Dokʉ̈ Körɛ̂nte 1:4 - Mbëtï Ndjapä: TÄFO MADƗ̈

⁴ Logbɛ̂ më sə̈ lakə̂ za ayîabâ sə̈ Ndjapä tə̂ pö ndə̂ nyê, bëte tchôtchô su ndə̂ tche mbô rə̂ tə̂ nyê lə̂ köbosə̂ Jezü Krîsiti.

Dokʉ̈ Körɛ̂nte 1:4 Iomraidhean Croise

Matiyə̈ 19:11

Jezü tô rə̂ ndə̂nə̈ sə̈ andjê päkëdə̂: «Âdə̂âbo azü gbɛ̂ kä âkə̂ dje tchə̂lə̂ pö ndə̂ më tô rə̂ lâme-a, praâbalë kütû azü ndə̂ Ndjapä zâ köbo nə̈ sə̈ andjê ndə̂kə̂ dje tchə̂lə̂ nə̈.

Jâan 10:30

Mëmê la Bha mê, ârâ wä balë.»

Jâan 14:14

Âdə nyê âyukû ngâ rə la rə̈ mê, mê mboadje rə̂.»

Jâan 14:16

Mê yuadje Bha mê ndə̂kə̂ pa tche za ngâ akrə ngbî, tche za könô sə̈ nyê ânyë kə̂ sə ndrotə̂ nyê pïï etə̂.

Jâan 14:26

Praâbalë earə̂ kə̂ za könô sə̈ nyê, ndə̂ tche də̂ Kpɨ̂ki Yingö ndə̂ Bha wan-adje tchë la rə̈ mê, tchê nyiadje sə̂ arə gbɛ̂ sə̈ nyê, ânyë kə̂ mboadje rə̂ pä arə gbɛ̂ ndə̂ më nyîsə̂ nə̈ alême sə̈ nyê sə̂nə̈ te lə̂ nyê.

Jâan 15:26

«Tchanə̈ ndə̂ tche wâ ndə̂kə̂ za könô sə̈ nyê lâme, tchê nəadje. Tche də̈ Yingö ndə̂ tche to lëge pö ndə̂ tche tô bhândə̂ Bha mê ânyë kə̈ nə̂. Mê wan-adje tchë la rə̈ Bha mê sə̈ nyê, ânyë tchetchë kä ndə̂ âtoadje pö pâ mê sə̈ azü.

Abadjângele 11:23

Ndə̂ tche wûtu bhâye, tche wûn rə̂ ndə̂ Ndjapä mbô tchôtchô su tə̂ azü nə̈. Tche wâ la mômô, ânyë kə̈ zâ wängö sə̈ andjê ndə̂kə̂ pa andjë za su andjê gbɛ̂ lakə̂ sə kpô ngbâ Gbölö Gbïɛ̈ logbɛ̂.

Abadjângele 21:20

Ndə̂ andjë djê pö ndə̂ yê lâme, andjë vôga Ndjapä. Pânə̈ andjë tô rə̂ sə̈ Pôlo päkëdə̂: «Ngâ ârâ lə̂ Krîsiti, wunsaâ; ajuîfu sâke sâke zä su andjê sə̈ Krîsiti, praâbalë lə̂ gbâtə̂ andjê, angânə̈ zä su andjê gbɛ̂ ndə̂kə̂ bata ndïɛ̈ ndə̂ Möyîze.

Rômo 1:8

Dokʉ̈tchê, më zä ayîabâ sə̈ Ndjapä ndə̂ mê lə̂ köbosə̂ Jezü Krîsiti bëte nyê gbɛ̂, bëte rə̂ ndə̂ azü tchêbêche gbɛ̂ kä lakə̂ to pö ndə̂kə̂ za su nyê ndə̂ nyë zâ rə̂ sə̈ Jezü Krîsiti.

Rômo 6:17

Azə̈ zä ayîabâ sə̈ Ndjapä bëte dokʉ̈tchê alême, nyë wätə̂ angbâa ndə̂ ngbongbo rə. Angaâtə, nyë gâmba rə̂ nə̂ la su nyê gbɛ̂ la lëge pö ndə̂ a nyîsə̂ nə̈ sə̈ azü gbɛ̂ ânyë nyë djê rə̂ lâme.

Dokʉ̈ Körɛ̂nte 1:3

Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Dokʉ̈ Timotë 1:14

Tə̂ lëge nə̈, tchôtchô su ndə̂ Gbölö Gbïɛ̈ ndə̂ azə̂ röpâ nə̈ bëte mê, ndjë lakə̂ nyində̂ ngâ, lakə̂ za su sə̈ Ndjapä ndə̂ tche kʉ̂ rə̂ sə̈ mê lə̂ köbosə̂ nə̈ ndə̂ më wâ balë la Jezü Krîsiti.