Dokʉ̈ Körɛ̂nte 10:16 - Mbëtï Ndjapä: TÄFO MADƗ̈

¹⁶ Kangûchi ndə̂ tchôtchô pö ndə̂ azə̂ za ayîabâ pânə̈ ânyë kə̂ ndjo rə̂ lâme, âdə̂âbo rə̂ kä ndə̂ âmbo rə̂ pä azə̈ sə nyɛ̂ɛ̂ balë la Krîsiti lə̂ köbosə̂ jï yê lâme? Mâpa ndə̂ azə̈ tcho tchə̂lə̂ nə̈ lâme, âdə̂âbo rə̂ kä ndə̂ âmbo rə̂ pä azə̈ wa balë la Krîsiti lə̂ köbosə̂ tə̂ yê?

Dokʉ̈ Körɛ̂nte 10:16 Iomraidhean Croise

Lûke 22:17

Pânə̈ Jezü zâ kangûtchi vɛ̂n-ɛn, kə̈ zâ ayîabâ sə̈ Ndjapä, ânyë kə̈ tô rə̂ päkëdə̂: «Nyë zä kangûtchi vɛ̂n-ɛn âtə kə̂ ndjo rə̂ lə̂ gbâtə̂ nyê.

Abadjângele 2:42

Andjë zätə̂ andjê gbɛ̂ ndə̂kə̂ dje abadjângele lakə̂ nyisə̂ rə ndə̂ andjê logbɛ̂. Andjë mända rə, kə̂ sə balë, kə̂ zɨ rə balë, kə̂ to pö sə̈ Ndjapä.

Abadjângele 2:46

Logbɛ̂, andjë pälatə̂ andjê batə̂ akrə balë bhâlə̂ gbölö nda Ndjapä, andjë zɨ̈ rə sə̂nə̈ balë kulə̂ anda ndə̂ andjê, andjë zɨ̈ rə nə̈ la mômô ndjë la tchôtchô su.

Abadjângele 20:11

Pôlo kä kênga atə̂ lafô, kə̈ zâ mâpa kə̈ tchô tchə̂lə̂ nə̈ ânyë kə̈ zɨ̂ rə̂. Tche kâ tô pö kpâkpâkpâ ëtə̂ ma tchôkösô. Pânə̈ tche rô etə̂.

Abadjângele 20:7

La tchêngbâ lö mïndûu manə̈ balë la tchêndə̂gölo, ârâ pâlatə̂ ârâ ndə̂kə̂ zɨ mâpa bëte âdə tchô âkra, Pôlo âro me rö etə̂. Tche tô pö zoo âwûtu lə̂ agrʉ̂mi.

Dokʉ̈ Körɛ̂nte 1:9

Ndjapä mbö rə gundə̂sə̂ pö ma yê, tchetchë ndə̂ tche ê nyê ndə̂kə̂ pa nyë wa balë la Modô ndə̂ yê Jezü Krîsiti, Gbölö Gbïɛ̈ ndə̂ azə̂.

Dokʉ̈ Körɛ̂nte 10:15

Më tö pö sə̈ nyê batə̂ azü ndə̂ andjë wûnsə̂ rə. Nyënyê la tə̂ nyê, nyë wä ngbanga pâ pö ndə̂ më tô rə̂ lâme.

Dokʉ̈ Körɛ̂nte 12:13

Bëte azə̈ gbɛ̂ gbö batɛ̂me lə̂ köbosə̂ Yingö balë, ndə̂kə̂ watə̂ tə̂ akrə balë. Ajuîfu la azü ndə̂ andjë wâbô wâtə̂ ajuîfu, angbâa la azü ndə̂ andjë wâbô wâtə̂ angbâa, azü gbɛ̂ gbö kütû Yingö balë lâme.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.