Dokʉ̈ Körɛ̂nte 1:5 - Mbëtï Ndjapä: TÄFO MADƗ̈

⁵ Bëte lə̂ köbosə̂ Krîsiti, Ndjapä kʉ̈ atchôtchô arə sə̈ nyê tə̂ gbölösə̂nə̈, atchôtchô arə tə̂ pö ndə̂ kə̂ to pö la andə̂ kə̂ wunsə̂ rə.

Dokʉ̈ Körɛ̂nte 1:5 Iomraidhean Croise

Abadjângele 2:4

Kpɨ̂ki Yingö sɨ̂ andjê gbɛ̂, ânyë andjë jêtə̂ kə̂ to pö la angâ ama gö ngbî ngbî batə̂ rə̂ ndə̂ Yingö nə̈ zâ rə̂ sə̈ andjê ndə̂kə̂ to rə̂.

Rômo 11:12

Bëte rə̂ ndə̂ ajuîfu kôsə̂ kə̂ dje pö ma Ndjapä, azü pâ cho âtə gbö atchôtchô rə tə̂ gbölösə̂nə̈. Lə̂ köbosə̂ kə̂ te ndə̂ andjê, azü ndə̂ andjë wâbô wâtə̂ ajuîfu gbö ndjë atchôtchô arə tə̂ gbölösə̂nə̈. Âdə rə nə̈ âwa käko, lo nə̈ ndə̂ ajuîfu ka gbɛ̂ pu Ndjapä, atchôtchô arə nə̈ kä roabô masə̂nə̈ tee?

Rômo 15:14

Arə̂mâ ndə̂ mê, më wünsə̂ nə̈ tə̂ lëge nə̈ bhâtə̂ su mê pä gʉgʉ kə̂ mbo tchôtchô rə sɨ̂sɨ̈ lə̂ su nyê; më wünsə̂ nə̈ pä nyë wünsə̂ rə lə̂ köbo nə̈ ânyë kə̈ wâ ndjë ndə̂kə̂ za wängö lə̂ gbâtə̂ nyê la angâ nyê.

Rômo 15:4

Apö gbɛ̂ ndə̂ a mbô rə̂ alême lə̂ Mbëtï Ndjapä, a mbö rə̂ ndə̂kə̂ pa azə̈ wunsə̂ rə lə̂ köbo nə̈. Käko kä ndə̂ Mbëtï Ndjapä zâ köbo sə̈ azə̂ ndə̂kə̂ rʉatə̂ su azə̂, ânyë azə̈ gbo gbôgbô tə̂ su azə̂ ndə̂kə̂ krʉ bëte rə ndə̂ Ndjapä tô pö ndə̂nə̈ lâme.

Dokʉ̈ Körɛ̂nte 12:10

Tche zä gbôgbô ndə̂kə̂ mbo akpɨ̈ngbɨ̈ rə sə̈ ngâ akrə, kə̈ zâ gbôgbô ndə̂kə̂ to ndə̂ma Ndjapä sə̈ ngânə̈, kə̈ zâ gbôgbô ndə̂kə̂ krʉ tchə̂lə̂ Kpɨ̂ki Yingö la angbongbo yingö sə̈ ngânə̈, kə̈ zâ gbôgbô ndə̂kə̂ to pö la ama gö ngbî ngbî sə̈ ngânə̈, ânyë kə̈ zâ gbôgbô sə̈ ngânə̈ ndə̂kə̂ to ndə̂ma pö ndə̂ ama gö ngbî ngbî lâme sə̈ angâ yê.

Dokʉ̈ Körɛ̂nte 12:8

Yingö zä pö ndə̂ küma ndə̂ âwa lanə̈ sə̈ ngâ akrə, kə̈ zâ gbôgbô sə̈ ngânə̈ ndə̂kə̂ to pö lə̂ köbosə̂ kə̂ wunsə̂ rə.

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Dokʉ̈ Körɛ̂nte 13:8

Kə̂ nyîndə̂ ngâ wä pïï etə̂. Kə̂ to ndə̂ma Ndjapä âkrʉadje, gbôgbô ndə̂ Yingö ndə̂kə̂ to pö la ama gö ngbî ngbî âkadje, kə̂ wunsə̂ rə âkrʉadje.

Dokʉ̈ Körɛ̂nte 14:26

Käko arə̂mä, azə̂ âmbo atöko? Âdə nyë âpalatə̂ nyê, ngânə̈ balë lə̂ gbâtə̂ nyê pä düwü, ngânə̈ nyisə̂ rə âdəndjë rə̂ ndə̂ tche to pö ndə̂ ngâ rə ndə̂ Ndjapä nyîsə̂ nə̈ sə̈ tchë, ngânə̈ to pö la ama gö ngbî ngbî, ânyë ngânə̈ to tchêngbâ pö nə̈ la ma gö ndə̂ azü nə̈. Rə gbɛ̂ ndə̂ nyê mbo rə̂, äwäpä rə nə̈ lâme kpokpo azü ndə̂ Egilîze.

Dokʉ̈ Körɛ̂nte 8:11

Käko lə̂ köbosə̂ kə̂ wunsə̂ rə ndə̂ zə̈, akrə ndə̂ Krîsiti ndə̂ tche kpôkpoabô tə̂ yê kpôkpo lâme tchuadje, tchetchë ndə̂ Krîsiti tchû bëte tchë lâme.

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Bïchuû Körɛ̂nte 6:10

Azü zä nyonyo tə̂ su ârâ, praâbalë ârâ wä la mômô logbɛ̂, azü wün ârâ batə̂ a-earə̂ yûkü dëkë ârâ mbö rə̂ pä angâ azü watə̂ a-earə̂ rə, azü wün ârâ batə̂ ambämbä azü, dëkë ârâ kä la rə gbɛ̂.

Bïchuû Körɛ̂nte 8:7

Ârâ wünsə̂ nə̈ pä nyë wä la arə tə̂ gbölösə̂nə̈: Kə̂ za su nyê sə̈ Ndjapä, kə̂ to pö lə̂ köbo nə̈, kə̂ wunsə̂ rə la gʉ ndə̂kə̂ mbo kua, lakə̂ nyində̂ ngâ ndə̂ ârâ nyîsə̂ nə̈ sə̈ nyê. Käko ârâ nyïndə̂ nə̈ pä nyë nyisə̂ nə̈ pä nyë kä la arə lə̂ köbosə̂ kə̂ kʉ arə ndə̂ nyê la tchôtchô su.

Bïchuû Körɛ̂nte 9:11

Tchê mboadje rə̂ pä nyë watə̂ a-earə̂ rə tə̂ gbölösə̂nə̈ logbɛ̂, ndə̂kə̂ pa nyë nyisə̂ kə̂ mbo rə ndə̂ nyê la tchôtchô su. Käko angbängbä azü za ayîabâ sə̈ Ndjapä bëte rə ndə̂ nyê kʉadje rə̂, ânyë ârâ kʉadje rə̂ sə̈ azü.

Ëfêze 1:17

Më yükû nə̈ sə̈ Ndjapä ndə̂ Gbölö Gbïɛ̈ ndə̂ azə̂ Jezü Krîsiti, Bha ndə̂ tche wâ gbölö, ndə̂kə̂ pa tche za Yingö ndə̂ küma ndə̂ âwa lanə̈ sə̈ nyê. Yingö nə̈ nyiadje sə̂ apö pâ Ndjapä sə̈ nyê, kə̂ mbo rə̂ pä nyë wunsə̂ yê tə̂ lëge nə̈.

Ëfêze 2:7

Käko Ndjapä mbö dâkâ tə̂ azə̂ lə̂ köbosə̂ Jezü Krîsiti, kə̈ nyîndə̂ kə̂ nyisə̂ tchôtchô rə ndə̂ ârô adɨ̂ nə̈ gbɛ̂ lə̂ köbosə̂ tchôtchô su yê lə̂ tchîsûwu ndə̂ ânə.

Ëfêze 3:8

Mëmê ndə̂ më wâtə̂ kpîɛ̂kpîɛ̂ akrə lə̂ gbâtə̂ akpîɛ̂kpîɛ̂ azü ndə̂ Ndjapä gbɛ̂, tche mbô tchôtchô su tə̂ mê ndə̂kə̂ mu pö batə̂ ngâ tchôtchô pö ndə̂ atchôtchô arə ndə̂ ârô masə̂nə̈ lə̂ Krîsiti sə̈ azü ndə̂ andjë wâbô wâtə̂ ajuîfu.

Ëfêze 6:19

Nyë tö ndjë pö sə̈ Ndjapä bëte mê ndə̂kə̂ pa tche za pö ndə̂ yê ëlə̂ ma mê ânyë mê muabô Tchôtchô Pö ndə̂ rə ndə̂ âwâ lə̂ küwû nə̈ mû la wa-ê.

Fïlîpe 1:9

Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Kölôse 2:3

Atchôtchô arə gbɛ̂ ndə̂ küma ndə̂ âwa lanə̈, lakə̂ wunsə̂ rə, Ndjapä kʉ̈ rə̂ wü lə̂ Krîsiti.

Kölôse 3:10

Nyë yû täfo kə̂ sə ndə̂ akrə nə̂, batə̂ akrə ndə̂ tche yu täfo lə̂ba. Ndjapä ndə̂ tche mbô nyê tə̂ atäfo azü, tchê mboadje rə̂ ndə̂kə̂ pa nyë wa logbɛ̂ batə̂ nyîsɨ̂ yê, käko ânyë nyê wünsə̂ yê djîrə̂.

Jâke 3:13

Ngâ akrə ndə̂ küma yê wâ lanə̈ ânyë kə̈ wûnsə̂ rə kädje lə̂ gbâtə̂ nyê? Äwäpä tche nyisə̂ nə̈ lə̂ köbosə̂ tchôtchô kə̂ mbo rə ndə̂ yê, lə̂ köbosə̂ akua ndə̂ yê ndə̂ tche mbo rə̂ nyima-ë, ndjë lə̂ köbosə̂ küma yê ndə̂ âwâ lanə̈.

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.