Dokʉ̈ Körɛ̂nte 1:30 - Mbëtï Ndjapä: TÄFO MADƗ̈

³⁰ Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 1:30 Iomraidhean Croise

Matiyə̈ 1:21

Tchê zɨadje bechë tə̂ köchë. Mô zadje rə̈ yê pä Jezü, bëte tchetchë kä âkə̂ tchadje azü ndə̂ yê lə̂ ngbongbo rə.»

Lûke 11:49

Bëte rə̂ kä, lə̂ köbosə̂ nə̈ ndə̂ küma Ndjapä ndə̂ âwâ lanə̈, tche tô rə̂ päkëdə̂: ‹Mê wan-adje a-earə̂ ndə̂ma Ndjapä la abadjângele, andjê won-adje angânə̈ lə̂ gûtə̂ andjê, kə̂ mboadje angânə̈ la yûkü.›

Lûke 21:15

Bëte mëmê la tə̂ mê, mê zadje pö sə̈ nyê ndə̂kə̂ to rə̂, kə̂ mbo rə̂ pä küma nyê wa lanə̈. Apö lâme, azü ndə̂ andjë kôsə̂ nyê wâbo ndə̂kə̂ to ndjë ngâ pö ngbî ndə̂nə̈, âdəndjë ndə̂kə̂ kosə̂ nə̈-a.

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 17:26

Më mbô rə̂ nə̂ pä andjë wunsə̂ rə̈ zə̈. Mê kä mboadje rə̂ pä andjë wunsə̂ rə̈ zə̈, käko ânyë kə̂ nyində̂ ngâ ndə̂ mo nyîndə̂ mê la rə̂ lâme, äwa lə̂ andjê, käko ânyë mê wa balë la andjê.»

Jâan 17:8

Bëte apö gbɛ̂ ndə̂ mo kʉ̂ rə̂ sə̈ mê lâme, më kʉ̂ rə̂ sə̈ andjê nə̂, andjë gbô rə̂ nə̂. Andjë wûnsə̂ nə̈ tə̂ lëge nə̈ nə̂ pä më tö bhândə̂ zə̈, ânyë andjë gâmba rə̂ nə̂ pä momö kä ndə̂ âwân mê.

Jâan 8:12

Jezü kâ tô rə̂ sə̈ kpûlû azü lâme päkëdə̂: «Më wätə̂ ngbänga ndə̂ tchêbêche âtə. Akrə ndə̂ tche zâ tchêngbâ mê, tchê nə bata lə̂ bübü tchô balë tee-a, praâbalë tchê gboadje ngbänga ndə̂ âza tchîsûwu sə̈ tchë.»

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Rômo 1:17

Tchôtchô Pö nə̈ nyïsə̂ rə ndə̂ Ndjapä mbô rə̂ ânyë azü wa djîrə̂ tchâtchu yê. Äwäpä azü za kütû su andjê sə̈ Jezü. Ngâ köbo dəkêlê nə̈ wâbo-a. Äwä batə̂ rə̂ ndə̂ a mbô rə̂ lə̂ Mbëtï Ndjapä päkëdə̂: «Djîrə̂ akrə wadje la tchîsûwu lə̂ köbosə̂ kə̂ za su yê sə̈ Gbölö Gbïɛ̈.»

Rômo 11:36

Rə gbɛ̂ tö bhândə̂ Ndjapä, rə gbɛ̂ wä lə̂ köbosə̂ yê, rə gbɛ̂ wä bëte tchë. Azə̈ vöga tchë logbɛ̂ logbɛ̂! Amin.

Rômo 12:5

Azəzə̂ ndjë gbɛ̂, azə̈ wä ndjë käko. Ndə̂ azə̈ ngbângbä lâme, azə̈ wä batə̂ tə̂ akrə balë lə̂ köbosə̂ nə̈ ndə̂ azə̈ wâ balë la Krîsiti. Azə̈ wä balë la angâ azə̂ lə̂ gbâtə̂ azə̂, ânyë akrə balë balë lə̂ kpâlâ yê, tche wä batə̂ atchâme-tə̂ akrə.

Rômo 16:11

Nyë pö ndə̂ Herodiön sə̈ mê, ndə̂ tche də̂ akrə bhândə̂ mê. Nyë pö ndə̂ azü nda ndə̂ Näräsîsi sə̈ mê, andjê ndə̂ andjë wâ balë la Gbölö Gbïɛ̈.

Rômo 16:7

Nyë pö ndə̂ Andörönïkûsu la Jünïâse sə̈ mê. Andjë wätə̂ azü bhândə̂ mê ndə̂ ârâ la andjê sə̂ alême lə̂ nda kânga. Andjë wätə̂ abadjângele ndə̂ Krîsiti ndə̂ azü wûnsə̂ andjê tə̂ gbölösə̂nə̈. Andjë wätə̂ azü ndə̂ andjë zâtə̂ andjê sə̈ Krîsiti dokʉ̈tchê tə̂ mê.

Rômo 4:25

Bëte ngbongbo rə ndə̂ azə̂ kä ndə̂ Ndjapä gbôtə̂ yê tchânə̂ azü ânyë andjë wôn tchë. Tche jö lə̂ kuzü ndə̂kə̂ mbo rə̂ ânyë azə̈ watə̂ adjîrə̂ azü lə̂ la Ndjapä.

Rômo 4:6

Bëte rə̂ kä ndə̂ Davîdi tô pö pâ tchôtchô kə̂ sə ndə̂ akrə ndə̂ Ndjapä wûn tchë batə̂ djîrə̂ akrə dëkë akrə nə̈ mbôâbo ndjë tchôtchô rə-a. Davîdi tö rə̂ päkëdə̂:

Rômo 5:19

Lə̂ köbosə̂ kə̂ kosə̂ pö ndə̂ akrə balë kä ndə̂ angbängbä azü wâtə̂ a-earə̂ ngbongbo rə. Ndjë, lə̂ köbosə̂ kə̂ dje pö ndə̂ akrə balë kä ndə̂ angbängbä azü wâ djîrə̂ lə̂ la Ndjapä.

Rômo 5:21

Dokʉ̈tchê alême, ngbongbo rə wä la kümändëmä ndə̂kə̂ won azü. Käko ndjë, tchôtchô su ndə̂ Ndjapä wä angaâtə la kümändëmä ndə̂kə̂ mbo rə̂ ânyë azü wa djîrə̂. Käko azə̈ wä la tchîsûwu ndə̂ logbɛ̂ logbɛ̂ lə̂ köbosə̂ Jezü Krîsiti, Gbölö Gbïɛ̈ ndə̂ azə̂.

Rômo 8:1

Angaâtə, azü ndə̂ andjë wâ balë la Jezü Krîsiti, ngâ pö balë kä wâ bata lə̂ küma andjê-a.

Rômo 8:23

Âdə̂âbo kütû arə pâ cho âtə balë kä ndə̂ âdɨ tchə̂lə̂ ma andjê-a. Azəzə̂ ndə̂ azə̈ gbô Yingö batə̂ dokʉ̈ tchôtchô rə ndə̂ Ndjapä zâ rə̂ sə̈ azə̂, azə̈ dɨ̈ ndjë tchə̂lə̂ ma azə̂ lə̂ su azə̂. Azə̈ sə̈ bëte Ndjapä ndə̂kə̂ pa tche kʉ azə̈ ndə̂kə̂ watə̂ abechë ndə̂ yê ânyë kə̂ ji azə̂ tchâtchâ ngbâa, azə̂ la tə̂ azə̂ gbɛ̂.

Rômo 8:9

Praâbalë âdə andə̂ nye nə̈, nyë kä mbôâbo rə gundə̂sə̂ angbongbo gʉ su nyê-a, ânyë kə̂ mbo rə gundə̂sə̂ rə ndə̂ Yingö nyîndə̂ nə̈, bëte Yingö ndə̂ Ndjapä sə̈ lə̂ su nyê. Âdə akrə âwabô wâ la Yingö ndə̂ Krîsiti-î, dëkë tche wâbo tə̂ akrə ndə̂ Krîsiti-a.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 1:24

Praâbalë andə̂ andjanə̈ ndə̂ Ndjapä ê andjê, ajuîfu la azü ndə̂ andjë wâbô wâtə̂ juîfu, Krîsiti wätə̂ gbôgbô ndə̂ Ndjapä, kə̈ wâtə̂ küma Ndjapä ndə̂ âwâ lanə̈.

Dokʉ̈ Körɛ̂nte 12:18

Praâbalë Ndjapä nyïkrə atchâme-tə̂ akrə balë balë ëtə̂ tə̂ akrə batə̂ rə̂ ndə̂ su yê nyîndə̂ nə̈.

Dokʉ̈ Körɛ̂nte 12:27

Dëkë nyënyê gbɛ̂ nyë wätə̂ tə̂ Krîsiti, nyënyê balë balë gbɛ̂ nyë wätə̂ atchâme-tə̂ yê.

Dokʉ̈ Körɛ̂nte 12:8

Yingö zä pö ndə̂ küma ndə̂ âwa lanə̈ sə̈ ngâ akrə, kə̈ zâ gbôgbô sə̈ ngânə̈ ndə̂kə̂ to pö lə̂ köbosə̂ kə̂ wunsə̂ rə.

Dokʉ̈ Körɛ̂nte 4:15

Bëte âdə azü sâke lə̂ könô gbɛ̂ kä ndə̂ ânyîsə̂ köbo ndə̂kə̂ wa balë la Krîsiti sə̈ nyê, arabha nyê ngbâbo ngbä-a: Mëmê kä ndə̂ âzɨ̂ nyê lə̂ köbosə̂ nə̈ ndə̂ më mû Tchôtchô Pö sə̈ nyê ânyë nyë wâ balë la Jezü Krîsiti.

Dokʉ̈ Körɛ̂nte 6:11

Angâ azü lə̂ gbâtə̂ nyê wä alême käko. Praâbalë Ndjapä kô pö lə̂ küma nyê nə̂, kə̈ kʉ̂ nyê ngbî ânyë nyë dâka gbɛ̂ bëte tchë, kə̈ mbô rə̂ pä nyë wa djîrə̂ lə̂ la yê la rə̈ Gbölö Gbïɛ̈ Jezü Krîsiti ndjë la Kpɨ̂ki Yingö ndə̂ azə̂.

Bïchuû Körɛ̂nte 12:2

Më wünsə̂ ngâ akrə ndə̂ Krîsiti, âmbô rə̂ nə̂ ngû lə̂ könô gbɛ̂ tchêpâ nə̈ voanə̈ ndə̂ Ndjapä zâ tchë, kə̈ kênga la tchë bhâlə̂ vötaâ tchêlafô, tche rö la tchë la ndundu tə̂ yê? Më wûn-âbo sə̂nə̈-a, âdəndjë rə̂ tche wütu lə̂nə̈ ânyë Ndjapä rô la tchë? Më wûn-âbo sə̂nə̈-a, Ndjapä balë kä ndə̂ âwûnsə̂ nə̈.

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Gälâte 1:4

Gbölö Gbïɛ̈ Jezü yösə̂ tə̂ yê la tə̂ yê ndə̂kə̂ ji azə̂ lə̂ angbongbo arə ndə̂ tchîsûwu âtə batə̂ rə̂ ndə̂ su Ndjapä Bha azə̂ nyîndə̂ nə̈.

Gälâte 3:13

Krîsiti yösə̂ azə̂ ndə̂kə̂ ji azə̂ tchâtchâ ngbongbo pö ndə̂ ndïɛ̈, lə̂ köbosə̂ nə̈ ndə̂ tche zâ ngbongbo pö nə̈ ëpâ yê bëte azə̂. Mbëtï Ndjapä tö rə̂ päkëdə̂: «Ngbongbo pö kä lə̂ küma akrə ndə̂ a î tchë tə̂ yö lafô.»

Ëfêze 1:10

Rə ndə̂ tche nyîkrə rə̂ bhâtə̂ su yê lâme, wä ndə̂kə̂ pa âdə lo nə̈ âta tâ, tche pala arə gbɛ̂ ndə̂ âwâ bhâ lafô la anə̈ ndə̂ âwâ bêche tchâtchâ makündji balë ndə̂ tche də̂ Krîsiti.

Ëfêze 1:14

Kpɨ̂ki Yingö nə̈ də̈ dokʉ̈ tchâkalâ tchôtchô rə ndə̂ azə̈ gboadje rə̂ tchânə̂ Ndjapä. Azə̂ gboadje rə̂ gbɛ̂ tə̂ lo nə̈ ndə̂ a ji azə̂ lə̂ ngbongbo rə tratralë. Azə̈ vöga Ndjapä ndə̂ tche wâ gbölö.

Ëfêze 1:7

Lə̂ köbosə̂ nə̈ ndə̂ azə̈ wâ balë la Krîsiti, a jï azə̂ lə̂ ngbongbo rə lə̂ köbosə̂ jï yê, kə̈ kô pö lə̂ küma azə̂, lə̂ köbosə̂ tchôtchô rə ndə̂ tchôtchô su yê.

Ëfêze 2:10

Bëte Ndjapä kä ndə̂ âmbô azə̂, a mbö azə̂ lə̂ köbosə̂ kə̂ wa balë ndə̂ azə̂ la Jezü Krîsiti, ndə̂kə̂ pa azə̈ mbo atchôtchô arə ndə̂ tche nyikrə rə̂ dokʉ̈tchê ndə̂kə̂ pa azə̈ mbo rə̂.

Ëfêze 4:30

Nyë zäbô nyonyo zâ sə̈ Kpɨ̂ki Yingö-ê, bëte lə̂ köbosə̂ Yingö nə̈ lâme, Ndjapä mbö ngâ sɨ̂nyî rə tə̂ nyê bëte lö kə̂ ji nyê lə̂ ngbongbo rə tratralë-ê.

Ëfêze 5:26

Ndə̂kə̂ pa Egilîze nə̈ wa ngbî kə̂ daka gbɛ̂, tche djutu rə̂ la ngû lə̂ köbosə̂ pö ndə̂ yê. Rə ndə̂ tche nyîndə̂ nə̈ kä lâme.

Fïlîpe 3:9

ânyë mëmê la tchë, ârâ wa balë. Më kä wâbo ndə̂kə̂ kä bhi gogo mê lə̂ köbosə̂ kə̂ wa djîrə̂ lə̂ köbosə̂ ndïɛ̈-a. Praâbalë më wä balë la Krîsiti bëte rə̂ ndə̂ më zâ su mê sə̈ Krîsiti. Ndjapä kä âkə̂ mbo rə̂ pä akrə wa djîrə̂ lə̂ köbosə̂ kə̂ za yê su sə̈ tchë.

Kölôse 1:14

Lə̂ köbosə̂ Modô ndə̂ yê, tche jï azə̂ lə̂ angbongbo rə, kə̈ kô pö lə̂ küma azə̂ gbɛ̂.

Kölôse 3:16

Äwäpä Tchôtchô Pö ndə̂ Krîsiti ndə̂ atchôtchô arə sɨ̂sɨ̈ lə̂nə̈ wa lə̂ tchîsûwu ndə̂ nyê. Nyë nyisə̂ rə, kə̂ to tchôtchô pö sə̈ angâ nyê lə̂ gbâtə̂ nyê, lə̂ köbosə̂ küma ndə̂ âwâ lanə̈ gbɛ̂. Nyë pä düwü sə̈ Ndjapä la su nyê gbɛ̂ ndə̂kə̂ za ayîabâ sə̈ tchë, nyë pä adüwü ndə̂ Mbëtï Ndjapä, adüwü ndə̂kə̂ dɨ tchə̂lə̂ ma sə̈ Ndjapä, ndə̂ Yingö kʉ rə̂ sə̈ nyê.

Dokʉ̈ Tësälönîke 5:23

Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 9:12

Ndə̂ Krîsiti lî sûsunə̈ balë tratralë bhâlə̂ nda ndə̂ a mbô rə̂ la lə̂ba ndə̂ âwâ ngbî ânyë kə̈ dâka gbɛ̂ bëte Ndjapä, tche zâbo jï akökö aɛ̈bro la angbavö abâgala-a, tche zä jï yê la tə̂ yê la ngela ndə̂kə̂ ji azə̂ tratralë lə̂ angbongbo rə ndə̂ azə̂.

Jâke 1:5

Âdə ngâ akrə ndə̂ küma yê wâbô wâ lanə̈ âwa lə̂ gbâtə̂ nyê, äwäpä tche yukû nə̈ tchânə̂ Ndjapä, ndə̂ tche kʉ rə sə̈ azü gbɛ̂ la tchôtchô su, tchê zadje rə̂ sə̈ tchë, kə̂ yuabô ma akrə nə̈ pânə̈ tee-a.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Dokʉ̈ Jâan 5:6

Jezü Krîsiti nə̈ pu azə̂ lə̂ köbosə̂ ngû ndə̂ batɛ̂me ndə̂ yê, ndjë la jï kuzü yê. Tche nə̂âbo kütû lə̂ köbosə̂ ngû-a, praâbalë tche nə̈ lə̂ köbosə̂ ngû la jï, ânyë Kpɨ̂ki Yingö tô pö ndə̂nə̈ pä äwätə̂ lëge nə̈, bëte Yingö wätə̂ lëge pö.

Apökälîbïchi 14:4

Andjë də̈ azü ndə̂ andjë ndɨ̂âbô tə̂ andjê ndɨ̂ lə̂ köbosə̂ kə̂ pu aɛ̈chë-ê, andjë bäta tə̂ andjê ngbî. Andjë zä tchêngbâ Ngbavö Ɛ̈bro-ngbaga kusə̂ tchô gbɛ̂ ndə̂ tche e tâ. A tchä andjê lə̂ gbâtə̂ azü ndə̂kə̂ pa a kʉ andjê dokʉ̈tchê sə̈ Ndjapä ndjë sə̈ Ngbavö Ɛ̈bro-ngbaga.

Apökälîbïchi 5:9

Andjë sə̈ lakə̂ pa ngâ täfo düwü päkëdə̂: «Mo kʉ̈sə̂ kə̂ za mbëtï nə̈ kə̂ on mênde nə̈ bëte a wôn mö alême nə̂. Mo yösə̂ azü sə̈ Ndjapä lə̂ köbosə̂ jï zə̈, azü nə̈ ndə̂ mo yôsə̂ andjê lâme də̈ azü pâ amawo gbɛ̂, ama gö gbɛ̂, azü gö gbɛ̂ la azü ndə̂ agö ngbî.