Dokʉ̈ Körɛ̂nte 1:24 - Mbëtï Ndjapä: TÄFO MADƗ̈

²⁴ Praâbalë andə̂ andjanə̈ ndə̂ Ndjapä ê andjê, ajuîfu la azü ndə̂ andjë wâbô wâtə̂ juîfu, Krîsiti wätə̂ gbôgbô ndə̂ Ndjapä, kə̈ wâtə̂ küma Ndjapä ndə̂ âwâ lanə̈.

Dokʉ̈ Körɛ̂nte 1:24 Iomraidhean Croise

Lûke 11:49

Bëte rə̂ kä, lə̂ köbosə̂ nə̈ ndə̂ küma Ndjapä ndə̂ âwâ lanə̈, tche tô rə̂ päkëdə̂: ‹Mê wan-adje a-earə̂ ndə̂ma Ndjapä la abadjângele, andjê won-adje angânə̈ lə̂ gûtə̂ andjê, kə̂ mboadje angânə̈ la yûkü.›

Lûke 7:35

Praâbalë küma ndə̂ âwa lanə̈ wä djîrə̂ lə̂ la azü ndə̂ Ndjapä gbɛ̂.»

Rômo 1:16

Më wâbo la ganô ndə̂kə̂ mu Tchôtchô Pö ndə̂ Ndjapä-a. Tchôtchô Pö nə̈ wätə̂ gbôgbô ndə̂ Ndjapä ndə̂ tche zâ rə̂ ndə̂kə̂ tcha azü gbɛ̂ ndə̂ andjë zâ su andjê sə̈ Jezü Krîsiti. Tche tchä ajuîfu dokʉ̈tchê, la tchêngbâ nə̈, tche tchâ azü ndə̂ andjë wâbô wâtə̂ ajuîfu.

Rômo 1:4

Lə̂ köbosə̂ Kpɨ̂ki Yingö, kə̂ jo ndə̂ yê lə̂ kuzü nyïsə̂ nə̈ la gbôgbô lə̂ la azü pä tche də̈ Modô ndə̂ Ndjapä, Jezü Krîsiti Gbölö Gbïɛ̈ ndə̂ azə̂.

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Rômo 9:24

Azü nə̈ lâme də̈ azə̂. Âdə̂âbô kütû lə̂ gbâtə̂ ajuîfu kä ndə̂ tche ê azə̂-a, praâbalë tche ë ndjë azə̂ lə̂ gbâtə̂ andjanə̈ ndə̂ andjë wâbô wâtə̂ ajuîfu-î.

Dokʉ̈ Körɛ̂nte 1:18

Tə̂ lëge nə̈ pö ndə̂ yö ndə̂ gba wätə̂ pö nyî lə̂ la azü ndə̂ andjë wâ ndə̂kə̂ tchu. Praâbalë andə̂ azə̂ ndə̂ azə̈ wâ lə̂ köbo ndə̂kə̂ tchâ lə̂ kuzü, pö nə̈ wätə̂ gbôgbô ndə̂ Ndjapä.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 1:9

Ndjapä mbö rə gundə̂sə̂ pö ma yê, tchetchë ndə̂ tche ê nyê ndə̂kə̂ pa nyë wa balë la Modô ndə̂ yê Jezü Krîsiti, Gbölö Gbïɛ̈ ndə̂ azə̂.

Kölôse 2:3

Atchôtchô arə gbɛ̂ ndə̂ küma ndə̂ âwa lanə̈, lakə̂ wunsə̂ rə, Ndjapä kʉ̈ rə̂ wü lə̂ Krîsiti.