Dokʉ̈ Körɛ̂nte 10:32 - Mbëtï Ndjapä: TÄFO MADƗ̈

³² Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 10:32 Iomraidhean Croise

Abadjângele 20:28

La nyê gbö tə̂ kə̂ sə ndə̂ nyê, aɛ̈bro-ngbaga ndə̂ Kpɨ̂ki Yingö gbôtə̂ andjê tchânə̂ nyê lâme, nyë bäta andjê djîrə̂. Nyë bäta azü ndə̂ Egilîze ndə̂ Ndjapä yô andjê lə̂ köbosə̂ jï yê la tə̂ yê lâme.

Abadjângele 24:16

Tə̂ pö ndə̂nə̈ kä ndə̂ mëmê ndjë gbɛ̂ më sə̂ lakə̂ mbo rə̂ gbɛ̂ ndə̂kə̂ pa, logbɛ̂ më wabô wâ la ngâ ngbongbo rə lə̂kə̂ rɨ tchə̂lə̂ su mê lə̂ la Ndjapä ndjë lə̂ la azü-î.

Rômo 14:13

Azə̈ gbötə̂ kə̂ jende tə̂ azə̂ lə̂ gbâtə̂ azə̂-ê. Praâbalë rə ndə̂ nyë wâ ndə̂kə̂ nyïkrə rə̂ tə̂ su nyê kä âtə: Nyë kösə̂ kə̂ za täme lə̂ köbo ngâ nyê âdəndjë rə̂ ndə̂kə̂ mbo rə̂ pä tche te lə̂ ngbongbo rə-ê.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 10:33

Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Dokʉ̈ Körɛ̂nte 11:22

Nyë wâbo la anda ndə̂kə̂ zɨ rə ndjë lakə̂ ndjo rə bhâlə̂ nə̈? Âdəndjë rə̂ nyë sə̈ lakə̂ mo Egilîze ndə̂ Ndjapä mö? Nyë nyïndə̂ kə̂ mbo rə ganô tə̂ azü ndə̂ rə ndə̂ andjê wâbô wâ tâ lâme? Më âto rə̂ sə̈ nyê atöko? Äwäpä më gamba nyê? Ɛ̂n-ɛ̈n, më gâmbabô nyê pâ pö lâme-a.

Dokʉ̈ Körɛ̂nte 12:28

Ädə̈ käko ânyë azü ndə̂ Ndjapä kʉ̂ andjê lə̂ Egilîze tə̂ dokʉ̈ nə̈ də̈ abadjângele. Abïchuû nə̈ də̈ a-earə̂ ndə̂ma Ndjapä. Avötaâ azü nə̈ də̈ a-earə̂ kə̂ nyisə̂ rə, pânə̈ azü ndə̂ tche zâ gbôgbô sə̈ andjê ndə̂kə̂ mbo akpɨ̈ngbɨ̈ rə, pânə̈ azü ndə̂ tche zâ gbôgbô sə̈ andjê ndə̂kə̂ tcha a-earə̂ tə̂kömbô, azü ndə̂ tche zâ gbôgbô sə̈ andjê ndə̂kə̂ za könô sə̈ angâ andjê, azü ndə̂ tche zâ gbôgbô sə̈ andjê ndə̂kə̂ sə tə̂ küma angâ andjê, azü ndə̂ tche zâ gbôgbô sə̈ andjê ndə̂kə̂ to pö la ama gö ngbî ngbî ndə̂ andjë wûn-âbô sə̂nə̈ wûn-î.

Dokʉ̈ Körɛ̂nte 15:9

Bëte më wä kpîɛ̂kpîɛ̂ rə̂ tə̂ abadjângele gbɛ̂, më kʉ̂âbo ndjë sə̂nə̈ pä a e rə̂ tə̂ mê pä badjângele-a, bëte më mbö gbôgbô tə̂ Egilîze ndə̂ Ndjapä.

Dokʉ̈ Körɛ̂nte 7:17

Âdə andə̂ adɨ̂ azü nə̈, apö ndə̂ mê zama tə̂ pö ndə̂nə̈ kulə̂ a-Egilîze gbɛ̂ kä âtə: Äwäpä akrə balë balë ndəpo lə̂ köbo ndə̂ Gbölö Gbïɛ̈ zâ rə̂ sə̈ tchë. Äwäpä tche ndə̂po lə̂kə̂ sə ndə̂ yê dokʉ̈tchê tə̂ lo nə̈ ndə̂ Ndjapä ê tchë.

Dokʉ̈ Körɛ̂nte 8:13

Bëte rə̂ kä, âdə kɨ̈zɨ̂ kä ndə̂ âmbo rə̂ pä ngâ mê te, mê kä zɨ bata gûsû balë tee-a, ânyë ngâ mê teabô tê lə̂ köbosə̂ nə̈-ê.

Bïchuû Körɛ̂nte 1:1

Mëmê Pôlo, më wätə̂ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈. Mëmê la ngâ azə̂ Timotë kä ndə̂ âwân mbëtï âtə. Ârâ wän mbëtï âtə sə̈ Egilîze ndə̂ Ndjapä ndə̂ âwâ lə̂ gö ndə̂ Körɛ̂nte ndjë la azü ndə̂ Ndjapä gbɛ̂ ndə̂ andjë wâ lə̂ agö ndə̂ Akayï gbɛ̂.

Bïchuû Körɛ̂nte 6:3

Ârâ nyîâbo ndə̂kə̂ mbo rə̂ pä ngâ akrə te lə̂ köbosə̂ ârâ-a, ânyë azü toabô ngbongbo pö tô pâ kua ndə̂ ârâ-ê.

Gälâte 1:13

Bëte nyë djê pö pâ köbo kə̂ mbotə̂ mê ndə̂ gbô mê ndə̂po alême lakə̂ voga Ndjapä batə̂ rə̂ ndə̂ ajuîfu mbo rə̂. Nyë wûnsə̂ nə̈ nə̂ pä më mbö gbôgbô alême tə̂ gbölösə̂nə̈ tə̂ Egilîze ndə̂ Ndjapä, kə̈ pû köbo ndə̂kə̂ ndɨ rə̂.

Fïlîpe 1:10

ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Fïlîpe 3:6

Lə̂ köbosə̂ kə̂ mbo kua ndə̂ më zâ su mê gbɛ̂ ëtâ, më mbö arə gbôgbô tə̂ a-Egilîze. Âdə andə̂ pö ndə̂ ndïɛ̈ lakə̂ mbo rə djîrə̂ gundə̂sə̂ nə̈, ngâ akrə ndə̂ tche yi pö lə̂ küma mê bëte rə̂ wâbo-a.

Dokʉ̈ Tësälönîke 2:14

Käko arə̂mä, kə̂ mbo rə ndə̂ nyê wä batə̂ andə̂ azü ndə̂ a-Egilîze ndə̂ andjë sə̂ bhâ Judë, andjanə̈ ndə̂ andjë wâ balë la Jezü Krîsiti lâme, bëte nyë wün ndjë yûkü tchânə̂ azü gö ndə̂ nyê la tə̂ nyê batə̂ rə̂ ndə̂ azü ndə̂ a-Egilîze ndə̂ Judë wûn yûkü tchânə̂ ajuîfu.

Dokʉ̈ Timotë 3:15

Käko âdə më âwutuabô wûtu gasa-ê, mô wun-adje sə̂ köbo ndə̂ mo nə la rə̂ lə̂ gbâtə̂ azü ndə̂ Ndjapä, ndə̂ ânyîndə̂ kə̂ to rə̂ päkëdə̂: Egilîze ndə̂ Ndjapä ndə̂ tche wâ la tchîsûwu. Egilîze nə̈ kä ndə̂ âza gbôgbô la könô sə̈ lëge pö.

Dokʉ̈ Timotë 3:5

Âdə ngâ akrə âwun-abô wûnsə̂ kə̂ nyisə̂ köbo sə̈ azü lə̂ bûngrɨ̂ ndə̂ yê la tə̂ yê, tche âwun tchô pâ Egilîze ndə̂ Ndjapä tchïtchïnə̈ atöko?