Dokʉ̈ Körɛ̂nte 10:17 - Mbëtï Ndjapä: TÄFO MADƗ̈

¹⁷ Ndə̂ mâpa nə̈ wâ kütû balë lâme, azə̈ gbɛ̂ wätə̂ tə̂ akrə balë, bëte azə̈ gbɛ̂ zɨ̈ kütû mâpa balë lâme.

Dokʉ̈ Körɛ̂nte 10:17 Iomraidhean Croise

Rômo 12:5

Azəzə̂ ndjë gbɛ̂, azə̈ wä ndjë käko. Ndə̂ azə̈ ngbângbä lâme, azə̈ wä batə̂ tə̂ akrə balë lə̂ köbosə̂ nə̈ ndə̂ azə̈ wâ balë la Krîsiti. Azə̈ wä balë la angâ azə̂ lə̂ gbâtə̂ azə̂, ânyë akrə balë balë lə̂ kpâlâ yê, tche wä batə̂ atchâme-tə̂ akrə.

Dokʉ̈ Körɛ̂nte 10:21

Nyë wâbo ndə̂kə̂ ndjo rə lə̂ kangûchi ndə̂ Gbölö Gbïɛ̈ lə̂ köbo nə̈ balë la andə̂ angbongbo atchozö-a. Nyë wâbo ndə̂kə̂ zɨ kɨ̈zɨ̂ ndə̂ Gbölö Gbïɛ̈ lə̂ köbo nə̈ balë la andə̂ angbongbo atchozö-a.

Dokʉ̈ Körɛ̂nte 12:12

Käko tə̂ akrə wä balë, praâbalë atchâme-tə̂ akrə ngbângbä. Ndə̂ atchâme-tə̂ akrə gbɛ̂ ngbângbä lâme, ängbö gbɛ̂ kə̈ wâtə̂ tə̂ akrə balë. Rə nə̈ wä ndjë käko tə̂ pö ndə̂ Krîsiti.

Dokʉ̈ Körɛ̂nte 12:27

Dëkë nyënyê gbɛ̂ nyë wätə̂ tə̂ Krîsiti, nyënyê balë balë gbɛ̂ nyë wätə̂ atchâme-tə̂ yê.

Ëfêze 3:6

Pö lə̂ küwû nə̈ wä kâkë: Lə̂ köbosə̂ Tchôtchô Pö, azü ndə̂ andjë wâbô wâtə̂ ajuîfu wä ndjë ndə̂kə̂ gbo tchôtchô rə ndə̂ Ndjapä nyîkrə rə̂ bëte azü ndə̂ yê lâme lə̂ köbo nə̈ balë la ajuîfu. Andjë wä lə̂ tə̂ balë, kə̈ wâ ndjë tə̂ azü ndə̂ Ndjapä zâ bâlâ tə̂ andjê lə̂ köbosə̂ nə̈ ndə̂ andjë wâ balë la Jezü Krîsiti.

Ëfêze 4:16

Lə̂ köbosə̂ yê kä ndə̂ atchâme-tə̂ gbɛ̂ pâlatə̂ andjê kə̈ wâ balë. Andjë täkpa tə̂ andjê lə̂ köbosə̂ anë kʉ̂tê. Âdə tchâme-tə̂ akrə balë balë âsə lakə̂ mbo kua ndə̂ yê, kʉ̂tê nə̈ gbɛ̂ âge kə̂ nyikrətə̂ yê lə̂kə̂ nyində̂ ngâ.

Ëfêze 4:25

Bëte rə̂ kä, nyë gbötə̂ kə̂ mo yepa-ê: Äwäpä akrə balë balë to lëge pö sə̈ ngâ yê, bëte azə̈ gbɛ̂ wä batə̂ atchâme-tə̂ akrə balë.

Ëfêze 4:4

Azə̈ gbɛ̂ wätə̂ tə̂ balë ânyë Yingö wâ balë, äwä ndjë batə̂ rə̂ ndə̂ Ndjapä ê nyê ndə̂kə̂ pa nyë za su nyê pâ rə balë.

Kölôse 2:19

Azü käko wâbo ndə̂kə̂ pi ëtə̂ Krîsiti-a, ndə̂ tche wâ batə̂ küma akrə. Bëte küma akrə kä ndə̂ tə̂ akrə gbo rə gbɛ̂ ndə̂ tche nyîndə̂ nə̈, bëte tchë kä ndə̂ atâtäkpa sə̂ agbäbï la ambë palatə̂ andjê kə̂ wa balë, kə̂ kʉche batə̂ rə̂ ndə̂ Ndjapä nyîndə̂ nə̈.

Kölôse 3:11

Käko gerêke âdəndjë juîfu wâ bata-a, akrə ndə̂ tche wâ gasa âdəndjë akrə ndə̂ tche wâbô gasa wâ sə̂âbo-a. Akrə ndə̂ mawo ngbî, âdəndjë ngbɨ̈lə̈ akrə wâbo-a, ngbâa âdəndjë akrə ndə̂ tche wâbô wâtə̂ ngbâa kä wâ bata-a, praâbalë gbölö rə nə̈ də̈ rə̂ ndə̂ Krîsiti wâtə̂ rə gbɛ̂ ânyë kə̈ wâ bhâlə̂ su azü ndə̂ yê gbɛ̂.

Kölôse 3:15

Äwäpä zɨtɨ su ndə̂ âtô bhândə̂ Krîsiti nyisə̂ köbo sə̈ nyê lə̂ apö tə̂ su nyê! Tə̂ pö ndə̂ zɨtɨ su lâme kä ndə̂ Ndjapä ê nyê ndə̂kə̂ watə̂ tə̂ akrə balë. Nyë zä ayîabâ sə̈ Ndjapä.