Dokʉ̈ Körɛ̂nte 1:26 - Mbëtï Ndjapä: TÄFO MADƗ̈

²⁶ Arə̂mä, äwäpä nyë wuntə̂ nyê la tə̂ nyê lə̂ köbo ndə̂ nyë sə̂ la rə̂, nyënyê ndə̂ Ndjapä ê nyê: Lə̂kə̂ wun tchô ndə̂ nyê, azü ndə̂ küma andjê wâ lanə̈ ngbâbo lə̂ gbâtə̂ nyê-a, a-earə̂ gbôgbô ngbâbo-a, azü lə̂ tchôtchô bûngrɨ̂ ngbâbo-a.

Dokʉ̈ Körɛ̂nte 1:26 Iomraidhean Croise

Lûke 1:3

Bëte rə̂ kä ndə̂ mëmê ndjë gbɛ̂, pânə̈ ndə̂ më pû dju apö nə̈ gbɛ̂ ndə̂kə̂ to tə̂ küma nə̈ ndjoa ëtə̂ dju nə̈, âfû tə̂ mê ndə̂kə̂ pa më mbo ndjë mbëtï pâ arə ndə̂ âwûtu tə̂ manə̈ balë balë sə̈ mö Tëöfîle.

Lûke 10:21

Posə̂nə̈ lâme, Kpɨ̂ki Yingö sɨ̂ Jezü la mômô, tche tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü. Tə̂ lëge nə̈, mo mbö tâ käko bëte momö kä ndə̂ ânyîndə̂ nə̈.

Abadjângele 13:12

Ndə̂ goverenëre nə̈ wûn rə ndə̂ âwûtu lâme, tche zâ su yê sə̈ Krîsiti, bëte pö ndə̂ Gbölö Gbïɛ̈ ndə̂ tche djê rə̂ zä su yê tə̂ gbölösə̂nə̈.

Abadjângele 13:7

Tche də̈ ngâ akrə lə̂ gûtə̂ azü ndə̂ goverenëre Sërzïûs Pölûs, tche də̈ akrə ndə̂ tche wûnsə̂ rə. Tche ê Bärnäbâse la Sôlo bhândə̂ yê, bëte tche nyïndə̂ kə̂ dje pö Ndjapä.

Abadjângele 17:34

Angânə̈ balë balë zâ tchêngbâ yê ânyë kə̈ zâ su andjê sə̈ Jezü. Lə̂ gûtə̂ azü nə̈ lâme, a gbö Denï, ngâ akrə ndə̂ Ärëöpâje, la ngâ ɛ̈chë ndə̂ rə̈ yê wû pä Dämärîse la angâ azü.

Rômo 11:29

Tə̂ lëge nə̈, âdə Ndjapä âza ngâ rə sə̈ akrə nə̂, tchê kä ka bata ndə̂kə̂ za rə nə̈ tchânə̂ akrə nə̈ tee-a. Âdə Ndjapä âe ngâ akrə nə̂, tchê kä ka bata ndə̂kə̂ kosə̂ akrə nə̈ tee-a.

Dokʉ̈ Körɛ̂nte 1:20

Akrə ndə̂ küma yê wâ lanə̈ sə̈ bhâ tchêbâ? Earə̂ kə̂ nyisə̂ ndïɛ̈ sə̈ bhâ tchêbâ? Earə̂ kə̂ to pö la köbo nə̈ ndə̂ tchô angêta sə̈ bhâ tchêbâ? Ndjapä mbôâbo rə̂ pä küma azü ndə̂ âwâ lanə̈ pâ cho âtə watə̂ nyî?

Dokʉ̈ Körɛ̂nte 2:13

Käko ârâ tôâbo pö lə̂ köbosə̂ küma azü ndə̂ âwa lanə̈ pâ cho âtə-a, praâbalë ârâ tö rə̂ lə̂ köbosə̂ nə̈ ndə̂ Kpɨ̂ki Yingö nyîsə̂ nə̈ sə̈ ârâ. Ädə̈ käko ânyë ârâ nyisə̂ rə ndə̂ Kpɨ̂ki Yingö la apö ndə̂ âtô bhândə̂ Yingö lâme.

Dokʉ̈ Körɛ̂nte 2:8

Ngânə̈ balë lə̂ gbâtə̂ a-earə̂ kümändëmä ndə̂ andjë wâ la gbôgbô pâ cho âtə wûn-âbo sə̂ pö pâ küma ndə̂ âwa lanə̈ lâme-a. Âdə andjê âwunsə̂ nə̈ alême, dëkë andjê won-abô Gbölö Gbïɛ̈ ndə̂ tche wâ la gbôgbô pâ yö ndə̂ gba tee-a.

Fïlîpe 4:22

Azü ndə̂ Ndjapä gbɛ̂ ndə̂ andjë sə̂ bhâtə pô ndə̂ nyê nə̂, ndə̂kə̂ wun rə̂ djîrə̂, andjanə̈ ndə̂ andjë sə̂ bhâlə̂ gbadja ndə̂ gbölö gbïɛ̈ ndə̂ Rômo pô ndjë ndə̂ nyê nə̂.

Jâke 2:5

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?

Bïchuû Jâan 1:1

Mëmê Jâan, kpôkpô akrə ndə̂ Egilîze kä ndə̂ âwân mbëtï âtə sə̈ mö ndə̂ Ɛ̈chë la abechë ndə̂ zə̈, ndə̂ Ndjapä dɨ̂ mö, ndə̂ më nyîndə̂ zə̈ tə̂ lëge nə̈ gbɛ̂. Âdə̂âbo mëmê la kütû mê kä ndə̂ ânyîndə̂ nyê-a. Praâbalë azü gbɛ̂ ndə̂ andjë wûnsə̂ lëge pö kä ndə̂ ânyî ndjë ndə̂ nyê.