Dokʉ̈ Körɛ̂nte 10:33 - Mbëtï Ndjapä: TÄFO MADƗ̈

³³ Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Dokʉ̈ Körɛ̂nte 10:33 Iomraidhean Croise

Rômo 11:14

ndə̂kə̂ mbo rə̂ pä azü pâ mawo ndə̂ mê ajuîfu wa la gbölö su ânyë mê tcha angânə̈ lə̂ gbâtə̂ andjê lə̂ kuzü.

Rômo 12:5

Azəzə̂ ndjë gbɛ̂, azə̈ wä ndjë käko. Ndə̂ azə̈ ngbângbä lâme, azə̈ wä batə̂ tə̂ akrə balë lə̂ köbosə̂ nə̈ ndə̂ azə̈ wâ balë la Krîsiti. Azə̈ wä balë la angâ azə̂ lə̂ gbâtə̂ azə̂, ânyë akrə balë balë lə̂ kpâlâ yê, tche wä batə̂ atchâme-tə̂ akrə.

Dokʉ̈ Körɛ̂nte 10:24

Âwâbo pä akrə pu rə kütû bëte tchë la tə̂ yê-a, praâbalë äwäpä tche pu rə bëte angâ yê.

Dokʉ̈ Körɛ̂nte 13:5

Akrə ndə̂ tche nyîndə̂ ngâ yê, tche mbôâbo rə ganô-a, tche pûâbo rə tə̂ pö ndə̂ yê-a, kə̈ mbôâbo mêrâ-a, kə̈ zâbo akrə tə̂ su yê-a.

Bïchuû Körɛ̂nte 12:14

Më nyîkrə tə̂ mê nə̂ ndə̂kə̂ e atə̂ndə̂ nyê tə̂ vötaâ nə̈, më nyîâbo ndə̂kə̂ watə̂ kʉ̂ngbô pâ nyê-a, bëte më pûâbo atchôtchô arə ndə̂ nyê-a, praâbalë nyënyê kä ndə̂ mê pu nyê. Kua ndə̂ abechë də̂âbo rə̂ ndə̂kə̂ pu rə bëte bha la anyï andjê-a, praâbalë bha la anyï andjê kä ndə̂ âpu rə bëte abechë ndə̂ andjê.

Bïchuû Körɛ̂nte 12:19

Ndə̂nə̈ gû nə̂ ndə̂ nyë wûn rə̂ pä ârâ sə̈ lakə̂ pu köbo ndə̂kə̂ wa djîrə̂ lə̂ la nyê? Ɛ̂n-ɛ̈n! Âdə̂âbo käko-a. Bëte rə̂ ndə̂ ârâ wâ balë la Krîsiti, ârâ tö pö lâme lə̂ la Ndjapä. Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, rə gbɛ̂ ndə̂ më mbô rə̂ lâme, më mbö rə̂ ndə̂kə̂ pa Egilîze ndə̂ nyê kpokpo tə̂ yê.

Gälâte 1:10

Bëte angaâtə, më pü köbo ndə̂kə̂ mbo tchôtchô rə lə̂ la azü âdəndjë lə̂ la Ndjapä? Më pü köbo ndə̂kə̂ wa djîrə̂ lə̂ la azü? Âdə mê âpu köbo ndə̂kə̂ daka lə̂ la azü, dëkë mê kä wa bata tə̂ earə̂ kua ndə̂ Krîsiti tee-a.

Fïlîpe 2:21

Adɨ̂ azü gbɛ̂ dɨ̈ su andjê pâ arə ndə̂ andjê la tə̂ andjê, âdə̂âbo pâ arə ndə̂ Jezü Krîsiti-a.

Dokʉ̈ Tësälönîke 2:16

Andjë kïtə̂ köbo tə̂ ârâ ndə̂kə̂ mu pö Ndjapä sə̈ azü ndə̂ andjë wâbô wâtə̂ ajuîfu-î, pö ndə̂ âwâ ndə̂kə̂ tcha andjê lə̂ kuzü. Ajuîfu mbö rə̂ pä ngbongbo rə ndə̂ andjë mbo tchê rə̂ logbɛ̂ wa ëpânə̈ ëpânə̈. Praâbalë la tchêngbâ nə̈ gbɛ̂ mêrâ ndə̂ Ndjapä tê pâ andjê.