Dokʉ̈ Körɛ̂nte 10:13 - Mbëtï Ndjapä: TÄFO MADƗ̈

¹³ Arə gbɛ̂ ndə̂ âvu tchê azü, ndə̂ âgbô nyê lâme, ädə̈ arə ndə̂ âgbô azü gbɛ̂. Ndjapä mbö arə gundə̂sə̂ pö ma yê, tche gbôâbo tə̂ nyê ndə̂kə̂ pa rə vu nyê âropâ gbôgbô ndə̂ nyê-a. Praâbalë âdə arə âvu nyê, Ndjapä zadje gbôgbô sə̈ nyê ndə̂kə̂ rʉatə̂ su nyê, kə̂ zadje ndjë köbo sə̈ nyê ndə̂kə̂ pa nyë wutu lə̂nə̈.

Dokʉ̈ Körɛ̂nte 10:13 Iomraidhean Croise

Matiyə̈ 6:13

Amö gboabô gbôtə̂ ârâ ndə̂kə̂ pa ârâ te lə̂ arə ndə̂ âbolo azü-î. Praâbalë amö ji ârâ tchânə̂ Ngbongbo akrə. [Bëte kümändëmä la gbôgbô lakə̂ lusə̂tə̂ də̈ andə̂ zə nə̈ ndə̂ logbɛ̂ logbɛ̂! Amin.›]

Lûke 11:4

Amö ko pö lə̂ küma ârâ, batə̂ rə̂ ndə̂ ârâ ko ndjë pö lə̂ küma azü ndə̂ andjë mbo ngbongbo rə tə̂ ârâ. Amö gboabô gbôtə̂ ârâ ndə̂kə̂ pa ârâ te lə̂ arə ndə̂ âbolo azü-î.›»

Lûke 16:26

Pâ arə lâme gbɛ̂, ngâ gbölö kudû ndə̂ tchə̂lə̂ nə̈ bû biî kä lə̂ gbâtə̂ nyê la ârâ. Käko azü dəndə̂ ârâ ndə̂ andjë nyîndə̂ kə̂ ro atə̂ndə̂ nyê, andjê gboabô köbo tee-a, ânyë andjanə̈ dəndə̂ nyê gboabô ndjë köbo ndə̂kə̂ wutu ëtə̂ ârâ-a.›

Lûke 22:46

Tche tô rə̂ sə̈ andjê päkëdə̂: «Bëte giamâ kä ndə̂ nyê lo kâkë? Nyë älafô kə̈ tô pö sə̈ Ndjapä, ânyë kə̂ teabô tê lə̂ rə ndə̂ âvu azü-î.»

Abadjângele 27:44

Adɨ̂ nə̈ zâ tchêngbâ andjê pâ andɨ̈gɨ̈ yö âdəndjë pâ andöma batöo nə̈. Ädə̈ käko ânyë andjë gbɛ̂ wûtu e sûwu la sə̂nə̈.

Dokʉ̈ Körɛ̂nte 1:9

Ndjapä mbö rə gundə̂sə̂ pö ma yê, tchetchë ndə̂ tche ê nyê ndə̂kə̂ pa nyë wa balë la Modô ndə̂ yê Jezü Krîsiti, Gbölö Gbïɛ̈ ndə̂ azə̂.

Bïchuû Körɛ̂nte 1:10

Tchetchë kä ndə̂ âjî ârâ lə̂ kuzü, tchê kä jiadje ârâ. Bëte rə̂ ndə̂ ârâ zâ su arâ pâ yê, tchê kä jiadje ârâ.

Dokʉ̈ Tësälönîke 5:24

Tchanə̈ ndə̂ tche ê nyê, tche mbö rə gundə̂sə̂ pö ma yê, tchetchë kä ndə̂ âmboadje rə lâme gbɛ̂.

Bïchuû Tësälönîke 3:3

Praâbalë Gbölö Gbïɛ̈ mbö rə gundə̂sə̂ pö ma yê, tchê mboadje rə̂ pä nyë kpokpo tə̂ nyê, kə̂ batadje nyê ânyë Ngbongbo akrə mboabô ngâ rə mbô tə̂ nyê-ê.

Bïchuû Timotë 4:18

Gbölö Gbïɛ̈ jiadje mê lə̂ angbongbo arə gbɛ̂, kə̂ tchadje mê bëte Gbölö gö-gbïɛ̈ ndə̂ yê ndə̂ âwâ bhâ lafô. Voga wätə̂ andə̂ ye nə̈ tə̂ logbɛ̂ logbɛ̂! Amin.

Aheborö 10:23

Äwäpä su azə̂ ndəpo pâ rə ndə̂ azə̈ krʉ̂ bëte rə̂ tchânə̂ Ndjapä, ndə̂ azə̈ mu pö ndə̂nə̈, bëte Ndjapä mbö rə gundə̂sə̂ bâlâ ndə̂ yê.

Aheborö 11:11

Lə̂ köbosə̂ kə̂ za su sə̈ Ndjapä, Sarä gbô rə lə̂ köbosə̂ nə̈ ndə̂ tche zɨ̂ bechë, ndə̂ ngû yê rô tə̂ gbölösə̂nə̈. Tche wünsə̂ nə̈ tə̂ lëge nə̈ pä âdə Ndjapä âza bâlâ tə̂ ngâ akrə, tche âbata pö ma yê.

Aheborö 12:4

Bëte kʉ̈ʉ̈ ndə̂ nyê mbô rə̂ la ngbongbo rə lâme, nyë rʉ̂âbo tə̂ su nyê dämba-a, ndə̂kə̂ mbo kʉ̈ʉ̈ nə̈ ndjoa ëtə̂ kuzü-a.

Aheborö 6:18

Käko kə̂ za bâlâ lakə̂ deba, arə bïchuû lâme tchə̂lə̂ nə̈ wâbo ndə̂kə̂ zu-a, ânyë lə̂ köbosə̂ nə̈ Ndjapä môâbo ndjë yepa-a. Käko azə̂ ndə̂ azə̈ gbôtə̂ arə gbɛ̂ ndə̂kə̂ krʉ bëte arə ndə̂ Ndjapä nyïkrə rə̂ ânyë su azə̂ wâ pânə̈, azə̈ gbö gbôgbô tə̂ su azə̂ tə̂ gbölösə̂nə̈ lə̂ köbosə̂ nə̈.

Dokʉ̈ Pîêre 4:19

Käko andjanə̈ ndə̂ andjë sə lakə̂ wun yûkü lə̂ köbosə̂ nə̈ ndə̂ su Ndjapä nyîndə̂ nə̈, äwäpä andjë ndəpo lakə̂ mbo dâkâ, kə̂ zatə̂ andjê gbɛ̂ sə̈ Ndjapä ndə̂ tche mbô arə gbɛ̂, tche mbö rə gundə̂sə̂ pö ma yê.

Bïchuû Pîêre 2:9

Käko Gbölö Gbïɛ̈ wä ndə̂kə̂ ji adjîrə̂ azü ndə̂ andjë zâtə̂ andjê gbɛ̂ sə̈ tchë ânyë kə̂ wun yûkü. Tche wä ndjë ndə̂kə̂ nyikrə sə̂ angbongbo azü ndə̂kə̂ pa tche mbo andjê la yûkü tə̂ lo kə̂ wa ngbanga.

Dokʉ̈ Jâan 1:9

Praâbalë âdə azə̂ ânyisə̂ angbongbo rə ndə̂ azə̂ ësûwu, Ndjapä wä djîrə̂, kə̈ mbô rə gundə̂sə̂ pö ma yê: Tchê koadje apö lə̂ küma azə̂, kə̂ jiadje azə̂ lə̂ angbongbo rə gbɛ̂.

Apökälîbïchi 19:11

Pânə̈ më wûn tchêlafô ndə̂ âkrô ânyë ngâ grôgrô mbâlâtâ wûtu. Tchanə̈ ndə̂ tche sə̂ pâ yê, rə̈ yê wü päkëdə̂: Djîrə̂ la Lëge pö, tche wä ngbanga, kə̈ mbô kʉ̈ʉ̈ lə̂ köbosə̂ djîrə̂ kə̂ wa ngbanga.

Apökälîbïchi 2:10

Âwâbo pä mo wa la wawa yûkü ndə̂ mô wun-adje rə̂ lâme-a. Amö djë pö âtə: Jâbolo vuadje nyê, kə̂ yiadje angâ azü lə̂ gbâtə̂ nyê lə̂ nda kânga. Nyê wun-adje yûkü lə̂ lö lə̂ könô gbɛ̂. Äwäpä mo mbo rə gundə̂sə̂ pö ma mê ndjoa ëtə̂ kuzü, ânyë mê zadje kurône ndə̂ tchîsûwu ndə̂ logbɛ̂ logbɛ̂ sə̈ mö.

Apökälîbïchi 3:10

Batə̂ rə̂ ndə̂ mo bâta pö ndə̂ mê lakə̂ rʉatə̂ su zə̈, mëmê ndjë gbɛ̂ më âbata mö lə̂ alö arə nyonyo ndə̂ ânə pâ cho gbɛ̂ ndə̂kə̂ nyoanyoa azü tchêbêche gbɛ̂.