Dokʉ̈ Körɛ̂nte 1:27 - Mbëtï Ndjapä: TÄFO MADƗ̈

²⁷ Praâbalë rə ndə̂ azü pâ cho wûn rə̂ batə̂ rə nyî, Ndjapä dɨ̈ rə̂ ndə̂kə̂ yi ganô lə̂ la azü ndə̂ küma andjê wâ lanə̈. Rə ndə̂ azü pâ cho wûn rə̂ batə̂ mömö rə, Ndjapä zä rə̂ ndə̂kə̂ yi ganô lə̂ la a-earə̂ gbôgbô.

Dokʉ̈ Körɛ̂nte 1:27 Iomraidhean Croise

Matiyə̈ 11:25

Lo nə̈ lâme, Jezü tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü.

Matiyə̈ 21:16

Andjë tô rə̂ sə̈ Jezü päkëdə̂: «Mo djê pö ndə̂ andjë tô rə̂ lâme nə̂?» Jezü tô rə̂ ndə̂nə̈ sə̈ andjê päkëdə̂: «Më djê rə̂ nə̂! Nyë dɨ̂âbo pö lâme balë lə̂ Mbëtï Ndjapä? Mbëtï Ndjapä tö rə̂ päkëdə̂: ‹Mo mbö rə̂ pä düwü ndə̂kə̂ voga mö wutu lə̂ ma ayɛ̈yɛ̈ abechë la angbelɛ̂-abechë.›»

Matiyə̈ 9:9

Ndə̂ Jezü âlafô sə̂ tchô nə̈ lâme ndə̂kə̂ ro etə̂, tche wûn ngâ köchë ndə̂ rə̈ yê wü pä Matiyə̈. Tche sə̈ bhâ sə̂nə̈ ndə̂ a pala makətche-lapöo tâ. Jezü tô rə̂ sə̈ tchë päkëdə̂: «Nə ngbâ mê!» Matiyə̈ âlafô kə̈ nə̂ ngbâ Jezü.

Lûke 21:15

Bëte mëmê la tə̂ mê, mê zadje pö sə̈ nyê ndə̂kə̂ to rə̂, kə̂ mbo rə̂ pä küma nyê wa lanə̈. Apö lâme, azü ndə̂ andjë kôsə̂ nyê wâbo ndə̂kə̂ to ndjë ngâ pö ngbî ndə̂nə̈, âdəndjë ndə̂kə̂ kosə̂ nə̈-a.

Abadjângele 17:18

Angâ a-earə̂ kə̂ nyisə̂ rə ndə̂ a ê rə̂ tə̂ andjê pä aepikurïɛ̈n la asotoyisïɛ̈n sə̂ lakə̂ to pö la tchë. Angânə̈ tö rə̂ päkëdə̂: «Ɛ̈mawû âtə nyîndə̂ kə̂ to rə̂ atöko?» Angânə̈ tô rə̂ päkëdə̂: «Tche wä batə̂ akrə ndə̂ tche mu pö ndə̂ andjapä ndə̂ angâ agö ngbî.» Bëte Pôlo mü Tchôtchô Pö ndə̂ Jezü lakə̂ jo ndə̂ azü lə̂ kuzü.

Abadjângele 7:35

«Möyîze ndə̂ azü ndə̂ Isarayële kôsə̂ yê alême ânyë kə̈ yû tchë päkëdə̂: ‹Tchabâ kä ndə̂ âzâ mö tə̂ makündji la earə̂ kə̂ wa ngbanga pâ ârâ?› Tchetchë kä ndə̂ Ndjapä wân tchë batə̂ makündji la earə̂ kə̂ ji azü lə̂ ngbâa. Tche zäma lâme sə̈ tchë lə̂ köbosə̂ ânje ndə̂ tche wûtu tchâtchu yê lə̂ wo ndə̂ âtcho lə̂ gbâkü dɨgbɨ ndöndö yö.

Abadjângele 7:54

Ndə̂ azü ndə̂ Gbölö Kpûlû ndə̂ a-earə̂ kə̂ wa ngbanga nə̈ djê pö nə̈, mêrâ mbô andjê ânyë andjë zɨ̂ tchə̂lə̂ da jï andjê tə̂ Etîêne.

Dokʉ̈ Körɛ̂nte 1:20

Akrə ndə̂ küma yê wâ lanə̈ sə̈ bhâ tchêbâ? Earə̂ kə̂ nyisə̂ ndïɛ̈ sə̈ bhâ tchêbâ? Earə̂ kə̂ to pö la köbo nə̈ ndə̂ tchô angêta sə̈ bhâ tchêbâ? Ndjapä mbôâbo rə̂ pä küma azü ndə̂ âwâ lanə̈ pâ cho âtə watə̂ nyî?

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 2:12

Âdə andə̂ azə̈ nə̈, azə̈ gbôâbo yingö ndə̂ tchêbêche âtə-a, praâbalë azə̈ gbö Yingö ndə̂ âtô bhândə̂ Ndjapä, ndə̂ âmbô rə̂ pä azə̈ wunsə̂ atchôtchô arə ndə̂ Ndjapä kʉ rə̂ sə̈ azü lə̂ köbosə̂ tchôtchô su yê.

Bïchuû Körɛ̂nte 10:10

Bëte angâ azü tö rə̂ päkëdə̂: «Apö lə̂ ambëtï ndə̂ Pôlo lü, kə̈ kpô tə̂ gbölösə̂nə̈; praâbalë âdə tche âsə lə̂ gûtə̂ azə̂, tche wâbo la gbôgbô-a, ânyë pö lə̂ ma yê wâbo tə̂ ngâ rə balë-a.»

Bïchuû Körɛ̂nte 4:7

Praâbalë atchôtchô arə lâme, ârâ kʉ̈ rə̂ lə̂ alüsû ndə̂kə̂ pa azü wunsə̂ nə̈ pä gbölö gbôgbô lâme tö bhândə̂ Ndjapä, âtôâbo bhândə̂ ârâ-a.

Jâke 2:5

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?