Dokʉ̈ Körɛ̂nte 10:18 - Mbëtï Ndjapä: TÄFO MADƗ̈

¹⁸ Nyë wün azü ndə̂ Isarayële, ndə̂ andjë zɨ̂ agia ndə̂ a wâ andjê la ngela pâ gbalâka, andjë wâbo balë la gbalâka nə̈?

Dokʉ̈ Körɛ̂nte 10:18 Iomraidhean Croise

Rômo 1:3

Tchôtchô Pö nə̈ tö pö pâ Modô ndə̂ yê batə̂ akrə, a zɨ̈ tchë pâ mawo ndə̂ gbïɛ̈ Davîdi.

Rômo 4:1

Käko azə̈ âto rə̂ atöko pâ Abrahâmo ndə̂ tche wâtə̂ âta azə̂? Giamâ kä ndə̂ tche gbô rə̂ lə̂ köbosə̂ kə̂ sə ndə̂ yê ndə̂ akrə?

Rômo 4:12

Tche wä ndjë tə̂ bha azü gbɛ̂ ndə̂ andjë wâ gasa, änyïndə̂ kə̂ to rə̂ pä andjë zâbo su andjê kütû pâ kə̂ wa gasa nə̈-a. Andjë mbö rə̂ lə̂ köbosə̂ kə̂ za su andjê sə̈ Ndjapä batə̂ bha azə̂ Abrahâmo: Tchetchë, tche zä su yê sə̈ Ndjapä dokʉ̈tchê ndə̂kə̂ pa tche wa gasa.

Dokʉ̈ Körɛ̂nte 9:13

Nyë wûn-âbo sə̂nə̈ pä azü ndə̂ andjë mbo kua lə̂ gbölö nda Ndjapä gbö kɨ̈zɨ̂ ndə̂ andjê lə̂ gbölö nda Ndjapä? Ânyë azü ndə̂ andjë wa ngela pâ gbalâka gbö ndjë andə̂ andjê tchâkalâ arə ndə̂ a kʉ̂ rə̂ ânyë kə̈ wâ rə̂ la ngela nə̈?

Gälâte 6:16

Azü gbɛ̂ ndə̂ andjë mbo rə gundə̂sə̂ apö lâme, më tö rə̂ päkëdə̂: Äfü pä Ndjapä za zɨtɨ su sə̈ andjê, kə̂ wun nyonyo andjê gbɛ̂, ndjë la azü gbɛ̂ ndə̂ andjë wâtə̂ alëge azü ndə̂ Ndjapä.

Aheborö 13:10

Azə̈ kä la ngâ gbalâka ndə̂ a zâbo köbo sə̈ a-earə̂ kə̂ wa ngela sə̈ Ndjapä ndə̂kə̂ zɨ kɨ̈zɨ̂ ndə̂ a kʉ̂ rə̂ la ngela pânə̈-a, andjanə̈ ndə̂ andjë mbo kua lə̂ ndokʉ̈ ndə̂ a takpa la Ndjapä lə̂nə̈ lâme-a.