ̈ wâ nə̂ tchêtchêtchê.

Dokʉ̈ Pîêre 2:14

Nyë djë ndjë ma agoverenëre ndə̂ gbölö gbïɛ̈ wân andjê pâ agö ndə̂kə̂ wa ngbanga pâ azü ndə̂ andjë mbo ngbongbo rə, ânyë kə̂ gamba andjanə̈ ndə̂ andjë mbo dâkâ.