Dokʉ̈ Körɛ̂nte 1:28 - Mbëtï Ndjapä: TÄFO MADƗ̈

²⁸ Rə ndə̂ azü pâ cho âtə wûn rə̂ batə̂ kpîɛ̂kpîɛ̂ rə, batə̂ rə ndə̂ akrə kosə̂ nə̈, batə̂ mbämbä rə, Ndjapä dɨ̈ rə̂ ndə̂kə̂ ndɨ tchə̂lə̂ rə ndə̂ azü wûn rə̂ batə̂ ngâ gbölö rə lə̂ la andjê.

Dokʉ̈ Körɛ̂nte 1:28 Iomraidhean Croise

Rômo 4:17

Tə̂ lëge nə̈, Mbëtï Ndjapä tö rə̂ päkëdə̂: «Më zä mö ndə̂kə̂ pa mo watə̂ bha angbängbä azü.» Abrahâmo zä su yê sə̈ Ndjapä ndə̂ tche za tʉ̈rʉ̂ la sə̈ azü ndə̂ andjë tchû ânyë kütû lə̂ köbosə̂ pö ma yê, rə ndə̂ âwâbô wâ, tche mbö rə̂ ânyë rə nə̈ wâ. Lə̂ la yê, Abrahâmo wätə̂ bha azə̈.

Dokʉ̈ Körɛ̂nte 1:20

Akrə ndə̂ küma yê wâ lanə̈ sə̈ bhâ tchêbâ? Earə̂ kə̂ nyisə̂ ndïɛ̈ sə̈ bhâ tchêbâ? Earə̂ kə̂ to pö la köbo nə̈ ndə̂ tchô angêta sə̈ bhâ tchêbâ? Ndjapä mbôâbo rə̂ pä küma azü ndə̂ âwâ lanə̈ pâ cho âtə watə̂ nyî?

Dokʉ̈ Körɛ̂nte 2:6

Dëkë, ârâ nyïsə̂ köbo ndə̂ küma akrə wa lanə̈ sə̈ azü ndə̂ Krîsiti ndə̂ andjë dû lə̂kə̂ za su andjê sə̈ Ndjapä. Küma ndə̂ âwa lanə̈ lâme tôâbo pâ cho âtə-a, kə̈ tôâbo ndjë tə̂ a-earə̂ kümändëmä ndə̂ andjë wâ la gbôgbô pâ cho âtə-a. Arə lâme gbɛ̂ wä ndə̂kə̂ ndɨ̂ndɨ̈.

Bïchuû Körɛ̂nte 12:11

Më wä batə̂ earə̂ nyî! Nyënyê kä ndə̂ âmbô rə̂ pä më wa käko. Nyënyê âme kä ndə̂ âwâ ndə̂kə̂ to tchôtchô pö pâ mê. Âdə më âwabô wâtə̂ ngâ rə-ê, agbögbölö abadjângele ndə̂ nyê lâme rôâbo mê la ngâ rə balë-a.

Bïchuû Tësälönîke 2:8

Käko Ngbongbo akrə lâme âmadje tə̂ yê, Gbölö Gbïɛ̈ Jezü won-adje tchë lə̂ köbosə̂ yi tchə̂lə̂ ma yê. Tchê ndɨadje Ngbongbo akrə lâme lə̂ köbosə̂ sɨ̂nyî ndə̂kə̂ ka ndə̂ yê.

Aheborö 2:14

Bëte rə̂ ndə̂ abechë nə̈ lâme wâ la tə̂ akrə la jï akrə balë, Jezü la tə̂ yê dötə̂ yê kə̈ wâ ndjë batə̂ andjê, ânyë kə̈ zâ tə̂ akrə. Käko lə̂ köbosə̂ kuzü ndə̂ yê, tche ndɨ̂ gbôgbô ndə̂ Jâbolo ndə̂ tche wâ la rə̂ alême pâ kuzü,

Apökälîbïchi 18:17

Kütû lə̂ dalo balë arə lâme gbɛ̂ ndɨ̂-î!» A-earə̂ kə̂ kpe la ayɛ̈yɛ̈ abatöo gbɛ̂, la azü ndə̂ andjë e la ngâ wrʉ̂, la azü ndə̂ andjë mbo kua lə̂ dju ngû, la azü gbɛ̂ ndə̂ andjë pu kɨ̈zɨ̂ ma andjê la gbölö ngû ngbro, andjë sə̈ ngrɨ̈ bhâchï.