Dokʉ̈ Körɛ̂nte 1:21 - Mbëtï Ndjapä: TÄFO MADƗ̈

²¹ Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 1:21 Iomraidhean Croise

Matiyə̈ 11:25

Lo nə̈ lâme, Jezü tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü.

Lûke 10:21

Posə̂nə̈ lâme, Kpɨ̂ki Yingö sɨ̂ Jezü la mômô, tche tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü. Tə̂ lëge nə̈, mo mbö tâ käko bëte momö kä ndə̂ ânyîndə̂ nə̈.

Lûke 12:32

«Nyë mböäbô wa mbô-ê, aɛ̈bro-ngbaga ndə̂ Ndjapä! Bëte äfü tə̂ Bha nyê ndə̂kə̂ za Gbölö gö-gbïɛ̈ sə̈ nyê.

Jâan 12:31

Angaâtə kä ndə̂ a wa ngbanga ndə̂ azü tchêbêche. Angaâtə kä ndə̂ a za makündji ndə̂ tchêbêche âtə kə̂ yi tchë atə̂ sûwu.

Rômo 1:28

Batə̂ rə̂ ndə̂ andjë kôsə̂ kə̂ wunsə̂ Ndjapä, Ndjapä gbôtə̂ andjê ndə̂kə̂ pa andjë za tchêngbâ kə̂ wunsə̂ rə ndə̂ andjê ndə̂ âwâbô wâ lə̂ köbo nə̈-ê. Käko andjë mbö rə ndə̂ âwâbô wâ ndə̂kə̂ pa akrə mbo rə̂-ê.

Rômo 11:33

Tə̂ lëge nə̈ Ndjapä wä gbölö! Küma yê kä lanə̈, ânyë tche wunsə̂ rə tə̂ gbölösə̂nə̈. Tchabâ âwâ ndə̂kə̂ wunsə̂ köbo kə̂ wa ngbanga ndə̂ yê? Tchabâ âwâ ndə̂kə̂ wunsə̂ pö bhâtə̂ su yê?

Dokʉ̈ Körɛ̂nte 1:18

Tə̂ lëge nə̈ pö ndə̂ yö ndə̂ gba wätə̂ pö nyî lə̂ la azü ndə̂ andjë wâ ndə̂kə̂ tchu. Praâbalë andə̂ azə̂ ndə̂ azə̈ wâ lə̂ köbo ndə̂kə̂ tchâ lə̂ kuzü, pö nə̈ wätə̂ gbôgbô ndə̂ Ndjapä.

Dokʉ̈ Körɛ̂nte 1:23

Praâbalë andə̂ ârâ, ârâ sə̈ lakə̂ mu pö päkëdə̂: A wôn Krîsiti pâ yö ndə̂ gba nə̂. Andə̂ ajuîfu, pö lâme zä gbölö mêrâ tə̂ su andjê bëte äwätə̂ pö ndə̂kə̂ dro Ndjapä, ânyë kə̈ wâtə̂ pö nyî lə̂ la azü ndə̂ andjë wâbô wâtə̂ ajuîfu-î.

Dokʉ̈ Körɛ̂nte 1:24

Praâbalë andə̂ andjanə̈ ndə̂ Ndjapä ê andjê, ajuîfu la azü ndə̂ andjë wâbô wâtə̂ juîfu, Krîsiti wätə̂ gbôgbô ndə̂ Ndjapä, kə̈ wâtə̂ küma Ndjapä ndə̂ âwâ lanə̈.

Dokʉ̈ Körɛ̂nte 1:25

Bëte rə ndə̂ Ndjapä ndə̂ âwâ lə̂ la azü batə̂ rə nyî, rə nə̈ lâme zä küma ndə̂ âwa lanə̈ kə̈ rô andə̂ azü. Ânyë rə ndə̂ Ndjapä ndə̂ azü wûn rə̂ tə̂ mömö rə, äwä la gbôgbô kə̈ rô gbôgbô ndə̂ azü.

Dokʉ̈ Körɛ̂nte 1:27

Praâbalë rə ndə̂ azü pâ cho wûn rə̂ batə̂ rə nyî, Ndjapä dɨ̈ rə̂ ndə̂kə̂ yi ganô lə̂ la azü ndə̂ küma andjê wâ lanə̈. Rə ndə̂ azü pâ cho wûn rə̂ batə̂ mömö rə, Ndjapä zä rə̂ ndə̂kə̂ yi ganô lə̂ la a-earə̂ gbôgbô.

Dokʉ̈ Körɛ̂nte 11:32

Praâbalë Gbölö Gbïɛ̈ wä ngbanga ndə̂ azə̂, kə̈ gbɨ̂tɨ tu azə̂ ânyë kə̈ wâbô ngbanga wâ lə̂ küma azə̂ la adɨ̂ azü tchêbêche âtə-ê.

Dokʉ̈ Körɛ̂nte 2:14

Akrə ndə̂ tche wâbô wâ la Yingö ndə̂ Ndjapä, tche wâbo ndə̂kə̂ gamba arə ndə̂ Kpɨ̂ki Yingö-a. Rə nə̈ wä batə̂ rə nyî lə̂ la yê, tche wâbo ndə̂kə̂ dje tchə̂lə̂ nə̈-a, bëte lə̂ köbosə̂ Kpɨ̂ki Yingö balë kä ndə̂ akrə wünsə̂ kə̂ krʉ tchə̂lə̂ tchôtchô rə la ngbongbo rə.

Dokʉ̈ Körɛ̂nte 4:10

Ârâ wätə̂ a-earə̂ nyî bëte Krîsiti, praâbalë nyënyê ndə̂ nye nə̈, nyë wätə̂ azü ndə̂ küma andjê wâ lanə̈ lə̂ köbosə̂ nə̈ ndə̂ nyë wâ balë la Krîsiti. Ârâ wâbo la gbôgbô-a, praâbalë nyë kä la gbôgbô. A lüsə̂ nyê, praâbalë kə̈ tâlusə̂ ârâ.

Dokʉ̈ Körɛ̂nte 6:2

Nyë wûn-âbo sə̂nə̈ pä azü ndə̂ Ndjapä kä ndə̂ âwadje ngbanga ndə̂ azü tchêbêche âtə? Âdə nyënyê kä ndə̂ âwadje ngbanga ndə̂ azü tchêbêche âtə, atöko ânyë nyë wâbô wâ la gbôgbô ndə̂kə̂ wa ngbanga ndə̂ ayɛ̈yɛ̈ pö-ê?

Gälâte 1:15

Praâbalë Ndjapä zä mê ngbî ndə̂ gbô mê ndə̂po bhâlə̂ anyï mê. Tche ë mê lə̂ köbosə̂ tchôtchô su yê tə̂ lo nə̈ ndə̂ tche nyîndə̂,

Gälâte 4:8

Dokʉ̈tchê alême nyë wûn-âbo sə̂ Ndjapä-a, kə̈ wâ alême tə̂ angbâa tchâtchâ andjapä ndə̂ andjë wâbô wâtə̂ alëge andjapä-ê.

Ëfêze 1:9

Tche mbö rə̂ pä azə̈ wunsə̂ rə ndə̂ tche nyîkrə rə̂, ndə̂ âwâ lə̂ küwû nə̈. Lə̂ tchôtchô kə̂ wun tchô ndə̂ yê, tche nyïkrə rə̂ alême dokʉ̈tchê ndə̂kə̂ mbo rə̂ lə̂ köbosə̂ Krîsiti.

Ëfêze 3:10

Käko angaâtə, lə̂ köbosə̂ Egilîze, arə gbɛ̂ ndə̂ âwâ lafô, ânyë kə̈ wâ la gbôgbô, la arə gbɛ̂ ndə̂ âwâ ndjë la kümändëmä wunsə̂ nə̈ pä, küma Ndjapä ndə̂ âwâ lanə̈ wä ngbî ngbî-ï.

Kölôse 1:19

Bëte äfü tə̂ Ndjapä ndə̂kə̂ sə gbɛ̂ lə̂ Modô ndə̂ yê.

Aheborö 1:14

Aânje gbɛ̂ də̂âbo atchozö ndə̂ andjë mbo kua sə̈ Ndjapä? Tche wän andjê ndə̂kə̂ za könô sə̈ azü ndə̂ andjë wâ ndə̂kə̂ tcha lə̂ kuzü.

Aheborö 2:3

Käko azəzə̂ la tə̂ azə̂, atöko kä ndə̂ azə̈ kpe tə̂ ngbanga lâme, ndə̂ azə̈ wûn kə̂ tcha lə̂ kuzü batə̂ mbämbä rə lâme? Gbölö Gbïɛ̈ la tə̂ yê kä ndə̂ âjêtə̂ kə̂ mu pö ndə̂nə̈ alême dokʉ̈tchê. Pânə̈ andjanə̈ ndə̂ andjë djê pö ndə̂ tchîsûwu ndə̂ logbɛ̂ logbɛ̂ lâme, andjë tö rə̂ sə̈ ârâ pä pö nə̈ wätə̂ lëge nə̈.

Aheborö 7:25

Bëte rə̂ kä, azü ndə̂ andjë gitə̂ andjê pu Ndjapä lə̂ köbosə̂ yê, tche kä la gbôgbô ndə̂kə̂ tcha andjê tə̂ lëge nə̈ tratralë, bëte tche wä la tchîsûwu ndə̂ logbɛ̂ logbɛ̂ ndə̂kə̂ to pö sə̈ Ndjapä bëte andjê.

Jâke 4:4

Nyënyê ndə̂ nyë wâ batə̂ azü ndə̂ andjë pu aɛ̈chë âdəndjë aköchë ndə̂ angâ andjê âtə! Nyë wûn-âbo sə̂nə̈ pä akrə ndə̂ tche zâ agü la tchêbêche âtə, tche wätə̂ akrə ndə̂ tche kôsə̂ Ndjapä? Akrə ndə̂ tche nyîndə̂ kə̂ za agü la tchêbêche âtə, dëkë tche wâ nə̂ tə̂ akrə ndə̂ tche kôsə̂ Ndjapä.

Jâke 5:15

Kə̂ to pö sə̈ Ndjapä lakə̂ za su sə̈ tchë mbö rə̂ pä earə̂ tə̂kömbô nə̈ tcha, ânyë Gbölö gbïɛ̈ kengadje tchë. Âdə tche âmbo ngbongbo rə alêe, Ndjapä âko pö lə̂ küma yê gbɛ̂.

Jâke 5:20

äwäpä nyë wunsə̂ nə̈ päkëdə̂: Akrə ndə̂ tche kâ la ngâ earə̂ ngbongbo rə ëpâ köbo ndə̂ tche tchâ rə̂ lâme, dëkë tche mbö rə̂ pä earə̂ ngbongbo rə tcha lə̂ kuzü, kə̈ mbô ndjë rə̂ pä Ndjapä ko angbängbä apö lə̂ küma yê.