Dokʉ̈ Körɛ̂nte 1:18 - Mbëtï Ndjapä: TÄFO MADƗ̈

¹⁸ Tə̂ lëge nə̈ pö ndə̂ yö ndə̂ gba wätə̂ pö nyî lə̂ la azü ndə̂ andjë wâ ndə̂kə̂ tchu. Praâbalë andə̂ azə̂ ndə̂ azə̈ wâ lə̂ köbo ndə̂kə̂ tchâ lə̂ kuzü, pö nə̈ wätə̂ gbôgbô ndə̂ Ndjapä.

Dokʉ̈ Körɛ̂nte 1:18 Iomraidhean Croise

Abadjângele 13:41

‹Nyënyê ndə̂ azü ndə̂ nyë wûn pö Ndjapä batə̂ ngbongbo rə, nyë wün rə̂! Andjë mbö wa ânyë kə̈ kpê etə̂! Tə̂ lëge nə̈, sə̂nə̈ ndə̂ gbô andjê wâ la tʉ̈rʉ̂ la andjê, mê mboadje ngâ rə, rə nə̈ lâme, âdə akrə âto tchêngbâ pö ndə̂nə̈ sə̈ nyê, nyê gambabô rə̂ balë tee-a.›»

Abadjângele 17:18

Angâ a-earə̂ kə̂ nyisə̂ rə ndə̂ a ê rə̂ tə̂ andjê pä aepikurïɛ̈n la asotoyisïɛ̈n sə̂ lakə̂ to pö la tchë. Angânə̈ tö rə̂ päkëdə̂: «Ɛ̈mawû âtə nyîndə̂ kə̂ to rə̂ atöko?» Angânə̈ tô rə̂ päkëdə̂: «Tche wä batə̂ akrə ndə̂ tche mu pö ndə̂ andjapä ndə̂ angâ agö ngbî.» Bëte Pôlo mü Tchôtchô Pö ndə̂ Jezü lakə̂ jo ndə̂ azü lə̂ kuzü.

Abadjângele 17:32

Ndə̂ azü nə̈ djê pö ndə̂ Pôlo tô rə̂ pâ kə̂ jo ndə̂ azü lə̂ kuzü lâme, angânə̈ sə̂ lakə̂ mo tchë ânyë angânə̈ tô rə̂ päkëdə̂: «Ârâ djeadje mö pâ pö lâme tə̂ngâlo.»

Abadjângele 2:47

Andjë sə̈ lakə̂ voga Ndjapä, ânyë azü gbɛ̂ nyîndə̂ andjê. Logbɛ̂ Gbölö Gbïɛ̈ mbö rə̂ ânyë angâ azü ndə̂ andjë tchâ lə̂ kuzü lî lə̂ gbâtə̂ andjê.

Rômo 1:16

Më wâbo la ganô ndə̂kə̂ mu Tchôtchô Pö ndə̂ Ndjapä-a. Tchôtchô Pö nə̈ wätə̂ gbôgbô ndə̂ Ndjapä ndə̂ tche zâ rə̂ ndə̂kə̂ tcha azü gbɛ̂ ndə̂ andjë zâ su andjê sə̈ Jezü Krîsiti. Tche tchä ajuîfu dokʉ̈tchê, la tchêngbâ nə̈, tche tchâ azü ndə̂ andjë wâbô wâtə̂ ajuîfu.

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 15:2

Âdə nyê âbata Tchôtchô Pö nə̈ batə̂ rə̂ ndə̂ më mû rə̂ sə̈ nyê, nyê tchadje lə̂ kuzü lə̂ köbosə̂ nə̈; ârə̂ âdəabô də̂ käko, dëkë kə̂ za su nyê sə̈ Ndjapä wä ämbänə̈.

Dokʉ̈ Körɛ̂nte 2:14

Akrə ndə̂ tche wâbô wâ la Yingö ndə̂ Ndjapä, tche wâbo ndə̂kə̂ gamba arə ndə̂ Kpɨ̂ki Yingö-a. Rə nə̈ wä batə̂ rə nyî lə̂ la yê, tche wâbo ndə̂kə̂ dje tchə̂lə̂ nə̈-a, bëte lə̂ köbosə̂ Kpɨ̂ki Yingö balë kä ndə̂ akrə wünsə̂ kə̂ krʉ tchə̂lə̂ tchôtchô rə la ngbongbo rə.

Dokʉ̈ Körɛ̂nte 2:2

Bëte, ndə̂ më sə̂ lə̂ gbâtə̂ nyê, më nyîâbo ndə̂kə̂ wunsə̂ ngâ rə ngbî-a, kütû Jezü Krîsiti, Jezü Krîsiti ndə̂ a wôn tchë pâ yö ndə̂ gba.

Dokʉ̈ Körɛ̂nte 3:19

Bëte küma azü tchêbêche ndə̂ âwa lanə̈ wätə̂ rə nyî lə̂ la Ndjapä. Ädə̈ käko ânyë Mbëtï Ndjapä tô rə̂ päkëdə̂: «Ndjapä gbö azü ndə̂ küma andjê wâ lanə̈ lâme lə̂ känyï ndə̂kə̂ bolo azü ndə̂ andjê la tə̂ andjê.»

Dokʉ̈ Körɛ̂nte 4:10

Ârâ wätə̂ a-earə̂ nyî bëte Krîsiti, praâbalë nyënyê ndə̂ nye nə̈, nyë wätə̂ azü ndə̂ küma andjê wâ lanə̈ lə̂ köbosə̂ nə̈ ndə̂ nyë wâ balë la Krîsiti. Ârâ wâbo la gbôgbô-a, praâbalë nyë kä la gbôgbô. A lüsə̂ nyê, praâbalë kə̈ tâlusə̂ ârâ.

Bïchuû Körɛ̂nte 10:4

Arə kʉ̈ʉ̈ ndə̂ ârâ tôâbo tchânə̂ azü tchêbêche âtə-a, praâbalë gbôgbô ndə̂ arə kʉ̈ʉ̈ ndə̂ ârâ tö bhândə̂ Ndjapä, ânyë kə̂ ndrɨndrɨ tchə̂lə̂ agbôgbô gbadja ndə̂ kʉ̈ʉ̈. Ârâ ndɨ̈ tchə̂lə̂ kə̂ za küma ndə̂ azü ndə̂ âwâbô wâ la köbo nə̈-ê.

Bïchuû Körɛ̂nte 4:3

Âdə Tchôtchô Pö ndə̂ ârâ mû rə̂ âwa tchâkabû, äwä tchâkabû bëte azü ndə̂ köbo andjê yû.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Bïchuû Tësälönîke 2:10

Tchê mboadje angbongbo arə ngbî ngbî ndə̂kə̂ bolo azü ndə̂ andjë wâ lə̂ köbo kuzü, andjë wä ndə̂kə̂ tchu bëte andjë kösə̂ kə̂ gbo lëge pö ndə̂ âwâ âme ndə̂kə̂ tcha andjê, kə̈ nyîâbo ndə̂nə̈-a.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Aheborö 4:12

Bëte Pö Ndjapä wä la tchîsûwu, kə̈ wâ la gbôgbô. Pö Ndjapä wä batə̂ besala ndə̂ manə̈ kî dəkalâ dəkalâ. Pö Ndjapä nə̈ lï zoo kə̈ krʉ̂ tchə̂lə̂ vrö la yingö, kə̈ krʉ̂ ndjë tchə̂lə̂ abülüngbɨ̈ la awole. Pö Ndjapä wä ngbanga pâ agʉ arə ndjë lakə̂ rɨ tchə̂lə̂ su akrə.