Dokʉ̈ Körɛ̂nte 10:25 - Mbëtï Ndjapä: TÄFO MADƗ̈

²⁵ Rə gbɛ̂ ndə̂ a ka rə̂ lə̂ kâpä, nyë zɨ̈ rə̂ kə̂ yuabô kû pö pânə̈ yû-î, nyë rɨ̈äbô tchə̂lə̂ su nyê rɨ̂ pânə̈-ê.

Dokʉ̈ Körɛ̂nte 10:25 Iomraidhean Croise

Abadjângele 10:15

Tchə̂lə̂ gɨ̈ nə̈ kä tô rə̂ sə̈ tchë tə̂ bïchuû nə̈ päkëdə̂: «Rə ndə̂ Ndjapä mbô rə̂ pä äwatə̂ tchôtchô nə̈, âwâbo pä mo wun rə̂ tə̂ ngbongbo rə-a.»

Rômo 13:5

Bëte rə̂ kä, äwäpä nyë dje ma agbölö azü gö. Nyë mböäbô rə̂ mbô kütû ndə̂kə̂ kpe tə̂ mêrâ ndə̂ Ndjapä lâme-ê, praâbalë nyë mbö ndjë rə̂ bëte rə̂ ndə̂ nyë wûnsə̂ nə̈ bhâlə̂ kə̂ rɨ tchə̂lə̂ su nyê pä rə nə̈ wä lə̂ köbo nə̈.

Rômo 14:14

Lə̂ köbo ndə̂kə̂ wa balë la Gbölö Gbïɛ̈, ndə̂ më wâ balë la tchë lâme, më wûnsə̂ nə̈ nə̂ tə̂ lëge nə̈ pä ngâ rə balë ndə̂ âwâ la tə̂ yê tə̂ rə kâkpö balë wâbo-a. Praâbalë âdə ngâ akrə âwun ngâ rə batə̂ ngbongbo rə, rə nə̈ lâme wätə̂ ngbongbo rə kütû lə̂ la akrə nə̈ lâme.

Dokʉ̈ Körɛ̂nte 8:7

Praâbalë âdə̂âbo azü gbɛ̂ kä ndə̂ âwûnsə̂ nə̈-a. Angânə̈ sə̈ alême lakə̂ voga angakʉ̈lä. Ädə̈ käko ânyë gbô andjê sə̂ angêta lakə̂ zɨ gûsû ndə̂ a wâ rə̂ la ngela, kə̈ wûntî pä gûsû lâme, a wä rə̂ la ngela tə̂ lëge nə̈ sə̈ angakʉ̈lä. Kə̂ rɨ tchə̂lə̂ su andjê gêâbo-a, bëte andjë wün rə̂ pä anyë wâ nə̂ ngbo lə̂ köbosə̂ gûsû ndə̂ andjë zɨ̂ rə̂ lâme.

Dokʉ̈ Timotë 4:4

Bëte rə gbɛ̂ ndə̂ Ndjapä mbô rə̂ wätə̂ tchôtchô nə̈, ânyë ngâ rə balë ndə̂kə̂ pa a kosə̂ nə̈ wâbo-a. Äwä ndə̂kə̂ pa akrə zɨ rə̂ lakə̂ za ayîabâ sə̈ Ndjapä.

Tîte 1:15

Rə wätə̂ grôgrô nə̈ tchâtchu azü ndə̂ andjë wâ la grôgrô su. Praâbalë andə̂ andjanə̈ ndə̂ andjë wâ la kâkpö, ânyë kə̈ kôsə̂ kə̂ za su andjê sə̈ Krîsiti, ngâ rə ndə̂ âwâtə̂ grôgrô nə̈ lə̂ la andjê balë wâbo-a, praâbalë kə̂ wunsə̂ rə ndə̂ andjê lakə̂ rɨ tchə̂lə̂ su andjê wä la kâkpö.