Dokʉ̈ Körɛ̂nte 1:2 - Mbëtï Ndjapä: TÄFO MADƗ̈

² ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 1:2 Iomraidhean Croise

Abadjângele 10:36

Ndjapä wän pö ndə̂ yê sə̈ azü ndə̂ Isarayële: Pö nə̈ də̈ Tchôtchô Pö ndə̂ âza zɨtɨ su sə̈ akrə lə̂ köbosə̂ Jezü Krîsiti, tchetchë ndə̂ tche də̂ Gbölö Gbïɛ̈ ndə̂ azü gbɛ̂.

Abadjângele 15:9

Lə̂ la yê, azə̈ la andjê wä balë. Ndjapä djütu su andjê bëte rə̂ ndə̂ andjë zâ su andjê sə̈ Jezü.

Abadjângele 18:1

La tchêngbâ nə̈ Pôlo tô bhâ Ätêne kə̈ ê atə̂ Körɛ̂nte.

Abadjângele 22:16

Giamâ kä ndə̂ mo kâ krʉ̂ bëte rə̂? Alafô kə̈ gbô batɛ̂me, ânyë a ko pö lə̂ küma zə̈, lə̂ köbosə̂ nə̈ ndə̂ mo ê rə̈ Jezü.›»

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Abadjângele 9:13

Änänîâse tô rə̂ ndə̂nə̈ päkëdə̂: «Gbölö Gbïɛ̈, më djë pö ndə̂ angbängbä azü tô rə̂ tə̂ köchë âtə, andjë tö ndjë pö ndə̂ angbongbo arə gbɛ̂ ndə̂ tche mbô rə̂ tə̂ azü ndə̂ zə̈ ndə̂ andjë sə̂ bhâ Jerûzalêmo.

Abadjângele 9:14

Tche nə̈ tchâtə la gbôgbô ndə̂ agbölö a-earə̂ kə̂ wa ngela sə̈ Ndjapä zâ rə̂ sə̈ tchë, ndə̂kə̂ kʉ azü gbɛ̂ ndə̂ andjë e rə̈ zə̈, kə̂ yi andjê bhâlə̂ nda kânga.»

Abadjângele 9:21

Tchə̂lə̂ küma azü gbɛ̂ ndə̂ andjë djê tchë djîngɨli, ânyë andjë sə̂ lakə̂ to rə̂ päkëdə̂: «Âdə̂âbo köchë âtə kä ndə̂ âsə̂ alême lakə̂ mbo gbôgbô tə̂ azü bhâ Jerûzalêmo, ndə̂ andjë e rə̈ Jezü lâme? Tche nə̂âbo tchâtə sabala ndə̂kə̂ kʉ andjê, kə̂ i andjê la djingîli, ânyë kə̂ dotə̂ yê la andjê sə̈ agbölö a-earə̂ kə̂ wa ngela sə̈ Ndjapä?»

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Rômo 10:12

Käko ajuîfu la azü ndə̂ andjë wâbô wâtə̂ ajuîfu wä balë. Gbölö Gbïɛ̈ ndə̂ andjê wä balë. Tche kʉ̈ atchôtchô arə sə̈ azü ndə̂ andjë e tchë.

Rômo 3:22

Ndjapä mbö rə̂ ndə̂kə̂ pa azü wa djîrə̂ lə̂ la yê lə̂ köbosə̂ nə̈ ndə̂ andjë zâ su andjê sə̈ Jezü Krîsiti. Tche mbö rə nə̈ lâme sə̈ azü gbɛ̂ ndə̂ andjë zâ su andjê sə̈ Krîsiti, bëte tche krʉ̂âbo tchə̂lə̂ azü-a.

Rômo 8:28

Azə̈ wûnsə̂ nə̈ nə̂ pä, rə gbɛ̂ pälatə̂ yê ndə̂kə̂ mbo dâkâ tə̂ azü ndə̂ andjë nyîndə̂ Ndjapä. Azü ndə̂ tche ê andjê lə̂ köbosə̂ nə̈ ndə̂ su yê nyîndə̂ nə̈.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 12:27

Dëkë nyënyê gbɛ̂ nyë wätə̂ tə̂ Krîsiti, nyënyê balë balë gbɛ̂ nyë wätə̂ atchâme-tə̂ yê.

Dokʉ̈ Körɛ̂nte 8:6

Âdə andə̂ azə̂, Ndjapä wä kütû balë, tche də̈ Bha ndə̂ rə gbɛ̂ tô bhândə̂ yê, ânyë bëte tchë kä ndə̂ azə̈ wâ la tchîsûwu. Azə̈ wä ndjë la Gbölö Gbïɛ̈ kütû balë, tche də̈ Jezü Krîsiti ndə̂ Ndjapä mbô arə gbɛ̂ lə̂ köbosə̂ yê, ânyë azə̈ wâ la tʉ̈rʉ̂ la azə̂ lə̂ köbosə̂ yê.

Bïchuû Körɛ̂nte 1:1

Mëmê Pôlo, më wätə̂ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈. Mëmê la ngâ azə̂ Timotë kä ndə̂ âwân mbëtï âtə. Ârâ wän mbëtï âtə sə̈ Egilîze ndə̂ Ndjapä ndə̂ âwâ lə̂ gö ndə̂ Körɛ̂nte ndjë la azü ndə̂ Ndjapä gbɛ̂ ndə̂ andjë wâ lə̂ agö ndə̂ Akayï gbɛ̂.

Bïchuû Körɛ̂nte 4:5

Bëte pö ndə̂ ârâ mu rə̂, ârâ mûâbo pö pâ ârâ la tə̂ ârâ-a, praâbalë Jezü Krîsiti Gbölö Gbïɛ̈ kä ndə̂ ârâ mu pö ndə̂ yê. Ârâ nyïsə̂ nə̈ sə̈ nyê pä ârâ də̈ a-earə̂ kua ndə̂ nyê bëte Jezü.

Gälâte 1:2

Arə̂mâ gbɛ̂ ndə̂ andjë sə̂ bhâtə la mëmê, ârâ wän mbëtï âtə sə̈ azü ndə̂ a-Egilîze ndə̂ Gälâte.

Ëfêze 5:26

Ndə̂kə̂ pa Egilîze nə̈ wa ngbî kə̂ daka gbɛ̂, tche djutu rə̂ la ngû lə̂ köbosə̂ pö ndə̂ yê. Rə ndə̂ tche nyîndə̂ nə̈ kä lâme.

Dokʉ̈ Tësälönîke 1:1

Mëmê Pôlo la Silvɛ̈n la Timotë, ârâ mbö mbëtï âtə sə̈ azü ndə̂ Egilîze ndə̂ Tësälönîke ndə̂ andjë də̂ azü ndə̂ Ndjapä Bha, la andə̂ Gbölö Gbïɛ̈ Jezü Krîsiti. Äfü pä Ndjapä mbo tchôtchô su tə̂ nyê, kə̂ za zɨtɨ su sə̈ nyê.

Dokʉ̈ Tësälönîke 4:7

Bëte Ndjapä êâbo azə̂ ndə̂kə̂ mbo rə ndə̂ ndïɛ̈ ndə̂ yê kôsə̂ nə̈-a, praâbalë tche ë azə̂ ndə̂kə̂ wa ngbî bëte tchë ânyë kə̂ daka gbɛ̂.

Bïchuû Tësälönîke 1:1

Mëmê Pôlo la Silvɛ̈n la Timotë kä âkə̈ wân mbëtï âtə sə̈ Egilîze ndə̂ Tësälönîke. Nyë wätə̂ azü ndə̂ Ndjapä Bha la Gbölö Gbïɛ̈ ndə̂ azə̂ Jezü Krîsiti.

Dokʉ̈ Timotë 2:8

Më nyïndə̂ nə̈ pä aköchë to pö sə̈ Ndjapä kusə̂ tchô gbɛ̂, lakə̂ kenga könô andjê atə̂ lafô, könô ndə̂ âwâ ngbî ânyë kə̈ dâka gbɛ̂. Âwâbo pä andjë to pö nə̈ sə̈ tchë la mêrâ-a, âdəndjë lakə̂ gama andjê lə̂ gbâtə̂ andjê-a.

Dokʉ̈ Timotë 3:15

Käko âdə më âwutuabô wûtu gasa-ê, mô wun-adje sə̂ köbo ndə̂ mo nə la rə̂ lə̂ gbâtə̂ azü ndə̂ Ndjapä, ndə̂ ânyîndə̂ kə̂ to rə̂ päkëdə̂: Egilîze ndə̂ Ndjapä ndə̂ tche wâ la tchîsûwu. Egilîze nə̈ kä ndə̂ âza gbôgbô la könô sə̈ lëge pö.

Bïchuû Timotë 1:9

Tchetchë kä ndə̂ âtchâ azə̂, kə̈ ê azə̂ kə̈ kʉ̂ azə̂ ngbî bëte tchë lâme. Kə̂ e tchô nə̈ lâme wâbo lə̂ köbosə̂ kua ndə̂ azə̂-a, praâbalë äwä lə̂ köbosə̂ rə ndə̂ tche nyîkrə rə̂, la tchôtchô su yê. A zä tchôtchô su nə̈ lâme sə̈ azə̂, lə̂ köbosə̂ kə̂ wa balë la Jezü Krîsiti, dokʉ̈tchê ndə̂kə̂ pa a mbo arə gbɛ̂.

Bïchuû Timotë 2:19

Praâbalë gbôgbô da nda ndə̂ Ndjapä nyîkrə rə̂, gbô rə̂ kä tâ, pö ndə̂ a pî rə̂ pâ da nda lâme wä päkëdə̂: «Gbölö Gbïɛ̈ wünsə̂ azü ndə̂ yê», ânyë: «Akrə ndə̂ tche tô rə̂ la ma yê pä anyë wätə̂ akrə ndə̂ Gbölö Gbïɛ̈, äwäpä tche e ngrɨ̈ tə̂ ngbongbo rə.»

Bïchuû Timotë 2:22

Amö kpe tə̂ gʉ arə ndə̂ âmbo abechë-ɛ̈köchë la abechë-ɛ̈chë lâme. Pu köbo ndə̂kə̂ mbo djîrə̂ rə, kə̂ za su zə̈ sə̈ Krîsiti, kə̂ nyində̂ ngâ, kə̂ sə la zɨtɨ su la azü ndə̂ nyê e rə̈ Gbölö Gbïɛ̈ la andjê, la grôgrô su.

Aheborö 10:10

Jezü Krîsiti mbö rə ndə̂ su Ndjapä nyîndə̂ nə̈. Tche zätə̂ yê la ngela sûsunə̈ balë tratralë, ârə̂ kä ndə̂ âdjutu angbongbo rə ndə̂ azə̂.

Aheborö 13:12

Bëte rə̂ kä ndə̂, Jezü tchû ndjë də sûwu gö nə̈ ndə̂kə̂ pa lə̂ köbosə̂ jï yê la tə̂ yê, tche djutu ngbongbo rə ndə̂ azü gö nə̈.

Aheborö 2:11

Jezü ndə̂ tche kʉ azü ngbî bëte Ndjapä, ânyë tchetchë la azü nə̈ ndə̂ tche kʉ̂ andjê ngbî bëte Ndjapä nə̈ lâme gbɛ̂ wä kütû la Bha balë. Bëte rə̂ kä ndə̂ Jezü wâbo la ganô ndə̂kə̂ e rə̂ tə̂ andjê pä arə̂mä ndə̂ anyê-a.

Jûde 1:1

Mëmê Jûde, earə̂ kua ndə̂ Jezü Krîsiti, ndə̂ më də̂ ndjë yîngâ Jâke. Më mbö mbëtï âtə sə̈ azü ndə̂ Bha mê Ndjapä ê andjê, tche nyïndə̂ andjê ânyë kə̈ bâta andjê bëte Jezü Krîsiti.

Apökälîbïchi 19:16

A mbö ngâ rə̈ pâ gbölö lə̂ba ndə̂ yê ndjë pâ kü yê, rə̈ nə̈ tö rə̂ päkëdə̂: «Gbïɛ̈ ndə̂ agbïɛ̈ la Gbölö Gbïɛ̈ ndə̂ agbölö gbïɛ̈.»