Dokʉ̈ Körɛ̂nte 10:1 - Mbëtï Ndjapä: TÄFO MADƗ̈

¹ Arə̂mä, më nyïndə̂ nə̈ pä sə̂ pö ndə̂ arə ndə̂ âgbô araâta azə̂ alême te lə̂ nyê, ndə̂ andjë gbɛ̂ nə̂ alême tchâtchâ ndrö, ânyë kə̈ rô gbɛ̂ lə̂ gbölö ngbêngbê ngû.

Dokʉ̈ Körɛ̂nte 10:1 Iomraidhean Croise

Jâan 4:20

Araâta azə̂ vöga Ndjapä alême lə̂ küma aga âtə; praâbalë nyënyê ndə̂ ajuîfu, nyë tö rə̂ päkëdə̂: Sə̂ tchô ndə̂ a voga Ndjapä tâ wä kütû bhâ Jerûzalêmo.»

Rômo 1:13

Arə̂mä, më nyïndə̂ nə̈ pä nyë wunsə̂ nə̈ pä më nyïkrə rə̂ tə̂ su mê tə̂ngâlo ndə̂kə̂ e atə̂ndə̂ nyê. Praâbalë köbo mîɛ tə̂ mê zoo angêta. Më nyïndə̂ kə̂ wutu bhâye ndə̂kə̂ pa më mbo kua ndə̂kə̂ gbo azü bëte Krîsiti lə̂ gö ndə̂ nyê ndjë batə̂ rə̂ ndə̂ më gbô andjê lə̂ angâ agö ngbî.

Rômo 11:21

Tə̂ lëge nə̈, ndə̂ Ndjapä wâ alëge matö yö nə̈ lâme, momö ndə̂ zə nə̈ kä ndə̂ Ndjapä batadje mö?

Rômo 4:11

Dokʉ̈tchê ndə̂kə̂ pa tche wa gasa, Abrahâmo wä alême tə̂ djîrə̂ akrə bëte rə̂ ndə̂ tche zâ su yê sə̈ Ndjapä. Pânə̈ tche gbô ngâ nyîsɨ̂ rə ndə̂ âdə̂ gasa. Rə nə̈ lâme nyïsə̂ nə̈ pä Ndjapä wün tchë batə̂ djîrə̂ akrə bëte kə̂ za su yê sə̈ Ndjapä. Käko Abrahâmo wâ nə̂ tə̂ bha azü gbɛ̂ ndə̂ andjë zâ su andjê sə̈ Ndjapä âdəndjë rə̂ ndə̂ andjë wâbô gasa wâ-ê. Andjanə̈ lâme, Ndjapä wün andjê batə̂ adjîrə̂ azü.

Dokʉ̈ Körɛ̂nte 12:1

Âdə andə̂ arə ndə̂ Kpɨ̂ki Yingö kʉ rə̂ sə̈ azü, arə̂mä më nyïndə̂ nə̈ pä nyë wunsə̂ pö pânə̈ djîrə̂.

Dokʉ̈ Körɛ̂nte 14:38

Âdə ngâ akrə âwun-abô sə̂nə̈ wûn käko-ë, dëkë Ndjapä wûn-âbo ndjë sə̂ yê-a.

Gälâte 3:29

Âdə nyë âwatə̂ azü ndə̂ Krîsiti, dëkë nyë wätə̂ azü pâ mawo ndə̂ Abrahâmo. Nyë âgbo arə ndə̂ Ndjapä bâta rə̂ pra nyê gundə̂sə̂ kə̂ zâ bâlâ ndə̂ yê.

Aheborö 11:29

Lə̂ köbosə̂ kə̂ za su sə̈ Ndjapä, azü ndə̂ Isarayële zû gbölö ngbêngbê ngû ngbro, âwûntî pä andjë nə̈ pâ gbâkü cho. Praâbalë azü gö ndə̂ Ejîpiti nyîndə̂ kə̂ mbo rə̂ batə̂ andjê, kə̈ mîndi lə̂nə̈.