Dokʉ̈ Körɛ̂nte 10:7 - Mbëtï Ndjapä: TÄFO MADƗ̈

⁷ Nyë vögabô angakʉ̈lä vôga-ê, batə̂ rə̂ ndə̂ angânə̈ lə̂ gûtə̂ andjê mbô rə̂ lâme-ê. Mbëtï Ndjapä tö rə̂ päkëdə̂: «Azü nə̈ sə̈ bêche ndə̂kə̂ zɨ rə lakə̂ ndjo rə. La tchêngbâ nə̈, andjë âlafô ndə̂kə̂ vu ngɨ̈.»

Dokʉ̈ Körɛ̂nte 10:7 Iomraidhean Croise

Abadjângele 15:20

Praâbalë äwäpä azə̈ mbo mbëtï sə̈ andjê pä andjë zɨabô ngbongbo gûsû ndə̂ a wâ rə̂ la ngela sə̈ ngakʉ̈lä zɨ̂-î, kə̂ puabô aɛ̈chë âdəndjë aköchë pû katchôgbɛ̂, gia ndə̂ tche tchû la jï lə̂ yê, andjë zɨabô tchë zɨ̂-î, kə̂ zɨabô jï zɨ̂-î.

Dokʉ̈ Körɛ̂nte 10:14

Bëte rə̂ kä ndə̂, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpe tə̂ köbo ndə̂kə̂ voga ngakʉ̈lä-ê.

Dokʉ̈ Körɛ̂nte 5:11

Praâbalë më mbö mbëtï lâme sə̈ nyê ndə̂kə̂ pa nyë ngboabô tə̂ nyê ngbô la ngâ akrə ndə̂ tche tô rə̂ pä ânyë də̈ akrə ndə̂ Krîsiti ngâ nyê, ânyë kə̂ pu aɛ̈chë âdəndjë aköchë katchôgbɛ̂, kə̂ wa la gbölö gʉ ndə̂kə̂ gbo arə gbɛ̂, kə̂ voga angakʉ̈lä, kə̂ to angbongbo pö tə̂ angâ yê, kə̂ watə̂ ngbâa ndə̂ pî lakə̂ watə̂ earə̂ ngbä. Âwâbo ndjë ndə̂kə̂ pa nyë zɨ rə la akrə käko-a.

Dokʉ̈ Körɛ̂nte 6:9

Nyë wûn-âbo sə̂nə̈ pä azü ndə̂ andjë mbo ngbongbo rə gbôâbo tchô bhâlə̂ Gbölö gö-gbïɛ̈ ndə̂ Ndjapä? Nyë böloabô tə̂ nyê bôlo-ê: A-earə̂ kə̂ pu aɛ̈chë âdəndjë aköchë katchôgbɛ̂, azü ndə̂ andjë voga angakʉ̈lä, azü ndə̂ andjë pu aɛ̈chë âdəndjë aköchë ndə̂ angâ andjê, aköchë ndə̂ andjë lo la angâ andjê aköchë,

Dokʉ̈ Körɛ̂nte 8:7

Praâbalë âdə̂âbo azü gbɛ̂ kä ndə̂ âwûnsə̂ nə̈-a. Angânə̈ sə̈ alême lakə̂ voga angakʉ̈lä. Ädə̈ käko ânyë gbô andjê sə̂ angêta lakə̂ zɨ gûsû ndə̂ a wâ rə̂ la ngela, kə̈ wûntî pä gûsû lâme, a wä rə̂ la ngela tə̂ lëge nə̈ sə̈ angakʉ̈lä. Kə̂ rɨ tchə̂lə̂ su andjê gêâbo-a, bëte andjë wün rə̂ pä anyë wâ nə̂ ngbo lə̂ köbosə̂ gûsû ndə̂ andjë zɨ̂ rə̂ lâme.

Dokʉ̈ Jâan 5:21

Abechë ndə̂ mê, äwäpä nyë vogabô angakʉ̈lä vôga-ê!