Dokʉ̈ Körɛ̂nte 11:16 - Mbëtï Ndjapä: TÄFO MADƗ̈

¹⁶ Praâbalë âdə ngâ akrə ânyində̂ kə̂ kosə̂ pö lâme, äwäpä tche wunsə̂ nə̈ pä ngâ köbo ngbî ndə̂kə̂ pa ârâ la a-Egilîze ndə̂ Ndjapä mbo rə̂ wâbo-a.

Dokʉ̈ Körɛ̂nte 11:16 Iomraidhean Croise

Abadjângele 21:21

A tö rə̂ sə̈ andjê päkëdə̂: Mo sə̈ lakə̂ nyisə̂ nə̈ sə̈ ajuîfu ndə̂ andjë sə̂ lə̂ gbâtə̂ azü ndə̂ andjë wâbô wâtə̂ ajuîfu ndə̂kə̂ pa andjë gbotə̂ köbo ndïɛ̈ ndə̂ Möyîze. Mo tö ndjë rə̂ sə̈ andjê pä andjë wabô abechë ndə̂ andjê wâ la gasa-ê, kə̂ gbotə̂ kə̂ mbo rə gundə̂sə̂ ndïɛ̈ ndə̂ araâta ajuîfu-î.

Abadjângele 21:24

Amö kʉ andjê kə̂ e la andjê, a djutu kâkpö ndə̂ zə̈ la andə̂ andjë nə̈, mo kʉ makətche ndə̂ âwâ ndə̂kə̂ kʉ rə̂ lə̂ grʉ̈ andjê. Äwäpä andjë tcho su küma andjê, käko ânyë azü gbɛ̂ wun-adje sə̂nə̈ pä, pö ndə̂ azü tô rə̂ la rə̈ zə̈ lâme wätə̂ yepa. Andjê wun-adje ndjë sə̂nə̈ pä mo kä lakə̂ bata ndïɛ̈ ndə̂ Möyîze.

Dokʉ̈ Körɛ̂nte 11:15

Andə̂ ɛ̈chë, ngrɨ̈ngrɨ̈ su küma yê mbö rə̂ pä tche lu, bëte Ndjapä zä su küma sə̈ tchë ndə̂kə̂ pa äi tchêpâ küma yê nə̈.

Dokʉ̈ Körɛ̂nte 16:1

Âdə andə̂ pö ndə̂ kə̂ pala makətche bëte azü ndə̂ Ndjapä, äwäpä nyënyê ndjë gbɛ̂, nyë mbö rə̂ batə̂ rə̂ ndə̂ më nyîsə̂ köbo nə̈ sə̈ a-Egilîze ndə̂ Gälâte.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Dokʉ̈ Körɛ̂nte 7:17

Âdə andə̂ adɨ̂ azü nə̈, apö ndə̂ mê zama tə̂ pö ndə̂nə̈ kulə̂ a-Egilîze gbɛ̂ kä âtə: Äwäpä akrə balë balë ndəpo lə̂ köbo ndə̂ Gbölö Gbïɛ̈ zâ rə̂ sə̈ tchë. Äwäpä tche ndə̂po lə̂kə̂ sə ndə̂ yê dokʉ̈tchê tə̂ lo nə̈ ndə̂ Ndjapä ê tchë.

Dokʉ̈ Körɛ̂nte 9:1

Më kʉ̂âbo sə̂kə̂ mbo arə gbɛ̂? Më də̂âbo badjângele? Më wûn-âbo Jezü Gbölö Gbïɛ̈ ndə̂ azə̂? Nyë də̂âbo azü ndə̂ nyë wâtə̂ rə ngbâ kua ndə̂ më mbô rə̂ sə̈ Gbölö Gbïɛ̈ lâme?

Dokʉ̈ Körɛ̂nte 9:6

Kütû Bärnäbâse la mëmê kä ndə̂ âwâ ndə̂kə̂ mbo kua ânyë kə̂ gbo kɨ̈zɨ̂ ma ârâ?

Dokʉ̈ Tësälönîke 2:14

Käko arə̂mä, kə̂ mbo rə ndə̂ nyê wä batə̂ andə̂ azü ndə̂ a-Egilîze ndə̂ andjë sə̂ bhâ Judë, andjanə̈ ndə̂ andjë wâ balë la Jezü Krîsiti lâme, bëte nyë wün ndjë yûkü tchânə̂ azü gö ndə̂ nyê la tə̂ nyê batə̂ rə̂ ndə̂ azü ndə̂ a-Egilîze ndə̂ Judë wûn yûkü tchânə̂ ajuîfu.