Dokʉ̈ Körɛ̂nte 10:20 - Mbëtï Ndjapä: TÄFO MADƗ̈

²⁰ Ɛ̂n-ɛ̈n! Praâbalë ngela ndə̂ azü ndə̂ andjë wûn-âbô sə̂ Ndjapä wûn wâ rə̂ lâme, andjë wä rə̂ sə̈ angbongbo atchozö, âdə̂âbo Ndjapä-a. Dëkë, më nyîâbo ndə̂nə̈ pä nyë wa balë la angbongbo atchozö-a.

Dokʉ̈ Körɛ̂nte 10:20 Iomraidhean Croise

Matiyə̈ 4:9

kə̈ tô rə̂ sə̈ tchë päkëdə̂: «Âdə mo âgʉte tchâtchâ mê ânyë kə̈ vôga mê, mê kʉadje arə lâme gbɛ̂ sə̈ mö.»

Bïchuû Körɛ̂nte 4:4

Andə̂ andjanə̈ ndə̂ andjë kôsə̂ kə̂ za su andjê sə̈ Ndjapä, ndjapä ndə̂ tchêbêche gʉ̈ä kə̂ wunsə̂ rə ndə̂ andjê, ndə̂kə̂ pa andjë wun-abô ngbänga Tchôtchô Pö ndə̂ Krîsiti wûn-î, ndə̂ âdə̂ nyîsɨ̂ Ndjapä.

Gälâte 4:8

Dokʉ̈tchê alême nyë wûn-âbo sə̂ Ndjapä-a, kə̈ wâ alême tə̂ angbâa tchâtchâ andjapä ndə̂ andjë wâbô wâtə̂ alëge andjapä-ê.

Apökälîbïchi 2:14

Praâbalë angâ arə kä tâ ndə̂ më nyîndə̂ kə̂ gbɨtɨ tü zə̈ pânə̈: Angâ azü kä bhândə̂ zə̈ ndə̂ andjë zâ tchêngbâ Bälâme lakə̂ nyisə̂ rə ndə̂ yê. Bälâme zä wängö alême sə̈ Bälâke ndə̂kə̂ pa tche dro kû tə̂ abechë gö ndə̂ Isarayële lakə̂ zro andjê ndə̂kə̂ pa andjë zɨ gûsû ndə̂ a wâ rə̂ la ngela sə̈ angakʉ̈lä, ndjë ndə̂kə̂ gbotə̂ köbo lëge Ndjapä.

Apökälîbïchi 2:20

Praâbalë rə ndə̂ më nyîndə̂ kə̂ gbɨtɨ tü zə̈ pânə̈ də̈ rə̂ ndə̂: Mo gbötə̂ köbo sə̈ Jëzäbêle, ɛ̈chë lâme ndə̂ tche tô rə̂ pâ anyë sə̈ lakə̂ to ndə̂ma Ndjapä. Tche mbö rə̂ pä köbo yu tə̂ azü ndə̂ mê, kə̈ sə̂ lakə̂ nyïsə̂ köbo sə̈ andjê ndə̂kə̂ gbotə̂ köbo lëge Ndjapä, lakə̂ zɨ kɨ̈zɨ̂ ndə̂ a wâ rə̂ la ngela sə̈ angakʉ̈lä.

Apökälîbïchi 9:20

Âdə andə̂ adɨ̂ azü ndə̂ andjë tchûâbô tchû lə̂ köbosə̂ arə nyonyo lâme, andjë gbôâbo tə̂ köbo ndə̂kə̂ voga arə ndə̂ andjë mbô rə̂ la könô andjê-a. Gbô andjê kä lakə̂ voga angbongbo atchozö la angakʉ̈lä ndə̂ a mbô andjê la lôlo la wɛ̂n ndə̂ a mbô rə̂ la makətche la ngbêngbê wɛ̂n la täme ndjë la yö. Angakʉ̈lä lâme wûn-âbo tchô-a, kə̈ djêâbo ndjë pö-a, kə̈ nə̂âbo ndjë-a.