Dokʉ̈ Körɛ̂nte 1:23 - Mbëtï Ndjapä: TÄFO MADƗ̈

²³ Praâbalë andə̂ ârâ, ârâ sə̈ lakə̂ mu pö päkëdə̂: A wôn Krîsiti pâ yö ndə̂ gba nə̂. Andə̂ ajuîfu, pö lâme zä gbölö mêrâ tə̂ su andjê bëte äwätə̂ pö ndə̂kə̂ dro Ndjapä, ânyë kə̈ wâtə̂ pö nyî lə̂ la azü ndə̂ andjë wâbô wâtə̂ ajuîfu-î.

Dokʉ̈ Körɛ̂nte 1:23 Iomraidhean Croise

Matiyə̈ 11:6

Mômô kä tə̂ akrə ndə̂ tche gbôâbo gbôtə̂ kə̂ za su yê sə̈ mê!»

Matiyə̈ 13:57

Arə lâme gbɛ̂ mbö rə̂ ânyë andjë zâbô su andjê zâ sə̈ tchë-ê. Käko Jezü tô rə̂ sə̈ andjê päkëdə̂: «Lə̂ agö gbɛ̂ a lüsə̂ earə̂ ndə̂ma Ndjapä, praâbalë âdə̂âbo azü lə̂ gö ndə̂ yê âdəndjë tchâalê ndə̂ yê kä ndə̂ âlusə̂ yê-a.»

Lûke 2:34

Simeyön ê tchôtchô pö pâ andjê, kə̈ tô rə̂ sə̈ Malê anyï Jezü päkëdə̂: «Ndjapä zä bechë âtə ndə̂kə̂ pa lə̂ köbosə̂ yê angbängbä azü ndə̂ Isarayële te, ânyë angânə̈ alafô. Tche âwa me tə̂ ngâ sɨ̂nyî rə ndə̂ Ndjapä, praâbalë azü koadje sə̂nə̈,

Dokʉ̈ Körɛ̂nte 1:18

Tə̂ lëge nə̈ pö ndə̂ yö ndə̂ gba wätə̂ pö nyî lə̂ la azü ndə̂ andjë wâ ndə̂kə̂ tchu. Praâbalë andə̂ azə̂ ndə̂ azə̈ wâ lə̂ köbo ndə̂kə̂ tchâ lə̂ kuzü, pö nə̈ wätə̂ gbôgbô ndə̂ Ndjapä.

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 1:28

Rə ndə̂ azü pâ cho âtə wûn rə̂ batə̂ kpîɛ̂kpîɛ̂ rə, batə̂ rə ndə̂ akrə kosə̂ nə̈, batə̂ mbämbä rə, Ndjapä dɨ̈ rə̂ ndə̂kə̂ ndɨ tchə̂lə̂ rə ndə̂ azü wûn rə̂ batə̂ ngâ gbölö rə lə̂ la andjê.

Dokʉ̈ Körɛ̂nte 2:14

Akrə ndə̂ tche wâbô wâ la Yingö ndə̂ Ndjapä, tche wâbo ndə̂kə̂ gamba arə ndə̂ Kpɨ̂ki Yingö-a. Rə nə̈ wä batə̂ rə nyî lə̂ la yê, tche wâbo ndə̂kə̂ dje tchə̂lə̂ nə̈-a, bëte lə̂ köbosə̂ Kpɨ̂ki Yingö balë kä ndə̂ akrə wünsə̂ kə̂ krʉ tchə̂lə̂ tchôtchô rə la ngbongbo rə.

Dokʉ̈ Körɛ̂nte 2:2

Bëte, ndə̂ më sə̂ lə̂ gbâtə̂ nyê, më nyîâbo ndə̂kə̂ wunsə̂ ngâ rə ngbî-a, kütû Jezü Krîsiti, Jezü Krîsiti ndə̂ a wôn tchë pâ yö ndə̂ gba.

Dokʉ̈ Körɛ̂nte 4:10

Ârâ wätə̂ a-earə̂ nyî bëte Krîsiti, praâbalë nyënyê ndə̂ nye nə̈, nyë wätə̂ azü ndə̂ küma andjê wâ lanə̈ lə̂ köbosə̂ nə̈ ndə̂ nyë wâ balë la Krîsiti. Ârâ wâbo la gbôgbô-a, praâbalë nyë kä la gbôgbô. A lüsə̂ nyê, praâbalë kə̈ tâlusə̂ ârâ.

Bïchuû Körɛ̂nte 4:5

Bëte pö ndə̂ ârâ mu rə̂, ârâ mûâbo pö pâ ârâ la tə̂ ârâ-a, praâbalë Jezü Krîsiti Gbölö Gbïɛ̈ kä ndə̂ ârâ mu pö ndə̂ yê. Ârâ nyïsə̂ nə̈ sə̈ nyê pä ârâ də̈ a-earə̂ kua ndə̂ nyê bëte Jezü.

Gälâte 3:1

Nyënyê azü gö ndə̂ Gälâte, küma nyê wâbo lanə̈-a! Giamâ kä âmbô nyê ânyë köbo nyê yû kâkë? Bëte kpôlə̂ la nyê kä ndə̂ a nyîsə̂ pö kraâ pâ Jezü Krîsiti ndə̂ a wôn tchë pâ yö ndə̂ gba!

Gälâte 5:11

Âdə andə̂ me nə̈, arə̂mä, âdə më ândəpo lakə̂ mu pö pä a wa azü la gasa, bëte giamâ kä ndə̂ gbô azü ndə̂po lakə̂ mbo mê tə̂ gêgêe nə̈? Âdə më âmu pö ndə̂nə̈, käko pö ndə̂ yö ndə̂ gba ndə̂ Krîsiti kä kʉ bata su ngâ akrə balë tee-a.

Gälâte 6:14

Âdə andə̂ me nə̈, tə̂ mê krâbo tə̂ ngâ rə ngbî-a, tə̂ më krä kütû tə̂ pö ndə̂ yö ndə̂ gba ndə̂ Gbölö Gbïɛ̈ ndə̂ azə̂ Jezü Krîsiti. Lə̂ köbosə̂ yö ndə̂ gba nə̈, arə tchêbêche âtə tchû lə̂ mê nə̂, ânyë më tchû ndjë tə̂ pö ndə̂ arə tchêbêche nə̂.

Ëfêze 3:8

Mëmê ndə̂ më wâtə̂ kpîɛ̂kpîɛ̂ akrə lə̂ gbâtə̂ akpîɛ̂kpîɛ̂ azü ndə̂ Ndjapä gbɛ̂, tche mbô tchôtchô su tə̂ mê ndə̂kə̂ mu pö batə̂ ngâ tchôtchô pö ndə̂ atchôtchô arə ndə̂ ârô masə̂nə̈ lə̂ Krîsiti sə̈ azü ndə̂ andjë wâbô wâtə̂ ajuîfu.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Dokʉ̈ Pîêre 2:8

Mbëtï nə̈ kä tô rə̂ päkëdə̂: «Ädə̈ ngâ täme ndə̂ azü gʉte da andjê tâ, gbölö täme ndə̂ âmbo rə̂ pä akrə te.» Azü lâme gʉ̈te da andjê tâ bëte andjë kosə̂ kə̂ dje ma Ndjapä, rə ndə̂ Ndjapä nyîkrə rə̂ bëte andjê kä lâme.