Dokʉ̈ Körɛ̂nte 1:6 - Mbëtï Ndjapä: TÄFO MADƗ̈

⁶ Dëkë apö ndə̂ nyë djê rə̂ pâ Krîsiti gbô tchô bhâtə̂ su nyê nə̂.

Dokʉ̈ Körɛ̂nte 1:6 Iomraidhean Croise

Mâreke 16:20

Âdə andə̂ adjisîpili nə̈, andjê âe katchôgbɛ̂ lakə̂ mu Tchôtchô Pö. Gbölö Gbïɛ̈ zâ gbôgbô sə̈ andjê ndə̂kə̂ mbo rə̂ pä pö Ndjapä watə̂ lëge pö, lə̂ köbosə̂ akpɨ̈ngbɨ̈ rə ndə̂ âza tchêngbâ akua ndə̂ andjê.]

Abadjângele 11:17

Käko Ndjapä kʉ̈ rə sə̈ andjê tiî batə̂ arə ndə̂ Yingö kʉ̂ rə̂ sə̈ azə̂, sə̂nə̈ ndə̂ azə̈ zâ su azə̂ sə̈ Gbölö Gbïɛ̈ Jezü Krîsiti lâme. Käko më də̈ tchabâ ndə̂kə̂ kitə̂ köbo tə̂ Ndjapä ndə̂kə̂ mbo rə ndə̂ tche nyîndə̂ kə̂ mbo rə̂?»

Abadjângele 11:21

Gbôgbô ndə̂ Gbölö Gbïɛ̈ kä la andjê, ârə̂ kä ndə̂ âmbô rə̂ pä angbängbä azü kâ pu Gbölö Gbïɛ̈ lakə̂ za su andjê sə̈ tchë.

Abadjângele 18:5

Ndə̂ Sïlâse la Timotë tô bhâ Mäsëdöâne âkə̈ wûtu, Pôlo zâtə̂ yê gbɛ̂ ndə̂kə̂ mu pö Ndjapä. Tche sə̈ lakə̂ nyisə̂ nə̈ kraâ sə̈ ajuîfu pä Jezü də̈ Krîsiti.

Abadjângele 20:21

Më ë ajuîfu la agerêke ndə̂kə̂ pa andjë gbotə̂ bəndɨ kə̂ mbo rə ndə̂ andjê, kə̂ ka pu Ndjapä ânyë kə̂ za su andjê gbɛ̂ sə̈ Gbölö Gbïɛ̈ ndə̂ azə̂ Jezü.

Abadjângele 20:24

Praâbalë më wün tchîsûwu ndə̂ mê batə̂ ngâ mbämbä rə lə̂ la mê. Rə ndə̂ mê pu köbo nə̈ wä ndə̂kə̂ pa më ka kua ndə̂ mê, kə̂ mbo rə gbɛ̂ ndə̂ Gbölö Gbïɛ̈ Jezü zâ rə̂ sə̈ mê ndə̂kə̂ mbo rə̂. Äwä ndə̂kə̂ mu Tchôtchô Pö ndə̂ ânə̂ lə̂ köbosə̂ tchôtchô su Ndjapä sə̈ azü.

Abadjângele 22:18

Më wûn Gbölö Gbïɛ̈ ânyë tche tô rə̂ sə̈ mê päkëdə̂: ‹Alafô kə̈ wûtu lə̂ gö ndə̂ Jerûzalêmo gasa-ê, bëte pö ndə̂ mo wûnsə̂ nə̈ pâ mê ânyë kə̈ sə̂ lakə̂ mu rə̂ sə̈ azü, andjê gambabô rə̂ tee-a.›

Abadjângele 23:11

Lə̂ bütchî la tchêngbânə̈, Gbölö Gbïɛ̈ krʉ̂ ndrotə̂ Pôlo ânyë kə̈ tô rə̂ sə̈ tchë päkëdə̂: «Kpokpo tə̂ zə̈-ê, amö nyisə̂ arə ndə̂ mo wûnsə̂ nə̈ pâ mê bhâ Jerûzalêmo, äwäpä mo mbo ndjë tâ käko bhâ Rômo.»

Abadjângele 28:23

Andjë djêtə̂ andjê la tchë pâ ngâ lö ndə̂kə̂ pa andjë ka gbotə̂ andjê. Andjë nə̂ bhândə̂ yê tə̂ lö nə̈ lâme kə̈ ngbâ tə̂ gbölösə̂nə̈. Pôlo vrô tchə̂lə̂ apö sə̈ andjê, âtô la mbatchâ ndjoa ëtə̂ tchêndə̂gölo. Tche nyîsə̂ rə ndə̂ tche wûnsə̂ nə̈ pâ Gbölö gö-gbïɛ̈ ndə̂ Ndjapä. Tche pü köbo gbɛ̂ ndə̂kə̂ pa andjë gamba pö ndə̂ Jezü, lə̂ köbosə̂ ndïɛ̈ ndə̂ Möyîze la mbëtï ndə̂ a-earə̂ ndə̂ma Ndjapä ndə̂ tche nyîsə̂ pö nə̈ lə̂nə̈ sə̈ andjê.

Rômo 15:19

ndjë lə̂ köbo gbôgbô ndə̂ akpɨ̈ngbɨ̈ rə la arə ndə̂ âropâ küma azü ndə̂ Yingö ndə̂ Ndjapä mbô rə̂. Käko ndə̂kə̂ to bhâ Jerûzalêmo ndjoa lə̂ gö ndə̂ Ilirï, më rö lakə̂ mu Tchôtchô Pö ndə̂ Krîsiti sə̈ azü.

Bïchuû Körɛ̂nte 12:12

Akua ndə̂ ânyîsə̂ nə̈ pä më wätə̂ badjângele mbô lə̂ gbâtə̂ nyê nə̂. Më rʉ̈ätə̂ su mê lə̂ arə gbɛ̂, ânyë lə̂ köbosə̂ kua nə̈, nyë wûn akpɨ̈ngbɨ̈ rə ngbî ngbî, la arə ndə̂ ârôpâ küma azü.

Gälâte 3:5

Ndjapä zä Yingö sə̈ nyê ânyë kə̈ mbô akpɨ̈ngbɨ̈ rə lə̂ gbâtə̂ nyê. Tche mbö arə nə̈ lâme bëte rə̂ ndə̂ nyë mbô rə gundə̂sə̂ ndïɛ̈ âdəndjë bëte rə̂ ndə̂ nyë djê Tchôtchô Pö ânyë kə̈ zâ su nyê pânə̈?

Bïchuû Tësälönîke 1:10

Lo nə̈ ndə̂ tche kangbâ yê, azü ndə̂ yê âvogadje tchë, azü ndə̂ andjë zâ su andjê sə̈ Krîsiti âwun-adje tchë la mômô. Nyënyê ndjë gbɛ̂ nyë âsə lə̂ gbâtə̂ azü nə̈ lâme bëte nyë gämba pö ndə̂ ârâ mû rə̂ sə̈ nyê.

Dokʉ̈ Timotë 2:6

Tche zätə̂ yê la kuzü ndə̂kə̂ yosə̂ azü gbɛ̂. Rə ndə̂ Krîsiti mbô rə̂ kä lâme ndə̂kə̂ nyisə̂ nə̈ pä Ndjapä nyïndə̂ kə̂ tcha azü gbɛ̂ lə̂ kuzü, tche mbö rə̂ gundə̂sə̂ lö nə̈ ndə̂ tche nyîkrə rə̂.

Bïchuû Timotë 1:8

Âwâbo pä mo mbo ganô ndə̂kə̂ to pö pâ Gbölö Gbïɛ̈ ndə̂ azə̂-a. Âwâbo pä mo mbo ganô mê, earə̂ kânga ndə̂ yê-a. Praâbalë amö gamba rə̂ ndə̂kə̂ wun yûkü la mê, bëte Tchôtchô Pö, lakə̂ za su zə̈ pâ gbôgbô ndə̂ Ndjapä.

Apökälîbïchi 1:2

Ädə̈ käko ânyë rə gbɛ̂ ndə̂ Jâan wûn rə̂ ânyë kə̈ djê rə̂, tche tö pö ndə̂nə̈ pä, tə̂ lëge nə̈ pö nə̈ wätə̂ pö ndə̂ Ndjapä, ânyë kə̈ wâ ndjë tə̂ lëge apö ndə̂ Jezü Krîsiti tô rə̂.

Apökälîbïchi 1:9

Mëmê Jâan, ngâ nyê, mëmê la nyê gbɛ̂ azə̈ kä lə̂ yûkü. Azə̈ rʉ̈ätə̂ su azə̂ lə̂ köbosə̂ nə̈ ndə̂ azə̈ wâ balë la Krîsiti bëte azə̈ wätə̂ azü ndə̂ Gbölö gö-gbïɛ̈ ndə̂ Ndjapä. A ë la mê atə̂lə̂ dälä ndə̂ Pätömôse bëte pö gbɛ̂ ndə̂ Ndjapä ndə̂ më djê rə̂, ânyë kə̈ mû rə̂, ndjë bëte alëge apö ndə̂ Jezü Krîsiti tô rə̂.

Apökälîbïchi 12:11

Praâbalë arə̂mâ ndə̂ azə̂ röpâ yê lə̂ köbosə̂ jï Ngbavö Ɛ̈bro-ngbaga, ndjë lə̂ köbosə̂ pö ndə̂ andjë wûnsə̂ nə̈ ânyë kə̈ mû rə̂, andjë wûn tchîsûwu ndə̂ andjê tə̂ mbämbä rə, kə̈ wâ tchêtchêtchê ndə̂kə̂ tchu.

Apökälîbïchi 12:17

Gbölö mêrâ mbô gia ndə̂ tche wâ batə̂ mbölëngä lâme tə̂ ɛ̈chë nə̈, ânyë tche ê ndə̂kə̂ mbo kʉ̈ʉ̈ la adɨ̂ azü pâ mawo ndə̂ yê, andjanə̈ ndə̂ andjë kpê wa andïɛ̈ ndə̂ Ndjapä, ânyë kə̈ wâtə̂ azü ndə̂ andjë wûnsə̂ pö pâ Jezü, ânyë kə̈ mû rə̂.

Apökälîbïchi 19:10

Käko më gʉ̂te tchâtchâ ânje nə̈ ndə̂kə̂ voga tchë, praâbalë tche tô rə̂ sə̈ mê päkëdə̂: «Amö mboabô rə mbô käko-ë! Më də̈ ngâ zə̈ earə̂ kua ndjë la angâ zə̈ ndə̂ andjë bâta alëge pö ndə̂ Jezü mû rə̂. Ndjapä kä ndə̂ mo wâ ndə̂kə̂ voga tchë!» Bëte alëge apö ndə̂ Jezü nyîsə̂ nə̈ kä ndə̂ âzâ gbôgbô sə̈ a-earə̂ ndə̂ma Ndjapä ndə̂kə̂ to ndə̂ma yê.

Apökälîbïchi 6:9

Ndə̂ Ngbavö Ɛ̈bro-ngbaga nə̈ âsə̈ on mïndûu mênde nə̈, më wûn avrö azü ndə̂ a wôn andjê bëte pö Ndjapä tchâtchâ gbalâka, ndə̂ andjë wûnsə̂ pö pâ Ndjapä ânyë kə̈ mû rə̂.